Kolose 2:15 - Jaji ma Su-sungi

¹⁵ Toma salib gena-ge, Kristus ra sita'aloko roh mo-moini ga'a 'i kuasa re ga'a 'i siḏagi maparenta. Enanga 'i ma tero sa'olo ngowa'a dawana sanga piri'u 'aḏi tagi tu-tuu'u ra Yesus 'ai ḏuḏunu, la ngowa'a dungia mo-moini 'aḏi oḏi'i, re 'aḏi waro mangale roh-roh gena-ge ri ta'aloko ra Unanga.

Kolose 2:15 Iomraidhean Croise

Matias 12:29

Bolo na'o 'a guna ḇato 'o osama toma wala ḏu moi di'a 'o ra-rabasa 'ori i'a rana toma wala ma dutu ga'a lao te'e; siḏa-siḏa unanga balasu 'o piri'u wala ma dutu gena-ge si, kara 'o ra-rabasa 'ai 'ori i'a rana.

Lukas 10:18

Yesus 'a sangoro, “Ngoi to oḏi'i ḏua 'Iblisi 'i eta'a da'u diwanga tala sa'olo ḇeḇelanga.

Lukas 11:22

Mada'a na'o matengo i'a, lebe te'e ra unanga 'o parangi, ḏua unanga 'o iranga. Ngowa'a lebe te'e gena-ge 'a ra-rabasa 'ai dare, ga'a wala ma dutu 'a sitoro-toro, ḏua 'a palangu 'ai 'ori i'a rana mo-moini tai ḏagilomu-ḏagilomu.

Yohanes 16:11

Enanga 'i sitarangi ra ananga gena-ge mangale 'aḏi sijuruhakimi Ngoi 'i banari ua, sababu 'Iblisi ga'a 'i parenta toma dungia nena-ne, ri sanga katula.

Yohanes 19:30

Yesus 'a ḇowisi ma 'anggur gena-ge togumu i'a, Unanga 'o kanau, “Togumu ḏua!” Gena ḏua, Unanga 'a ruku tala 'Ai sae'e re 'Ai sangagara 'i togumu.

1 Korintus 15:24

Togumu i'a, Kiamata ma Wangere 'i ngadolo. Toma 'orasa gena-ge Kristus 'o sita'aloko mo-moini ga'a parenta bae toma diwanga, bae toma tana'a bolo le'a ḇato. Togumu i'a, 'a Kristus sa'olo 'Olana dadunu 'o sidoa'a 'Ai kuasa ra Ma Jou'ongu Madutu, 'Ai Ḇaḇa.

2 Korintus 2:14

Mada'a nange-ne ngoi ta sibere ie 'ari murasa ma la ra Ma Jou'ongu Madutu, sababu ngomi mi marimoi ra Kristus, Unanga 'o gasa ngomi ma tero sa'olo 'Ai sordado ga'a mi 'utungu taminga lawana 'Iblisi. Unanga 'o pake ngomi di'a singadolo Habari Roanga toma dungia sitabi donga mangale Kristus. Habari Roanga gena-ge ma tero sa'olo manyanyi ma bounu lai sa'i.

2 Korintus 4:4

'Iblisi ga'a 'i kuasa dungia ya kuci ngowa'a manga fikirana singadolo ananga 'aḏi ngaku awa, re 'aḏi oḏi'i yoḏu'u Habari Roanga ma cahaya ga'a 'i waiti ra Kristus 'ai mulia. Unanga gena-ge ma tero Ma Jou'ongu Madutu 'ai gabara.

Efesus 3:10

Toma 'orasa nange-ne, Ma Jou'ongu Madutu 'ai maksudu gena-ge di'a 'A sijumu ma duhu lai repe mangale 'ai 'akala ma soro'unu toma roh-roh ma jira, ga'a 'i kuasa toma ngawa-ngawa. Dadi enanga gena-ge nyengara 'i oḏi'i 'oru ga'a Ma Jou'ongu Madutu ra si'a'a tai jama'ata.

Efesus 4:8

Sababu gena-ge, toma Boku 'Ofi-'Ofi ma dara 'i silefo so'o ne: “Wakutu Unanga 'o pere toma ngi'i lai kau'u, 'O gasa dawana manga repe. Re Unanga 'o pula'a cocatu-cocatu toma manusia.”

Efesus 6:12

Nange-ne, ngene wo lawana manusia ua, mada'a wo lawana roh-roh ma jira ma repe 'i kuasa toma dungia hafu-hafu re toma ngawa-ngawa.

Kolose 1:16

sababu Ma Jou'ongu Madutu 'U 'utusu Unanga gena-ge 'o sidadi 'ori i'a mo-moini: bae toma soroga, bae toma dungia: bae 'ori i'a i'a ga'a wa oḏi'i, bae 'ori i'a i'a ga'a wa oḏi'i ua. So'o gena ḏi'i bae roh, bae mala'ekata ga'a 'i parenta rema kuasa. Mo-moini gena-ge Kristus 'a sidadi, la mo-moini gena-ge 'i simulia Unanga.

Kolose 2:10

Unanga gena-ge 'o dadi sae'e toma roh mo-moini ga'a 'i kuasa re 'i siḏagi ma pareta. Dadi, na'o ngini ni marimoi ra Kristus, ngini ninga nyawa ma 'ahu 'i ti-tiai.

'Ibrani 2:14

Ngowa-ngowa'a ga'a Ma Jou'ongu Madutu 'o si'aro'o 'Ai ngowa-ngowa'a, ananga gena-ge manusia remanga lese. Sababu gena-ge, Yesus 'o dadi ngowa'a manusia matengo ma tero sa'olo ngene, la 'ai se-sengene 'i singi-ngiranga 'Iblisi ma kuasa. 'Iblisi gena-ge 'i sigasa manusia toma sengene.

Tingoýi 12:9

Naga lamo'o re ma mala'ekata-mala'ekata gena-ge siupa'a toma dungia. Naga gena-ge 'o ngorana ma biri'i, ma lomanga 'Iblisi bolo Roh ma Jira ma 'Olanaga'a 'i sihaga ngowa'a toma dungia.

Tingoýi 20:10

Gena ḏua, 'Iblisi ga'a sihaga bangsa-bangsa gena-ge, 'i sanga upa'a toma ngoloto u'u ma walira 'i leja-lejanga. Ngi'i gena-ge nyangu moju, siupa'a haiwani ma mulaingi re nabi sa-sakala. Ananga fara ro'ange ḏuanga i'a 'aḏi sanga sikisa lobi'i re wangere kasingado-ngadolo i'a.