Kolose 1:23 - Jaji ma Su-sungi

²³ Mada'a ngini balasu ni cako'o namo-namoto ninga ngo-ngaku kama elala awa toma Habari Roanga. Re ḏi'i ngini ni matogumu awa ni masinganono mangale 'oru ga'a toma Habari Roanga ra Ma Jou'ongu Madutu ga'a ro sijaji ra ngini. Habari Roanga gena-ge ya singadolo ḏua di'a ngowa-ngowa'a toma dungia sitabi donga. Ngoi, Paulus, reto dadi falalomu ḏi'i di'a singadolo Habari Roanga gena-ge.

Kolose 1:23 Iomraidhean Croise

Markus 16:15

Ḏua, Yesus 'o kanau ra ananga, “Ni tagi sikoloḏi dungia, re ni singadolo Habari Roanga da'u ra Ma Jou'ongu Madutu tala toma ngowa'a mo-moini.

Lukas 22:32

Mada'a Ngoi to manyiata di'a ngana Simon, la 'ani ngo-ngaku enanga 'i elala awa re wakutu ngana reno maḏibo ra Ngoi, ngana balasu na'u site'e 'ani ioronongoḏu manga ngo-ngaku ḏi'i.”

Lukas 6:48

Unanga gena-ge ma tero sa'olo ngowa'a matengo mau 'o simomi'i 'ai wala. Unanga 'a paiti ma tana'a lai ngido singadolo sanga maḏi, kara 'o 'a'a ma bangini. Wakutu ngu'uisi ya ngadolo toma wala gena-ge, enanga gena-ge kama elala ua, sababu side'oso toma bangini lai te'e.

Yohanes 15:6

Na'o 'a guna ḇato ga'a marimoi ua ra Ngoi, unanga gena-ge ma tero sa'olo 'anggur ma umanga ga'a ri tola'a, kara 'i dadi ngonono. 'Anggur ma umanga gena-ge, ngowa'a ya lomu kara ya upa'a toma u'u re enanga 'i ro'u.

Yesus 'ai so-soma'a 1:17

Unanga gena-ge 'o osama nanga nyo-nyoimi re unanga 'o sanga cumutu di'a singadolo Habari Roanga ma'u mete'e ra ngene.”

Yesus 'ai so-soma'a 1:8

Mada'a ḏuanga i'a ngini ni sanga kuasa wakutu Ma Ngagara 'Ofi-'Ofi 'i 'uci re nu ḏegoro. Toma 'orasa gena-ge, ngini ni dadi 'Ari sakisi-sakisi toma limau Yerusalem, toma daeraha Yudea re daeraha Samaria mo-moini re ngadolo toma dungia sitabi donga.”

Yesus 'ai so-soma'a 11:23

Wakutu Barnabas 'o ngadolo toma limau Antiokhia, unanga oḏi'i nana'o mangale Ma Jou'ongu Madutu 'ai mura re dadalara 'i tegoro ra ananga. Dadi unanga 'ai 'akala re sinyingara 'i maroanga. Barnabas 'o golo'o ananga gena-ge 'aḏi mete'e re 'aḏi ngaku Ma Jou Yesus tau-taunu remanga 'akala re sinyingara mode-mode'e.

Yesus 'ai so-soma'a 14:22

Toma limau-limau gena-ge, ananga 'aḏi site'e ngowa'a ngaku Yesus manga ngo-ngaku re 'aḏi babata ananga gena-ge di'a 'aḏi ngaku Yesus tau-taunu re 'aḏi mete'e Unanga 'ai do-doto'o ḇato re 'aḏi siajele “Ngene balasu wo basono kangela siḏa, kara ḏuanga i'a wa sanga ma sanangi toma soroga ra Ma Jou'ongu Madutu.” Paulus re 'a Barnabas 'aḏi doto'o ngowa'a ngaku Yesus so'o gena toma limau-limau gena-ge.

Yesus 'ai so-soma'a 2:5

Toma 'orasa gena-ge, ngowa'a Yahudi manga repe ga'a 'aḏi tegoro toma dungia sitabi donga, 'aḏi sapolo malomu toma limau Yerusalem sababu Pentakosta ma Wangere. Ananga mo-moini gena-ge ngowa-ngowa'a ga'a 'aḏi 'ahu di'a sisanangi Ma Jou'ongu Madutu 'ai 'akala re sinyingara.

Yesus 'ai so-soma'a 20:24

Mada'a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga'a Ma Jou Yesus 'a siwatasa ḏua ra ngoi di'a ta singadolo Habari Roanga mangale Ma Jou'ongu Madutu 'ai mura re dadalara singadolo 'ari 'ahu ma ḏo-ḏogumu.

Yesus 'ai so-soma'a 26:16

Momi'i re no te'oso. Ngoi to masijumu ra ngana, la tini sitede ngana no dadi Ngoi 'ari falalomu re sakisi. Ngana balasu na siajele toma ngowa'a lelegu mangale ngana no oḏi'i masiretene toma wangere nange-ne re ḏuanga i'a na siajele ḏi'i 'ori i'a ga'a Ngoi to sijumu ḏua ra ngana.

Yesus 'ai so-soma'a 4:12

Pa'i ra Yesus ḇato nyengara ngowa-ngowa'a 'aḏi sanga 'ahu kasingado-ngadolo i'a. Sababu toma dungia sitabi donga, matengo i'a mai ua 'o sanga kuasa di'a 'o sisalamata ngene.”

Roma 10:18

Mada'a ngoi to sano: Mode-mode'e ngowa'a Israel ya 'isene nyangu habari gena-ge?! Tantu ḏua reya 'isene! Sababu toma Boku 'Ofi-'Ofi ma dara 'i silefo so'o ne: “Ananga ya sipataha ḏua manga iḏingi singadolo toma dungia sitabi donga, manga demo-demo 'i ngadolo ḏua toma ngi'i le'a ḇato.”

Roma 15:16

to dadi Kristus Yesus 'ai falalomu di'a ngowa'a Yahudi ua. Re ngoi 'ari munara gena-ge ma tero sa'olo 'imam di'a to singadolo Habari Roanga ra Ma Jou'ongu Madutu tala, la ngowa'a Yahudi ua 'aḏi dadi ma tero sa'olo jou-jou rimoi ga'a Ma Jou'ongu Madutu nyengara 'o dawongo sababu Ma Ngagara 'Ofi-'Ofi 'i siwola i'a ananga gena-ge di'a Unanga.

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

Roma 5:5

Reo ngo-nganono ma duhu so'o gena-ge, ḏuanga i'a nanga 'akala re sinyingara 'i rapo'o ua, sababu Ma Jou'ongu Madutu 'o sitotomo 'Ai jaji ra ngene. Ngene rewo waro gena-ge sababu Ma Ngagara 'Ofi-'Ofi ga'a Unanga ro pula'a ra ngene, Enanga 'i siromanga nanga 'akala re sinyingara Rai dadalara.

1 Korintus 15:58

Sababu gena-ge, ioronongoḏu ga'a ngoi tini dadalara, ngini ninga ngo-ngaku balasu lai te'e, la ninga ngo-ngaku kama elala awa. Ni munara ra Ma Jou kama togumu awa, reninga 'akala re sinyingara mode-mode'e. Sababu ngini ni waro mangale 'oru ga'a ngini ni munara di'a Ma Jou, tantu ḏua enanga 'i parasaja ua.

1 Korintus 3:5

Le'a lebe la-lamo'o i'a: Apolos bolo Paulus?! Ngomi nena-ne pa'i falalomu ḇato ga'a Ma Jou'ongu Madutu 'o pake di'a riono ngini, la ngini ni ngaku Kristus. Ngomi matengo re matengo pa'i masi'a'a munara ga'a Ma Jou'ongu Madutu 'o siwatasa ra ngomi.

2 Korintus 10:1

'Age mamuni'a taninga sigolona ga'a 'aḏi kanau “ngoi to mereoso,” na'o to matalaḏi re to kanau ra ngini. Mada'a na'o ngoi ma'u kiḏanga re to lefo surata ra ngini, “ngoi lato te'e!” Mada'a ngoi Paulus to golo'o mode'e ra ngini to pake 'akala re sinyingara ma la-la re mereoso ma tero sa'olo Kristus 'ai 'akala re sinyingara.

2 Korintus 11:23

Ananga gena-ge Kristus 'ai falalomu-falalomu?! (Na'o ngoi to kanau so'o gena-ge, ngoi ma tero sa'olo ngowa'a haga ḇato.) Mada'a ngoi ne falalomu-falalomu lebe cufala reo ananga mo-moini: Ngoi to munara lebe sau'u i'a, ngowa'a singosama ngoi toma bui lebe repe, to sanga ca'olo lebe siḏi, re soi rai o'o i'a sa'i to sengene.

2 Korintus 3:6

Unanga gena-ge 'o si'a'a ngomi nga'unu mi dadi 'Ai falalomu-falalomu toma jaji ma su-sungi. Jaji gena-ge toma Ngagara 'Ofi-'Ofi ino, toma hukumu ua ga'a manusia ya lefo toma boku. Sababu 'oru ga'a silefo toma boku 'i sigasa ngowa'a toma sengene, mada'a jaji toma Ngagara 'Ofi-'Ofi ino, 'i sigasa ngowa'a toma 'ahu.

2 Korintus 4:1

Dadi sababu Ma Jou'ongu Madutu 'o sijumu 'ai 'akala re sinyingara ma la-la ra ngomi, Unanga gena-ge 'o cumutu ngomi di'a singadolo mangale jaji ma su-sungi. Sababu gena-ge, ngomi minga 'akala re sinyingara 'i rapo'o ua.

2 Korintus 6:1

Sababu ngomi mi munara mamete'e ra Ma Jou'ongu Madutu, mi golo'o mode-mode'e ra ngini, awa ni siparasaja Ma Jou'ongu Madutu 'ai mura re dadalara ra ngini.

Galatia 4:11

Sababu gena-ge, ngoi to dodato: Awa-awa 'ari galasau'u ma duduala di'a ngini, enanga 'i parasaja.

Galatia 5:5

Mada'a mangale ngomi, Ma Ngagara 'Ofi-'Ofi 'i munara ra ngomi minga 'akala re sinyingara ma dara, singadolo ngomi mi masinganano pa'i ra Ma Jou'ongu Madutu ḇato, la ngomi ḏuanga i'a mi talaḏi ra Unanga sa'olo ngowa'a kaminga sala ua sababu ngomi minga ngo-ngaku pa'i ra Kristus ḇato. Gena-ge ngomi ma totoma re ma ga-ganutu.

Galatia 5:7

'Au nga'ene, ngini ni sijumu ninga cufala di'a ni mete'e do-doto'o 'i banari. I'a sa'olo 'orasa nange-ne ngini ni mete'e riwara do-doto'o gena-ge?! 'Au nga'ene, ngini ni ma tero sa'olo ngowa'a 'aḏi lalara lai siḏi, kara ngowa'a ma lelegu 'aḏi dola'aku ngini, singadolo ngini ni matogumu ni lalara. 'A guna nu'u sihaga ngini?!

Galatia 6:9

Sababu gena-ge, kalaha wo basono momoro, awa ngene wo matogumu 'a'a 'ori i'a ma la-la. Sababu na'o ngene wo madaga'a 'ori i'a ma la-la tau-taunu, ḏuanga i'a enanga ma 'orasa 'i ngadolo ngene wa sanga enanga ma sowo'o.

Efesus 1:18

Dadi ngini ninga fikirana 'i dadi tarangi mangale barakati di'a ngini. Barakati gena-ge ga'a ninga ngo-nganono, sababu Unanga ro 'aro'o ngini. Re ngini balasu ni sahe mode-mode'e mangale Ma Jou'ongu Madutu 'ai barakati ma mulia Ra sidodahe di'a 'Ai 'umata.

Efesus 2:21

Wala gena-ge 'i te'e sababu 'i simomi'i toma bangini ma maḏi ma re'u i'a, gena-ge Kristus Yesus ga'a 'A dogo lebe lamo'o i'a singadolo 'i dadi Ma Jou'ongu Madutu 'ai Wala ga'a 'i patasa di'a Unanga.

Efesus 3:17

Ḏua 'a Kristus 'o tegoro tau-taunu ra ngini ninga 'akala re sinyingara sababu ninga ngo-ngaku. Ḏua ngini ninga 'ahu 'i romanga reo dadalara ma tero sa'olo ate ma utu'u 'i osama lai kiḏanga toma tana'a ma dara re ma tero ḏi'i sa'olo simomi'i wala toma bangini te-te'e ma re'u.

Efesus 4:16

Dadi sababu ngene ma tero sa'olo 'Ai lese, Unanga 'a sirimoi 'Ai 'umata mo-moini ma tero sa'olo nguḏoto 'i marimoi toma lese. Na'o bageanga-bageanga toma lese 'i munara masiretene, tantu ḏua lese 'i ramasa re 'i dadi te'e. Gena-ge ma tero sa'olo Kristus 'ai lese, 'Ai Jama'ata. Re matengo re matengo manga ngo-ngaku lebe dogo re ganapu ma'u dadalara, na'o ananga gena-ge 'aḏi 'a'a munara masiretene.

Kolose 1:25

Ma Jou'ongu Madutu 'o siwatasa ngoi to dadi jama'ata manga falalomu di'a ta singadolo Ma Jou'ongu Madutu 'ai habari, kama kuranga ua.

Kolose 2:7

Ngini ninga 'akala re sinyingara balasu 'i utu'u ra Unanga tau-taunu ma tero sa'olo ate ma utu'u 'i osama lai kiḏanga toma tana'a ma dara. Ngini ninga 'akala re sinyingara balasu 'i simomi'i ra Unanga tau-taunu ma tero sa'olo wala 'i simomi'i toma bangini te-te'e ma re'u. Ngini balasu ni dogo ninga ngo-ngaku re ninga ngo-nganono mode-mode'e ra Kristus, mete'e ma do-doto'o banari ngini reni dawongo. Re ḏi'i, ngini ninga 'akala re sinyingara balasu 'i romanga reo murasa ma la tau-taunu ra Ma Jou'ongu Madutu.

1 Tesalonika 3:3

Ngomi mi 'utusu unanga 'o sibabata re site'e ngini, la matengo i'a ua ni madorusu sababu ni sanga ma sikisa. Ngini masiretene na waro ḏua mangale sikisa mo-moini gena-ge 'i osama Ma Jou'ongu Madutu 'ai 'akala ma mau di'a ngene,

1 Tesalonika 3:5

Sababu gena-ge, wakutu ngoi ta tahana ta nga'unu riwara totoma habari mangale ngini, ngoi to 'utusu 'a Timotius ra ngini di'a 'a disa waro mangale ngini ninga ngo-ngaku ra Ma Jou Yesus: lai te'e moju bolo ua. Ngoi to dodato awa-awa ngini ni eta'a toma 'Iblisi ma bo-baja, marai minga galasau'u ma duduala 'i parasaja.

1 Tesalonika 5:8

Mada'a sababu ngene ne wo osama nyo-nyoimi toma ngowa'a ga'a 'aḏi 'ahu toma tarangi ma dara, ngene balasu wo manahana nanga nyafusu ma jira: Ngene balasu wo ngaku tau-taunu Ma Jou Yesus re wo dadalara ngowa'a lelegu. Na'o so'o gena-ge, ngene wo jaga nanga ngo-ngaku, la 'i elala ua ma tero sa'olo sordado 'o mapake baju jaga di'a 'o jaga 'ai diri. So'o gena ḏi'i, ngene balasu wo masinganono mode-mode'e mangale Ma Jou Yesus dadunu 'o sapolo moju di'a sisalamata ngene. Na'o so'o gena-ge, ngene wo jaga nanga ngo-nganono, la 'i sitaka-taka ua ma tero sa'olo sordado ga'a 'o mapake 'ai capeo waja di'a 'o jaga 'ai sae'e. Ḏua ngene wo ḏu-ḏuanga ḏua di'a Ma Jou Yesus 'o sapolo moju ma tero sa'olo sordado matengo 'o ḏuanga ḏua 'o osama jaga.

2 Tesalonika 2:16

Ma Jou'ongu Madutu nanga Ḇaḇa 'o dadalara ngene re mete'e 'Ai mura re dadalara, Unanga na si'a'a ngene nanga 'akala namo-namoto re dadi site'e nanga ngo-nganono. Sababu gena-ge, ngoi to golo'o Ma Jou'ongu Madutu nanga Ḇaḇa re nanga Jou Yesus Kristus masiretene 'o babata ngini re site'e ninga 'akala re sinyingara, la ngini nga'unu ni si'a'a re ni sihabari 'ori i'a la-la.

1 Timotius 1:12

Ngoi to sibere ie 'ari murasa ma la ra Kristus Yesus, nanga Jou, sababu Unanga 'o cumutu ngoi patasa ta siḏagi 'Ai munara. Re Unanga ro pula'a de-de'e ra ngoi, la ngoi tu siḏagi 'Ai munara gena-ge.

1 Timotius 2:7

Sababu so'o gena, Ma Jou'ongu Madutu 'o cumutu ngoi di'a to dadi Unanga 'ai so-soma'a, la ngoi to singadolo Habari Roanga re to doto'o habari banari mangale Kristus Yesus toma ngowa'a Yahudi ua. 'Oru ga'a to siajele nena-ne, mode-mode'e; ngoi to sa-sakala ua.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

Titus 3:7

Ma Jou'ongu Madutu 'o 'a'a so'o gena-ge, la ngene nga'unu wo dadi ngowa'a kamanga sala ua Tai momina, sababu Yesus 'ai mura re dadalara. Re ḏi'i ngene nga'unu wo sanga 'ahu kasingado-ngadolo i'a ga'a ngene wo ngano-nganono.

'Ibrani 10:38

Re Ma Jou'ongu Madutu 'o kanau so'o ne: “Mada'a 'Ari 'umata ga'a manga 'ahu loasa re banari, ananga gena-ge balasu 'aḏi 'ahu sijumu manga ngo-ngaku. Re na'o 'age rema ngowa'a tamanga sigolona ga'a 'aḏi madorusu tamanga ngo-ngaku, Ngoi to sanangi ua ra ananga gena-ge.”

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

'Ibrani 3:6

Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.

'Ibrani 4:14

Ngene nanga 'Imam 'Agung La-lamo'o ga'a ro pere sie toma soroga singadolo osama talaḏi ra Ma Jou'ongu Madutu 'ai biono, Unanga gena-ge Yesus, Ma Jou'ongu Madutu 'ai Ngowa'a Nau'u. Sababu gena-ge, ngene balasu macako'o namo-namoto tananga ngo-ngaku re matogumu awa kanau 'oru ga'a wo ngaku.

'Ibrani 6:19

Ngene nanga ngo-nganono gena-ge ma tero sa'olo kapala ma tapu 'i otomo lai ngido toma ngoloto, la nanga ngo-ngaku 'i elala ua. Dadi sababu ngo-nganono lai te'e, enanga ma tero sa'olo ngene wo osama toma soroga ḏua. Gena-ge ma tero sa'olo nanga 'Imam 'Agung ga'a ro palisi ngalana ma da-daku kole-kole ro osama toma Kamara Lai 'Ofi-'Ofi.

1 Petrus 1:3

Ino ngene wo puji re silamo'o Ma Jou'ongu Madutu, Yesus Kristus nanga Jou 'ai Ḇaḇa. Sababu Unanga 'o sijumu 'Ai 'akala re sinyingara ma la-la ra ngene, singadolo 'O pula'a 'ahu su-sungi ra ngene. Gena-ge 'i nyengara, sababu Yesus Kristus ro sengene, mada'a dadunu 'o 'ahu moju. Sababu gena-ge nanga ngo-nganono 'i dadi de-de'e rimoi.

1 Petrus 1:5

Warisi gena-ge di'a ngini mo-moini, sababu ngini reni ngaku Ma Jou'ongu Madutu. Sababu gena-ge Unanga 'o saolo ngini Rai kuasa, singadolo Kiamata ma Wangere 'i ngadolo. Toma 'orasa gena-ge, ngini ni sanga salamata ga'a Ma Jou'ongu Madutu 'a ḏu-ḏuanga ḏua di'a ngini.

1 Yohanes 2:27

Mada'a mangale ngini masiretene, Kristus 'a sipa'ala ḏua Ma Ngagara 'Ofi-'Ofi ra ngini. Sababu Ma Ngagara 'Ofi-'Ofi 'i tegoro taninga 'akala re sinyingara moju, ngini ni paralu ua ngowa'a lelegu 'aḏi doto'o ngini. Sababu Ma Ngagara 'Ofi-'Ofi masiretene 'I doto'o 'ori i'a mo-moini ra ngini re enanga ma do-doto'o mo-moini 'i banari; sa-sakala ua. Sababu gena-ge, ngini ninga de'oso re ḏegoro balasu na mete'e 'oru ḇato ga'a Ma Ngagara 'Ofi-'Ofi sidoto'o ngini, la ngini ni 'ahu marimoi tau-taunu ra Yesus Kristus.

Tingoýi 2:10

Ni mojongo awa, na'o ti'ara riwara ni sanga susa re sangisara. Ngoi to siajele ra ngini, mamuni'a ḏuanga i'a 'Iblisi singosama ngini toma bui di'a ni sanga tai'i. Re ngini gena-ge ḏuanga i'a sanga sikisa ma di'ara wangere nyagi moi. Mada'a ngini balasu ni macako'o namo-namoto ra Ngoi singadolo ni sengene, kara Ngoi to pula'a 'ahu kasingado-ngadolo i'a ra ngini sa'olo ngogele rimoi.