Kolose 2:14 - Jaji ma Su-sungi

¹⁴ Enanga 'i ma tero sa'olo Unanga ra singi-ngiranga nanga banyatoro ma surata. Nanga banyatoro enanga 'i ma tero sa'olo nanga ḏosa-ḏosa ga'a 'i sida'awa ngene. Banyatoro ma surata gena-ge ri sipaku ra Yesus 'ai salib. Dadi banyatoro ma surata gena-ge Ma Jou'ongu Madutu ra singi-ngiranga ra ngene.

Kolose 2:14 Iomraidhean Croise

Lukas 1:6

Ananga were'a nau'u manga 'ahu, re manga de'oso re ḏegoro 'i sisanangi Ma Jou'ongu Madutu 'ai 'akala re sinyingara sababu ananga nga muḏiḏi ngowa'a loasa re banari ga'a mode-mode'e 'aḏi mete'e Ma Jou'ongu Madutu 'Ai 'atoranga re 'Ai Hukumu.

Yesus 'ai so-soma'a 3:19

Sababu gena-ge, ngini balasu ni maḏibo toma ngo'omo boloto re ni ngali ninga de'oso re ḏegoro re ni mete'e Ma Jou'ongu Madutu, la Unanga 'a singi-ngiranga ninga ḏosa-ḏosa,

Kolose 2:20

Ngini reni sengene mamete'e ra Kristus. Sababu gena-ge roh-roh ma jira ga'a 'i parenta dungia nena-ne 'i kuasa ngini riwara. Nah, i'a sa'olo ni 'ahu ma tero ḇato sa'olo roh-roh ma jira gena-ge 'i kuasa ngini moju?! Dadi awa ngini ni ta'aloko toma 'atoranga-'atoranga nena-ne:

2 Tesalonika 2:7

Nange-ne 'Iblisi 'i munara 'i sigogoro, la ngowa'a 'aḏi dawongo awa Ma Jou'ongu Madutu 'ai habari. Mada'a matengo ga'a 'ai 'akala re sinyingara lai cira madutu gena-ge 'o waiti nyangu, sababu 'o sanga dola'aku. Dadi wakutu Ma Jou'ongu Madutu 'a silage dola'aku gena-ge,

'Ibrani 7:18

Dadi nange-ne parenta ma siḏa ngene wa pake riwara, sababu enanga 'i te'e ua re ma faeda 'i cua,

'Ibrani 8:13

Sababu Ma Jou'ongu Madutu 'o kanau mangale jaji gena-ge “su-sungi,” Unanga ro 'a'a jaji ma siḏa ri pake riwara. Re 'ori i'a ga'a ri siḏa, ti'ara ua 'i iranga.

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.