Kolose 1:20 - Jaji ma Su-sungi

²⁰ 'Ua re 'au wali moju, Ma Jou'ongu Madutu 'o sitantukanga ḏua 'O sirimoi moju 'ori i'a mo-moini: bae toma soroga, bae toma dungia, ra Unanga masiretene. Unanga ro 'a'a so'o gena-ge sababu 'a Kristus 'ai ngaunu ri pa'ala di'a ngene wakutu 'O sengene toma salib.

Kolose 1:20 Iomraidhean Croise

Matias 1:21

Maria ḏuanga i'a mo sibuoro ngowa nau'u matengo. Ngowa kiau gena-ge ngana balasu no silomanga 'a Yesus, sababu Unanga nena-ne ḏuanga i'a 'O sisalamata 'Ai ngowa-ngowa'a tamanga ḏosa.”

Lukas 2:14

“Puji re silamo'o Ma Jou'ongu Madutu toma soroga, re dame toma dungia toma manusia ga'a Ma Jou'ongu Madutu ya'u sanangi.”

Yesus 'ai so-soma'a 10:30

Kornelius 'a sangoro, “ 'Au gangele, enanga ma 'orasa ḏa ca'olo ro'ange so'o nena-ne ḏi'i, ngoi masiretene to manyiata tari wala. Kage-kage na-nau'u matengo 'o made-de'oso ino re 'ai pakeanga lai jamanga.

Roma 5:1

Sababu gena-ge, nange-ne ngene wo 'ahu dame ra Ma Jou'ongu Madutu sababu 'oru ga'a nanga Jou Yesus Kristus ra 'a'a di'a ngene. Gena-ge 'i dadi sababu ngene nanga ngo-ngaku ra Yesus Kristus, dadi ngene rewo dadi ngowa'a kamanga sala ua Tai momina.

Efesus 1:10

Ma Jou'ongu Madutu, Unanga 'ai maksudu so'o ne: Ma 'orasa 'i ngadolo ḏua mete'e Unanga 'ai mau, 'ori i'a mo-moini, bae toma dungia bae toma soroga, ḏuanga i'a mo-moini gena-ge 'i marimoi ra Kristus re Unanga 'a parenta.

Filipi 2:10

la mo-moini toma soroga, toma dungia re toma ngowa-ngowa'a senge-sengene ma sigolona, ḏuanga i'a 'aḏi maḏipolono di'a silamo'o re siḏubuso Unanga.

Kolose 1:16

sababu Ma Jou'ongu Madutu 'U 'utusu Unanga gena-ge 'o sidadi 'ori i'a mo-moini: bae toma soroga, bae toma dungia: bae 'ori i'a i'a ga'a wa oḏi'i, bae 'ori i'a i'a ga'a wa oḏi'i ua. So'o gena ḏi'i bae roh, bae mala'ekata ga'a 'i parenta rema kuasa. Mo-moini gena-ge Kristus 'a sidadi, la mo-moini gena-ge 'i simulia Unanga.

'Ibrani 2:17

Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.