Kolose 2:10 - Jaji ma Su-sungi

¹⁰ Unanga gena-ge 'o dadi sae'e toma roh mo-moini ga'a 'i kuasa re 'i siḏagi ma pareta. Dadi, na'o ngini ni marimoi ra Kristus, ngini ninga nyawa ma 'ahu 'i ti-tiai.

Kolose 2:10 Iomraidhean Croise

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Yohanes 1:16

Sidogo ḏi'i, Unanga ga'a romanga reo mura re dadalara, Unanga gena-ge ḏi'i lebe la-lamo'o i'a rea Yohanes; sababu Rai mura re dadalara, ngene mo-moini rewo dawongo barakati rimoi ga'a lebe lamo'o i'a reo barakati rimoi ga'a siḏa.

1 Korintus 15:24

Togumu i'a, Kiamata ma Wangere 'i ngadolo. Toma 'orasa gena-ge Kristus 'o sita'aloko mo-moini ga'a parenta bae toma diwanga, bae toma tana'a bolo le'a ḇato. Togumu i'a, 'a Kristus sa'olo 'Olana dadunu 'o sidoa'a 'Ai kuasa ra Ma Jou'ongu Madutu, 'Ai Ḇaḇa.

Efesus 3:10

Toma 'orasa nange-ne, Ma Jou'ongu Madutu 'ai maksudu gena-ge di'a 'A sijumu ma duhu lai repe mangale 'ai 'akala ma soro'unu toma roh-roh ma jira, ga'a 'i kuasa toma ngawa-ngawa. Dadi enanga gena-ge nyengara 'i oḏi'i 'oru ga'a Ma Jou'ongu Madutu ra si'a'a tai jama'ata.

Efesus 3:19

'Ai dadalara gena-ge ngene wa du-dumunu yoḏu'u renanga 'akala. Kalaha so'o gena, ngoi to golo'o ra Ma Jou'ongu Madutu mangale ngini ni basono Kristus 'ai dadalara. Dadi ngini ninga 'akala re sinyingara 'i romanga reo Kristus 'ai dadalara di'a ngini, ma tero sa'olo Ma Jou'ongu Madutu 'o romanga reo dadalara.

Kolose 2:15

Toma salib gena-ge, Kristus ra sita'aloko roh mo-moini ga'a 'i kuasa re ga'a 'i siḏagi maparenta. Enanga 'i ma tero sa'olo ngowa'a dawana sanga piri'u 'aḏi tagi tu-tuu'u ra Yesus 'ai ḏuḏunu, la ngowa'a dungia mo-moini 'aḏi oḏi'i, re 'aḏi waro mangale roh-roh gena-ge ri ta'aloko ra Unanga.

Kolose 3:11

Toma 'ahu su-sungi ma dara, ngene wo siwo-wola rawara ngowa'a Yahudi re ngowa'a Yahudi ua, ngowa'a ma suna re ma suna ua, ngowa'a tagi-tagi ino, re ngowa'a biadab, ngowa'a budaka re ngowa'a bebasa. Sababu Kristus lebe la-lamo'o i'a reo mo-moini gena-ge re Unanga ḏi'i 'o tegoro Tai 'umata manga 'akala re sinyingara ma dara mo-moini.

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

1 Petrus 3:22

Yesus Kristus gena-ge ro pere ḏua toma soroga re 'O tegoro ra Ma Jou'ongu Madutu 'Ai giama ma kuwiḏa i'a. Mala'ekata-mala'ekata 'aḏi ta'aloko ra Unanga re ḏi'i 'ori i'a mo-moini ga'a rema kuasa, mo-moini 'i ta'aloko ra Unanga.