Kolose 1:29 - Jaji ma Su-sungi

²⁹ Sababu gena-ge, ngoi to munara mode-mode'e to pake 'ari de-de'e mo-moini ga'a Kristus 'o pula'a ra ngoi. De-de'e gena-ge 'i munara rema kuasa tari 'ahu ma dara ḏi'i.

Kolose 1:29 Iomraidhean Croise

Lukas 13:24

“Ni makutale ni osama mete'e ngalana ga'a 'i peletoro. Sababu Ngoi to siajele ra ngini nena-ne: 'Age rema ngowa'a manga repe ḏuanga i'a 'aḏi makutale 'aḏi osama, mada'a sanga osama ua.

Roma 15:20

Ma mulaingi, ngoi 'ari 'ulungu ma dara to tagi to singadolo Habari Roanga toma ngi'i-ngi'i ga'a ngowa'a ya 'isene nyangu mangale Kristus. Sababu ngoi to oḏu'u side'oso wala toma bangini ga'a ngowa'a lelegu ya ḏu-ḏuanga ḏua.

Roma 15:30

Sababu nanga ngo-ngaku ra Ma Jou Yesus Kristus re sababu ḏi'i dadalara ga'a Ma Ngagara 'Ofi-'Ofi ri pula'a ra ngene matengo re matengo, ngoi to golo'o mode-mode'e ngini ni mamete'e ra ngoi di'a manyiata ra Ma Jou'ongu Madutu di'a ngoi.

1 Korintus 12:11

Mo-moini gena-ge Ma Ngagara 'Ofi-'Ofi pa'i rimoi ḇato, Enanga ma munara. Ananga matengo re matengo sanga kuasa toma Ngagara 'Ofi-'Ofi mete'e Enanga gena-ge ma mau masiretene.

1 Korintus 12:6

Ma Jou'ongu Madutu 'o sijumu 'ai kuasa tananga 'ahu 'o pake duhu lai repe, mada'a Ma Jou'ongu Madutu ga'a 'o munara toma 'ori i'a mo-moini tananga 'ahu mo-moini, Unanga pa'i matengo ḇato.

1 Korintus 15:10

Mada'a sababu Ma Jou'ongu Madutu 'ai mura re dadalara, nange-ne ngoi to dadi Yesus 'ai so-soma'a. Unanga 'ai mura re dadalara ga'a 'O sijumu ra ngoi gena-ge 'i parasaja ua. Siḏibo ḏi'i, ngoi to munara lebe te'e i'a reo 'ari ḏagilomu ga'a Yesus 'ai so-soma'a ma lelegu. Mada'a gena-ge 'i dadi, sababu ngoi 'ari dinga'unu bolo 'ari wo-waro ua. Siḏibo ḏi'i sababu Ma Jou'ongu Madutu 'a sidodai 'ai mura re dadalara ra ngoi re 'Ai mura re dadalara gena-ge 'i mamete'e ra ngoi.

2 Korintus 11:23

Ananga gena-ge Kristus 'ai falalomu-falalomu?! (Na'o ngoi to kanau so'o gena-ge, ngoi ma tero sa'olo ngowa'a haga ḇato.) Mada'a ngoi ne falalomu-falalomu lebe cufala reo ananga mo-moini: Ngoi to munara lebe sau'u i'a, ngowa'a singosama ngoi toma bui lebe repe, to sanga ca'olo lebe siḏi, re soi rai o'o i'a sa'i to sengene.

2 Korintus 13:3

Ngoi ḏuanga i'a ta si'a'a so'o gena-ge, sababu ngini ni mau oḏi'i ma bukiti mangale Kristus 'o pake ngoi di'a siajele 'Ai demo-demo ra ngini. Dadi wakutu ngoi to sapolo re Kristus 'o ḇangata ananga ga'a 'aḏi baraḏosa taninga sigolona, 'Ai demo-demo gena-ge 'i mereoso ua mada'a rema kuasa.

2 Korintus 5:9

Sababu gena-ge, ngomi makutale mode-mode'e di'a ma sisanangi Unanga 'ai 'akala re sinyingara: bae ngomi mi tegoro toma dungia nena-ne moju, bae ngomi mi tegoro marimoi ra Unanga da'u toma soroga.

2 Korintus 6:5

Ngomi sanga ca'olo, sanga bui, ngowa'a repe 'aḏi malomu di'a mau 'a'a kaco sababu ngomi. Ngomi mi munara tubuso, singadolo soi rai o'o i'a mi otu ua, bolo mi sanga ngo-ngoromo ua.

Efesus 1:19

Re ḏi'i ngini ni waro Unanga 'ai kuasa ma pari cua ga'a 'i munara ra ngene, ngowa'a ga'a rewo ngaku Unanga. Kuasa gena-ge ma pari cua

Efesus 3:20

Ma Jou'ongu Madutu 'ai kuasa lai lamo'o ga'a 'i si'a'a ra ngene nanga 'akala re sinyingara ma dara. Sababu 'ai kuasa gena-ge, Unanga nyengara 'a si'a'a lebe lamo'o i'a reo 'oru ngene nga'unu wa fikiri re wo golo'o ra Unanga.

Efesus 3:7

Ngoi reto dadi falalomu di'a singadolo Habari Roanga toma ngowa'a Yahudi ua, sababu Ma Jou'ongu Madutu 'ai mura re dadalara mamete'e Rai kuasa ga'a si'a'a tari lese.

Filipi 1:27

'Orasa nange-ne, lebe la-lamo'o i'a ngini ninga 'ahu ma duhu balasu 'i patasa di'a ngowa'a ga'a 'aḏi mete'e Habari Roanga mangale Kristus gena-ge. Dadi, bae ngoi to ma'u sanga moju bolo sanga riwara ra ngini, ngoi ḏuanga i'a ta 'isene mangale ngini ni marimoi. Re ḏi'i ngini ni marimoi taninga munara di'a ni sibukiti mangale Habari Roanga gena-ge 'i banari, dadi ngowa-ngowa'a ḏuanga i'a ya ngaku.

Filipi 1:30

'Orasa nange-ne, ngini ḏi'i ni sanga sangisara ma tero sa'olo ngoi reta sanga ga'a ngini reni oḏi'i ḏua. Re ma tero ḏi'i sa'olo ngini na 'isene mangale ngoi ta sanga toma 'orasa nange-ne.

Filipi 2:13

Sababu Ma Jou'ongu Madutu masiretene 'o munara tau-taunu ra ngini ninga diri, la ngini mau ni mete'e Unanga 'ai mau, re ḏi'i Unanga 'o riono ngini di'a ni si'a'a so'o gena-ge.

Kolose 2:1

Ngoi to mau ngini ni waro mangale ngoi to munara mode-mode'e, lobi'i re wangere di'a ngini, re di'a ngowa-ngowa'a toma limau Laodikia, re ngowa'a mo-moini ga'a ma'u sanga ngoi nyangu.

Kolose 2:12

Sababu toma 'orasa ngini ni sanga baptis, enanga 'i ma tero sa'olo ngini siotomo ḏua mamete'e ra Kristus. Re ni sanga baptis gena-ge ngini dadunu ni 'ahu moju mamete'e ra Kristus, sababu ngini ngaku Ma Jou'ongu Madutu 'ai kuasa ga'a dadunu ro si'ahu Unanga moju.

Kolose 4:12

'Age rema ngowa'a matengo ḏi'i 'ai lomanga 'a Epafras, unanga ga'a ta Kristus Yesus ma tero sa'olo 'Ai budaka. Unanga ngowa'a Kolose re 'o siḏingoto 'ai tabea ra ngini. Unanga 'o manyiata tau-taunu rai 'akala re sinyingara mode-mode'e. Unanga 'o golo'o ra Ma Jou'ongu Madutu mangale ninga ngo-ngaku 'i te'oso ogo-ogoro kama elala ua, ma tero sa'olo ngowa'a raḏi ngimono tamanga ngo-ngaku. Re ḏi'i unanga 'o golo'o mangale ngini ni waro mode-mode'e 'oru ga'a Ma Jou'ongu Madutu 'ai 'akala ma mau.

1 Tesalonika 2:9

Tantu ḏua, ngini na sidaioranga ua, wakutu ngomi mi singadolo Habari Roanga ra Ma Jou'ongu Madutu ino ra ngini. Lobi'i re wangere, ngomi mi 'a'a munara mode-mode'e di'a mi sanga ngo-ngoromo re pakeanga, la matengo i'a ua ngomi ma'u sikangela.

2 Tesalonika 3:8

Na'o ngowa'a 'aḏi pula'a ngomi mi oromo, ngomi ma fangu. Ḏi'i lobi'i re wangere ngomi mi cufala madutu mi 'a'a munara reminga galasau'u ma duduala, la mi sikangela ngowa'a ua, ra guna ḇato taninga sigolona.

2 Timotius 2:10

Sababu gena-ge, ngoi ta doiti sangisara mo-moini gena-ge di'a ngowa-ngowa'a ga'a Ma Jou'ongu Madutu 'o cumutu ḏua, la ananga ḏi'i 'aḏi sanga salamata re 'aḏi sanga mulia kasingado-ngadolo i'a toma soroga sababu 'aḏi marimoi ra Kristus Yesus.

'Ibrani 12:4

Sababu wakutu ngini ni lawana ngowa'a baraḏosa, ngini ni tahana sangisara nyangu singadolo ninga ngaunu 'i pa'ala ma tero Yesus.

'Ibrani 13:21

Dadi ngoi to golo'o ra Ma Jou'ongu Madutu ga'a 'O dame ma cimi ga'a 'O siti-tiai ngini reo 'ori i'a mo-moini ma la-la ga'a ngini paralu di'a na si'a'a Unanga 'ai 'akala ma mau. Ngoi ḏi'i to golo'o mangale sababu Yesus Kristus nanga lese to golona, Ma Jou'ongu Madutu 'o munara tananga 'akala re sinyingara 'oru ḇato 'i sisanangi Tai momina. Ino ngene wo puji re silamo'o Yesus Kristus kasingado-ngadolo i'a. 'Amin.

Tingoýi 2:3

Re kalaha ngini sanga sangisara sababu ninga ngo-ngaku ra Ngoi, ngini ninga ngo-ngaku 'i elala ua re ninga 'akala re sinyingara 'i rapo'o ua.