Kolose 2:11 - Jaji ma Su-sungi

¹¹ Sababu ngini ni marimoi ra Kristus, enanga 'i ma tero sa'olo ngini ni sanga suna. Suna gena-ge manusia ya 'a'a ua, mada'a Kristus 'a 'a'a taninga 'akala re sinyingara, wakutu Unanga 'o sibebasa ngini toma ḏosa ga'a 'i parenta ninga 'ahu.

Kolose 2:11 Iomraidhean Croise

Lukas 2:21

Wakutu ngowa kiau gena-ge 'Ai 'umuru wangere tu'angere, ananga 'U suna re 'U silomanga Yesus. Lomanga gena-ge ga'a mala'ekata ro siajele siḏa wakutu ma ngina ngo Maria 'ami po'olo tegoro nyangu.

Yesus 'ai so-soma'a 17:24

Ma Jou'ongu Madutu 'o sidadi ḏua dungia re ma dara mo-moini, Unanga gena-ge 'Ai kuasa ma pari cua toma dungia ma dara. Unanga 'o tegoro ua toma jou'ongu ma somoara ma wala ga'a manusia ya 'a'a.

Yesus 'ai so-soma'a 7:48

Momongolo ua, Ma Jou'ongu Madutu toma Gau'u 'a ḏegoro ua toma wala gena-ge ga'a manusia ya 'a'a. Nabi matengo 'o lefo tai boku so'o ne:

Roma 2:29

Siḏibo ḏi'i, pa'i ngowa'a matengo 'o dadi ngowa'a Yahudi mode-mode'e ḇato ra Ma Jou'ongu Madutu 'ai momina sababu 'ori i'a ga'a ngowa'a 'aḏi oḏi'i yoḏu'u: 'Ai 'akala re sinyingara 'i su-sungi re sanga suna sababu Ma Ngagara 'Ofi-'Ofi ma kuasa. Gena-ge 'i dadi ua sababu ngowa'a matengo 'o mete'e hukumu-hukumu ga'a ri silefo. Re kalaha manusia 'aḏi puji re silamo'o unanga ua ga'a sanga suna so'o gena, Ma Jou'ongu Madutu 'u puji re silamo'o!

Roma 6:6

Ngene rewa waro nanga tabeata baraḏosa ma siḏa ri sengene mamete'e ra Kristus toma salib, la ḏosa ma kuasa ri wejere singadolo ngene ngowa'a budaka toma ḏosa riwara.

Roma 7:24

Dadi ngoi 'ari 'ahu ma duhu so'o ne: Ngoi ngowa'a budaka ga'a mete'e Ma Jou'ongu Madutu 'ai hukumu rari fikirana, mada'a ngoi 'ari tabeata manusia 'i kuasa ngoi, singadolo ngoi budaka toma ḏosa. Dadi ngoi mode-mode'e ngowa'a ga'a toma bahala! 'A guna nga'unu sisalamata ngoi tari lese ga'a sigasa ngoi toma sengene kasingado-ngadolo i'a?! Murasa ma la ra Ma Jou'ongu Madutu, Unanga ro sisalamata ngoi sababu Yesus Kristus nanga Jou.

2 Korintus 5:1

Sababu ngomi remi waro mangale nanga lese toma dungia nena-ne, 'i ma tero sa'olo wala ga'a 'orasa nange-ne ngene wa tegoro. Re ngomi remi waro, na'o lese gena-ge 'i pinya'olo Ma Jou'ongu Madutu ḏuanga i'a 'o sidodahe lese su-sungi ḏu moi toma soroga di'a ngene. Lese su-sungi gena-ge manusia 'aḏi 'a'a ua, mada'a Ma Jou'ongu Madutu masiretene 'A 'a'a, re enanga kama sengene riwara kasingado-ngadolo i'a.

2 Korintus 5:17

Sababu gena-ge, na'o 'age rema ngowa'a ga'a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi.

Galatia 2:20

'Ari 'ahu ne, ngoi 'ari 'ahu 'ua mada'a Kristus masiretene ro 'ahu ra ngoi. 'Ahu ga'a ngoi ta basono nange-ne sababu ngoi to ngaku Ma Jou'ongu Madutu 'ai Ngowa'a Nau'u ga'a 'o dadalara ngoi re Unanga 'o sengene di'a ngoi.

Galatia 5:24

Ngowa-ngowa'a ga'a raḏi osama nyo-nyoimi ra Kristus Yesus, ananga gena-ge raḏi sisengene manusia manga de'oso re ḏegoro ma jira re manga nyafusu ma jira tamanga 'akala re sinyingara.

Efesus 4:22

Ngini reni dawongo do-doto'o mangale ngini ni upa'a ninga de'oso re ḏegoro ma jira ga'a ni mete'e duhu ma siḏa rema nyafusu mo-moini ga'a 'i sijira re 'i sihaga ngini.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

Kolose 3:5

Sababu gena-ge, ngini ni upa'a mo-moini dungia ma nyafusu ga'a ma 'asala toma manusia: su-sudala, 'a'a 'ori i'a ma cafarune, oḏi'i we-were'a yoḏu'u, nyafusu ma jira, re da-danata. Da-danata gena-ge ma tero sa'olo silamo'o re siḏubuso jou'ongu ma somoara.

'Ibrani 9:11

Mada'a wakutu Kristus 'o waiti sa'olo 'Imam 'Agung, Unanga 'o gasa barakati ga'a ngene nyengara wo dawongo nange-ne. Unanga 'o osama ua toma suyu'u ma dara ga'a manusia raḏi 'a'a toma dungia nena-ne. Unanga 'o osama toma ngi'i ga'a ma tero sa'olo suyu'u, mada'a suyu'u gena-ge toma soroga. Sababu gena-ge suyu'u gena-ge 'i ti-tiai re lebe rousu reo suyu'u toma dungia.

'Ibrani 9:24

Sababu Kristus 'o osama ua toma suyu'u ga'a manusia ya 'a'a re enanga gena-ge pa'i gabara ḇato toma suyu'u ma banari, mada'a Unanga 'o osama toma soroga. Re nange-ne Unanga 'o talaḏi ra Ma Jou'ongu Madutu, la 'O manyiata di'a ngene.