Kolose 1:19 - Jaji ma Su-sungi

¹⁹ sababu Ma Jou'ongu Madutu 'o sitantukanga pasala ḏua 'Ai duhu re 'Ai kuasa mo-moini kama kuranga ua 'a sipa'ala Tai Ngowa'a Nau'u, Kristus.

Kolose 1:19 Iomraidhean Croise

Lukas 10:21

Toma 'orasa gena-ge ḏi'i, Yesus 'o maroanga sababu Ma Ngagara 'Ofi-'Ofi 'U ḏegoro re 'O kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo. Ya, Baba sababu enanga gena-ge 'i sisanangi 'Ani 'akala re sinyingara.

Yohanes 1:16

Sidogo ḏi'i, Unanga ga'a romanga reo mura re dadalara, Unanga gena-ge ḏi'i lebe la-lamo'o i'a rea Yohanes; sababu Rai mura re dadalara, ngene mo-moini rewo dawongo barakati rimoi ga'a lebe lamo'o i'a reo barakati rimoi ga'a siḏa.

Yohanes 3:34

Sababu ngowa'a matengo ga'a Ma Jou'ongu Madutu 'o 'utusu Unanga gena-ge 'a singadolo Ma Jou'ongu Madutu 'ai demo-demo. Re Ma Jou'ongu Madutu 'o siromanga Unanga reo Ma Ngagara 'Ofi-'Ofi.

1 Korintus 1:21

Sababu manusia manga 'akala ma soro'unu, enanga sanga ua nana'o Ma Jou'ongu Madutu. Mada'a sababu Ma Jou'ongu Madutu 'ai 'akala ma soro'unu ma pari cua, Unanga gena-ge ro sitantukanga di'a 'O sisalamata ngowa'a ga'a raḏi ngaku 'Ai Habari Roanga. Habari Roanga gena-ge ngowa'a dungia 'aḏi ta'ajiri habari ma faeda 'i cua.

Efesus 1:23

Jama'ata gena-ge 'a Kristus 'ai lese. 'Ai jama'ata gena-ge, 'oru ḇato re ngi'i le'a ḇato, Unanga 'a sitomoto reo 'Ai 'ahu.

Efesus 1:3

Ngene wo puji re silamo'o Ma Jou'ongu Madutu, Unanga gena-ge nanga Jou Yesus Kristus 'ai Ḇaḇa. Unanga ro pula'a barakati mo-moini toma soroga ra ngene, sababu ngene rewo marimoi ra Kristus.

Efesus 1:5

'Ua re 'au wali moju, sababu Ma Jou'ongu Madutu 'o dadalara ngene Unanga ro sitantukanga 'o 'oro ngene sa'olo 'ai ngowa-ngowa'a nau'u madutu. Gena-ge ri dadi sababu Yesus Kristus 'ai se-sengene. Mo-moini gena-ge Ma Jou'ongu Madutu 'a si'a'a mete'e Unanga 'ai mau, la sisanangi Unanga 'ai 'akala re sinyingara.

Efesus 4:10

Re Unanga ga'a ro 'uci ḏua, Unanga gena-ge ḏi'i ga'a ro pere lebe kau'u reo diwanga, la Unanga 'o parenta 'ori i'a mo-moini.

Kolose 2:3

Pa'i ra Kristus gena-ge ḇato, toma ngowa'a lelegu 'i cua, 'akala soro'unu re wo-waro mo-moini mangale Ma Jou'ongu Madutu. Enanga gena-ge 'i ma tero sa'olo harata ga'a 'ua re 'au wali moju 'i go-gogono.

Kolose 2:9

Dadi ngini ni mete'e awa manga do-doto'o ma faeda 'i cua gena-ge, sababu Ma Jou'ongu Madutu 'ai duhu ri waiti ra pa'i Kristus 'ai lese ḇato.

Kolose 3:11

Toma 'ahu su-sungi ma dara, ngene wo siwo-wola rawara ngowa'a Yahudi re ngowa'a Yahudi ua, ngowa'a ma suna re ma suna ua, ngowa'a tagi-tagi ino, re ngowa'a biadab, ngowa'a budaka re ngowa'a bebasa. Sababu Kristus lebe la-lamo'o i'a reo mo-moini gena-ge re Unanga ḏi'i 'o tegoro Tai 'umata manga 'akala re sinyingara ma dara mo-moini.