Kolose 1:8 - Jaji ma Su-sungi

⁸ Epafras ro siajele ra ngomi mangale ngini ni ma'u dadalara matengo re matengo, sababu Ma Ngagara 'Ofi-'Ofi 'i ḏegoro taninga 'akala re sinyingara ma dara.

Kolose 1:8 Iomraidhean Croise

Markus 4:22

'Oru ḇato ga'a 'i gogono nange-ne, ḏuanga i'a 'i supu, re 'oru ḇato 'i siajele ua nange-ne, ḏuanga i'a ngowa'a ya waro.

Roma 15:30

Sababu nanga ngo-ngaku ra Ma Jou Yesus Kristus re sababu ḏi'i dadalara ga'a Ma Ngagara 'Ofi-'Ofi ri pula'a ra ngene matengo re matengo, ngoi to golo'o mode-mode'e ngini ni mamete'e ra ngoi di'a manyiata ra Ma Jou'ongu Madutu di'a ngoi.

Roma 5:5

Reo ngo-nganono ma duhu so'o gena-ge, ḏuanga i'a nanga 'akala re sinyingara 'i rapo'o ua, sababu Ma Jou'ongu Madutu 'o sitotomo 'Ai jaji ra ngene. Ngene rewo waro gena-ge sababu Ma Ngagara 'Ofi-'Ofi ga'a Unanga ro pula'a ra ngene, Enanga 'i siromanga nanga 'akala re sinyingara Rai dadalara.

Galatia 5:22

Siḏibo ḏi'i, ngowa-ngowa'a ga'a Ma Ngagara 'Ofi-'Ofi ya'u ḏegoro, ananga manga de'oso re ḏegoro so'o ne: Ananga gena-ge 'aḏi ma'u dadalara matengo re matengo, 'aḏi monere tamanga 'akala re sinyingara, 'akala ogoro, pake 'akala ḇanyo re ananga remanga sere 'i re go-gasa, ananga nyanyaḏi ma'u la-la reo ngowa-ngowa'a lelegu, jaji sa-sakala ua,

2 Timotius 1:7

Mojongo awa na pake cocatu gena-ge. I'a sa'olo Ma Jou'ongu Madutu 'o pula'a Ma Ngagara 'Ofi-'Ofi ra ngene?! Dadi ngene wo mojongo?! So'o gena-ge ua! Unanga 'o pula'a Ma Ngagara 'Ofi-'Ofi gena-ge, la ngene wo dadi te'e tananga munara di'a Ma Jou'ongu Madutu re nanga 'akala re sinyingara 'i romanga reo dadalara re nga'unu wo manahana nanga nyafusu ma jira.

1 Petrus 1:22

Dadi nange-ne ngini ninga 'akala re sinyingara 'i dadi 'ofi-'ofi, sababu ngini ni mete'e Ma Jou'ongu Madutu 'ai do-doto'o banari singadolo mode-mode'e ngini ma'u dadalara ninga ioronongoḏu ngo-ngaku rimoi. Kalaha so'o gena, ngoi to pula'a duga re domolo moju, ngini balasu ni ma'u dadalara reo 'akala re sinyingara mode-mode'e,