Kolose 2:18 - Jaji ma Su-sungi

¹⁸ Awa ngini ni isene toma ngowa'a ga'a sisala ngini. Ngowa'a gena-ge 'aḏi masa-sakala maholo manga diri re 'aḏi silamo'o re siḏubuso mala'ekata-mala'ekata. Na'o ngini ni mete'e ananga gena-ge, ḏuanga i'a ninga ngogele ra Ma Jou'ongu Madutu 'i iranga. Ananga gena-ge 'aḏi siajele da-dadunu mangale manga tingoḏi-tingoḏi'i. Dadi ananga 'aḏi basono momole! Mada'a ananga gena-ge guru-guru sa-sakala ḇato ga'a manga momole 'i mete'e manga fikirana toma dungia ḇato.

Kolose 2:18 Iomraidhean Croise

Matias 24:24

Sababu kristus-kristus sa-sakala re nabi-nabi sa-sakala ḏuanga i'a 'aḏi sapolo. Ananga gena-ge 'aḏi 'a'a 'ori i'a hera-heranga re didina'o-didina'o heranga di'a sihaga ngowa'a repe re na'o nyengara ananga 'aḏi sihaga Ma Jou'ongu Madutu 'ai 'umata, mada'a gena-ge 'i yoḏu'u!

Roma 1:25

Ananga gena-ge 'aḏi dawongo ua do-doto'o banari mangale Ma Jou'ongu Madutu, mada'a 'aḏi ngaku do-doto'o banari ua; dadi ananga 'aḏi silamo'o re siḏubuso re 'aḏi de-de'oso Ma Jou'ongu Madutu 'ai do-dadi. Mada'a Unanga gena-ge, 'O do-dadi ma cimi, ananga ya silamo'o re siḏubuso ua re ya de-de'oso ua! Unanga gena-ge ga'a 'o patasa di'a sanga puji re silamo'o kasingado-ngadolo i'a. 'Amin.

Roma 16:18

Sababu ngowa'a ga'a 'aḏi 'a'a so'o gena-ge ananga 'aḏi munara ua di'a nanga Jou Kristus, mada'a di'a sisanangi ḇato ananga manga 'akala re sinyingara ma mau masiretene. Ananga gena-ge 'aḏi baja re 'aḏi kanau rema demo-demo lai rousu madutu di'a sihaga ngowa'a ga'a waro 'oru rimoi ua.

1 Korintus 13:4

Matengo ga'a 'o dadalara ngowa'a lelegu, unanga gena-ge 'ai 'akala ḇanyo, 'ai 'akala lai rousu, ham-ham ua, matoro ua re momole ua.

1 Korintus 3:3

Ngini ninga 'akala 'i go-goḏi matengo re matengo, ma'u rubutu matengo re matengo sababu mete'e ninga 'akala re sinyingara ma mau. Gena-ge 'i dadi didina'o rimoi mangale ngini dungia ma nyafusu nu'u piri'u re ngini ninga de'oso re ḏegoro ma tero sa'olo ngowa-ngowa'a 'aḏi nana'o Ma Jou'ongu Madutu nyangu.

1 Korintus 4:18

Nga muḏuo i'a taninga sigolona ga'a 'aḏi aje ngoi to ngadolo ra ngini riwara. Dadi ananga raḏi momole.

1 Korintus 4:6

Ioronongoḏu ngo-ngaku rimoi, mo-moini gena-ge ngoi aro siajele ra ngini mangale 'a Apolos re ngoi, ngoi to golo'o ngini ni mete'e ngomi sa'olo nana'o rimoi. Dadi ngini ni sitoro ua Ma Jou'ongu Madutu 'ai falalomu, bolo ni sipula'a mara'a ua ḏi'i Ma Jou'ongu Madutu 'ai falalomu. Na'o ngini ni 'a'a so'o gena, ngini ni mete'e Ma Jou'ongu Madutu 'ai demo ga'a 'i silefo toma Boku 'Ofi-'Ofi:

1 Korintus 8:1

Nange-ne, ngoi mau to kanau mangale ngo-ngoromo ga'a sipula'a toma jou'ongu ma somoara. Tantu ḏua, 'oru ga'a ananga 'aḏi kanau 'i banari: “Ngene mo-moini rananga wo-waro.” Mada'a ma nyonyata 'oru ga'a ngene wo waro gena-ge 'i sidadi ngene nanga 'akala re sinyingara 'i momole. Siḏibo ḏi'i, nanga dadalara 'i sinamoto ngowa'a lelegu manga 'akala re sinyingara.

1 Korintus 9:24

Ngini ni waro bolo ua, mangale ngowa'a 'aḏi marerebe lalara, ngowa'a mo-moini 'aḏi lalara, mada'a pa'i matengo ḇato sanga nomoro?! Sababu gena-ge, ngini ninga de'oso re ḏegoro balasu ma tero sa'olo ngowa'a ga'a lalara makutale mode-mode'e di'a sanga nomoro.

2 Korintus 11:3

Mada'a ngoi to dodato ninga fikirana ri sanga sihaga singadolo ngini ni cufala riwara mete'e ra Kristus. Gena-ge ma tero sa'olo 'ua re 'au wali, ngo Hawa mo sanga sihaga toma 'Iblisi ga'a 'i matuhu sa'olo ngorana.

2 Korintus 12:20

Ngoi to dodato na'o ḏuanga i'a ngoi tini tutumu, ngoi to sanga i'a ngini, ma tero ua ga'a ngoi to masinganono. So'o gena ḏi'i, wakutu ngini ma'u sanga ra ngoi ma tero ua ga'a ngini masinganono. Ngoi to dodato ngoi to sanga ngini ma'u tolabe, ruta caiti i'a, 'akala go-goḏi, singa'unu 'ahu masiretene, ma'u fitana, ma'u sikanau, momole, re 'a'a kaco.

Efesus 4:17

Sababu gena-ge, ngoi to kanau re to mate'e reo Ma Jou'ongu Madutu 'ai kuasa: Awa ni 'ahu ma tero sa'olo ngowa'a 'aḏi nana'o Ma Jou'ongu Madutu ua, re ga'a ninga fikirana ma faeda 'i cua.

Efesus 5:6

Awa ngini ngowa'a nu'u sihaga reo ngowa-ngowa'a manga demo ma faeda 'i cua. Ananga gena-ge 'aḏi kanau 'o ḏosa ua mo-moini so'o ne: su-sudala, tinikai, da-danata. Ḏuanga i'a, ngowa'a gena-ge ga'a mete'e ua Ma Jou'ongu Madutu 'ai 'akala ma mau, 'aḏi sibaolo Unanga 'ai borata.

Filipi 3:14

Sababu gena-ge, ngoi to lalara turusu ta meta-meta i'a 'ari maksudu, la ta sanga ngogele. Gena-ge ma ngale: 'Ahu toma soroga, di'a gena-ge Ma Jou'ongu Madutu ri 'aro'o ngoi di'a to marimoi ra Kristus Yesus.

Kolose 2:23

Tantu ḏua, wakutu wa 'isene manga 'atoranga gena-ge wa ta'ajiri toma 'atoranga ma dara, 'age 'akala soro'unu. Sababu ngowa'a ga'a ya mete'e 'atoranga gena-ge, ananga 'aḏi cufala mete'e manusia manga 'agama ma 'atoranga, 'aḏi maholo manga 'akala re sinyingara, re 'aḏi sikisa manga lese. Mada'a 'atoranga mo-moini gena-ge ma faeda 'i cua! Re ḏi'i ma kuasa 'i cua toma 'atoranga ma dara di'a sibebasa ngowa'a, dadi ananga gena-ge mete'e ua manga nyafusu ma jira!

Kolose 2:4

Ngoi to lefo so'o gena-ge, la ngini ni ngaku awa 'a guna ḇato 'o sapolo remanga demo-demo lai mami ra ngini, sababu ananga 'aḏi sa-sakala di'a sihaga ngini ḇato.

Kolose 2:8

Ngini balasu ni ma'istiari! Awa ngowa-ngowa'a nu'u sihaga re piri'u reo do-doto'o ga'a 'i sa-sakala, re ma faeda 'i cua. Do-doto'o gena-ge ma 'asala ra Kristus ua, mada'a toma manusia manga fikirana ino, re toma roh-roh ma jira ga'a 'i parenta dungia nena-ne.

1 Timotius 1:7

Ananga 'aḏi mau dadi guru-guru 'agama. Momongolo ua, ananga masiretene ya nana'o ua demo-demo ga'a ananga ya sikanau re 'oru ḇato ga'a ananga ya siajele mode-mode'e ya sahe ua ḏi'i.

1 Timotius 4:1

Mada'a Ma Ngagara 'Ofi-'Ofi 'i siajele mode-mode'e mangale ḏuanga i'a ma 'orasa 'i ngadolo 'age rema ngowa'a ga'a 'aḏi soloto Kristus. Ananga ḏuanga i'a 'aḏi 'isene roh-roh ma jira re ya mete'e enanga ma do-doto'o ma jira.

2 Petrus 2:14

Ananga 'aḏi matogumu ua 'aḏi oḏi'i we-were'a tamanga 'akala re sinyingara rema nyafusu re 'aḏi matogumu ua disa donga di'a 'a'a ḏosa. Ananga 'aḏi baja ngowa'a manga ngo-ngaku ra Kristus ga'a 'i mereoso, la 'aḏi 'a'a 'ori i'a ma jira. Ananga raḏi biasa da-danata. Sababu ga'a ma jira mo-moini gena-ge Ma Jou'ongu Madutu ḏuanga i'a ya'u sisasi.

1 Yohanes 2:26

Ngoi to lefo surata nena-ne ra ngini, sababu 'age rema ngowa'a 'aḏi makutale mau 'aḏi sihaga ngini.

Tingoýi 12:9

Naga lamo'o re ma mala'ekata-mala'ekata gena-ge siupa'a toma dungia. Naga gena-ge 'o ngorana ma biri'i, ma lomanga 'Iblisi bolo Roh ma Jira ma 'Olanaga'a 'i sihaga ngowa'a toma dungia.

Tingoýi 13:14

Dadi toma haiwani ma mulaingi ma biono, haiwani ma nyo-nyoimi romoḏiḏi gena-ge 'i pake kuasa ga'a 'i sanga toma haiwani ma mulaingi di'a 'a'a didina'o-didina'o heranga. Dadi haiwani ma nyo-nyoimi romoḏiḏi nyengara 'i sihaga ngowa'a mo-moini toma dungia sitabi donga. Enanga 'i soma'a ngowa'a 'aḏi 'a'a dulada, la ananga 'aḏi silamo'o re siḏubuso haiwani ma mulaingi. Dulada gena-ge ma duhu sa'olo haiwani ma mulaingi ga'a rema nyaboto lai lamo'o rema samaranga, mada'a 'i 'ahu moju.

Tingoýi 13:8

Haiwani gena-ge, ngowa'a mo-moini toma dungia sitabi donga ḏuanga i'a ya silamo'o re siḏubuso ḏuga-ḏuga ananga ga'a manga lomanga 'i silefo ḏua toma ngowa'a 'ahu-'ahu manga boku wakutu dungia 'i sidadi nyangu. Boku gena-ge Doba ma Ngowa ma boku, Doba ma Ngowa ga'a ya tola'a ḏua.

Tingoýi 19:10

Ngoi to mapagara 'ari biono tala toma mala'ekata gena-ge 'ai biono di'a to silamo'o re siḏubuso unanga. Mada'a unanga 'o kanau, “Ra ngoi awa! Awa no silamo'o re siḏubuso ngoi. Pa'i no silamo'o re siḏubuso Ma Jou'ongu Madutu ḇato! Sababu ngoi ḏi'i ta Unanga ma tero sa'olo 'Ai budaka ma tero ngana re ma tero 'ani ioronongoḏu ngo-ngaku rimoi ga'a 'aḏi macako'o namo-namoto do-doto'o ba-banari ga'a Yesus 'o pula'a pasala ḏua. Do-doto'o ba-banari gena-ge 'i sigaraki ngowa-ngowa'a di'a 'aḏi pula'a habari da'u ra Ma Jou'ongu Madutu tala.”

Tingoýi 3:11

Ti'ara riwara, Ngoi to sapolo! Macako'o namo-namoto Tari do-doto'o ga'a ngini rena waro, la matengo i'a mai ua ya rabasa ninga ngogele.