Kolose 1:21 - Jaji ma Su-sungi

²¹ 'Au nga'ene, ngini ni kiḏanga ra Ma Jou'ongu Madutu re ni lawana Unanga, sababu taninga 'akala re sinyingara ma dara 'i cira singadolo 'i waiti taninga de'oso re ḏegoro.

Kolose 1:21 Iomraidhean Croise

Roma 1:30

sijira ngowa'a manga lomanga, 'aḏi momole, waro do-doto'o ua, 'aḏi emono Ma Jou'ongu Madutu, 'aḏi matoro. Ananga 'aḏi pahe disa ngo'omo di'a 'aḏi 'a'a kajahatana, 'aḏi malawana tamanga bi-biri'i.

Efesus 2:12

'Elingi toma 'orasa gena-ge, ngini ni marimoi ra Kristus nyangu, re ni osama nyo-nyoimi ua toma ngowa'a Yahudi ga'a ma 'asala toma Israel ino. Dadi 'oru ḇato ga'a Ma Jou'ongu Madutu ro sijaji di'a ngowa'a Yahudi, ngini ḏuanga i'a sanga ma balangu ua. Ngini ni 'ahu toma dungia, mada'a ngini ni nana'o ua Ma Jou'ongu Madutu dadi ni masinganono yoḏu'u ra Unanga di'a 'O sisalamata ngini.

Efesus 2:15

Unanga masiretene 'o sidoa'a 'Ai lese sa'olo jou-jou rimoi di'a 'A singi-ngiranga Musa 'ai hukumu re 'agama ma 'atoranga. 'Ai maksudu bangsa romoḏiḏi 'i dadi rimoi, ma tero sa'olo manusia su-sungi, ga'a marimoi ra Unanga. Reo duhu gena-ge, Kristus 'o sidame ngowa'a Yahudi re ngowa'a Yahudi ua.

Efesus 2:19

Sababu gena-ge, 'au nga'ene ngini ga'a ngowa'a Yahudi ua ma tero sa'olo ngowa'a tagi-tagi ino, toma 'orasa nange-ne, so'o gena-ge riwara. Siḏibo ḏi'i, ngini reni dadi Ma Jou'ongu Madutu 'ai 'umata, re reni osama nyo-nyoimi ra Ma Jou'ongu Madutu 'ai ngitu re ngale.

Efesus 4:18

Ananga gena-ge manga fikirana 'i hafu-hafu re manga 'akala re sinyingara lai te'e. Sababu gena-ge, ananga ya nana'o ceka'a i'a mai ua mangale Ma Jou'ongu Madutu, re ḏi'i ananga ya dawongo ua 'ahu ga'a Ma Jou'ongu Madutu nyengara 'o pula'a ra ananga.

Yakobus 4:4

Ngini ni mete'e ua Ma Jou'ongu Madutu 'ai bererongo re 'Ai do-doto'o ma tero sa'olo we-were'a matengo rami nau'u mo ma'u pake re na-nau'u lelegu! Ngini ni waro bolo ua, na'o ngini ni mau mete'e dungia ma nyafusu ngini ni maḏagilomu reo dungia re ngini ni malawana ra Ma Jou'ongu Madutu ḏi'i! Sababu gena-ge, 'a guna ḇato 'o dadi dungia ma ḏagilomu, unanga gena-ge 'o dadi Ma Jou'ongu Madutu 'ai lawana.