Kolose 1:26 - Jaji ma Su-sungi

²⁶ Ma Jou'ongu Madutu 'ai habari gena-ge Unanga 'a sirahasia moju musungu rema latu-latu toma ḏuḏunu toma ngowa'a mo-moini. Mada'a nange-ne, Ma Jou'ongu Madutu ra siwaiti Tai 'umata.

Kolose 1:26 Iomraidhean Croise

Matias 13:11

Yesus 'a sangoro, “Ngini reni sanga cocatu di'a ni sahe 'ori i'a go-gogono mangale Soroga ma Pareta, mada'a toma ngowa'a lelegu so'o gena ua.

Matias 20:7

Ngowa-ngowa'a gena-ge 'aḏi sangoro, ‘Ngowa'a 'aḏi sipula'a munara ngomi ua.’ Dadi guḏa 'anggur ma dutu gena-ge 'o kanau, ‘Na'o so'o gena, ngini tagi re ni munara ra ngoi 'ari guḏa 'anggur.’ Dadi ananga gena-ge tagi munara.

Markus 4:11

Ḏua Yesus 'o sangoro ra ananga, “Ma Jou'ongu Madutu 'o pula'a cocatu ḏua ra ngini, la ni waro mangale rahasia Unanga 'ai Pareta. Mada'a Ngoi to doto'o ngowa'a 'aḏi ngaku Ngoi ua reo 'ade-'ade.

Lukas 8:10

Ḏua Yesus 'a sangoro, “Ngini reni sanga cocatu di'a ni sahe 'ori i'a go-gogono mangale Ma Jou'ongu Madutu 'ai Pareta. Mada'a ngowa'a ma lelegu ga'a ngaku Ngoi ua wa'u doto'o reo 'ade-'ade, la kalaha ananga nga'unu 'aḏi oḏi'i, ananga ya sahe ua 'oru ga'a 'i dadi, re kalaha ananga ya 'isene, ananga ya sahe ua ma maksudu.”

1 Korintus 2:7

Ngomi mi kanau mangale 'akala soro'unu da'u ra Ma Jou'ongu Madutu tala, ga'a 'ua re 'au wali manusia ya waro ua. Mada'a dungia 'i dadi nyangu, Ma Jou'ongu Madutu ra sidodahe pasala ḏua, la ngene sanga barakati kasingado-ngadolo i'a.

Kolose 2:2

Mo-moini gena-ge, ngoi ta si'a'a di'a site'e ngini ninga 'akala re sinyingara re ananga manga 'akala re sinyingara, la ngini mo-moini ni ma'u dadalara matengo re matengo singadolo ninga 'ahu 'i marimoi. Dadi ngini re ananga mo-moini nga'unu ni sahe re ni ngaku ti-tiai mangale Ma Jou'ongu Madutu 'ai rahasia, gena-ge Kristus masiretene.

Kolose 4:3

Ngini ni manyiata di'a ngomi ḏi'i mangale Ma Jou'ongu Madutu 'a welanga ngalana di'a mi singadolo habari rahasia mangale Kristus. Sababu habari gena-ge ngowa'a 'aḏi singosama ngoi toma bui.

2 Timotius 1:10

Re nange-ne Ma Jou'ongu Madutu 'a sijumu 'ai mura re dadalara ra ngene, sababu Salamata ma Cimi, Kristus Yesus 'o sapolo ḏua. Unanga gena-ge ga'a Ra singi-ngiranga maut ma kuasa re 'O pula'a 'ahu kasingado-ngadolo i'a ra ngene, na'o ngene wo ngaku Habari Roanga mangale Unanga gena-ge.