Kolose 1:16 - Jaji ma Su-sungi

¹⁶ sababu Ma Jou'ongu Madutu 'U 'utusu Unanga gena-ge 'o sidadi 'ori i'a mo-moini: bae toma soroga, bae toma dungia: bae 'ori i'a i'a ga'a wa oḏi'i, bae 'ori i'a i'a ga'a wa oḏi'i ua. So'o gena ḏi'i bae roh, bae mala'ekata ga'a 'i parenta rema kuasa. Mo-moini gena-ge Kristus 'a sidadi, la mo-moini gena-ge 'i simulia Unanga.

Kolose 1:16 Iomraidhean Croise

Yohanes 1:10

Unanga gena-ge ro sapolo re tegoro toma dungia nena-ne ga'a Unanga 'a sidadi. Mada'a ngowa'a 'aḏi tegoro toma dungia nena-ne 'aḏi oḏu'u dawongo Unanga.

Yohanes 1:3

Ma Jou'ongu Madutu 'o pake Unanga gena-ge di'a 'O sidadi 'oru ḇato mo-moini. 'Ori i'a rimoi mai ua nga'unu 'i dadi, na'o Unanga ua.

Roma 11:36

Sababu mo-moini toma diwanga re dungia ma dara, Ma Jou'ongu Madutu ra sidadi. Mo-moini gena-ge ma 'asala ra Ma Jou'ongu Madutu tala re di'a Unanga ḏi'i. Dadi, ino ngene wo puji re silamo'o Ma Jou'ongu Madutu, nena re si'a kasingado-ngadolo i'a. 'Amin.

Roma 8:38

Sababu ngoi to ngaku mode-mode'e mangale toma dungia sitabi donga, bae sengene bolo 'ahu, bae mala'ekata bolo kuasa hafu-hafu, bae 'oru ga'a 'i dadi 'orasa nange-ne bolo ḏuanga i'a, bae kuasa 'oru ḇato toma dungia ma dara nena-ne,

Roma 9:5

Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.

1 Korintus 8:6

Mada'a ra ngene, Ma Jou'ongu Madutu pa'i matengo ḇato, Unanga ngene nanga Ḇaḇa, ga'a 'O sidadi ḏua 'ori i'a mo-moini re ngene wo 'ahu di'a Unanga. 'Age Ma Jou pa'i matengo ḇato, Unanga gena-ge Yesus Kristus. Ma Jou'ongu Madutu 'o pula'a kuasa ra Unanga gena-ge, la 'O sidadi 'ori i'a mo-moini re ngene ḏi'i wo 'ahu sababu Unanga gena-ge.

Efesus 1:10

Ma Jou'ongu Madutu, Unanga 'ai maksudu so'o ne: Ma 'orasa 'i ngadolo ḏua mete'e Unanga 'ai mau, 'ori i'a mo-moini, bae toma dungia bae toma soroga, ḏuanga i'a mo-moini gena-ge 'i marimoi ra Kristus re Unanga 'a parenta.

Efesus 6:12

Nange-ne, ngene wo lawana manusia ua, mada'a wo lawana roh-roh ma jira ma repe 'i kuasa toma dungia hafu-hafu re toma ngawa-ngawa.

Filipi 2:10

la mo-moini toma soroga, toma dungia re toma ngowa-ngowa'a senge-sengene ma sigolona, ḏuanga i'a 'aḏi maḏipolono di'a silamo'o re siḏubuso Unanga.

Kolose 1:15

Ngene wo oḏi'i yoḏu'u Ma Jou'ongu Madutu mada'a 'a Kristus unanga gena-ge Ma Jou'ongu Madutu 'ai gabara mode-mode'e. Kristus 'o parenta Ma Jou'ongu Madutu 'ai do-dadi mo-moini, ma tero sa'olo ngowa'a nau'u ma jomolo ga'a 'o parenta 'ai nongoḏu,

Kolose 1:20

'Ua re 'au wali moju, Ma Jou'ongu Madutu 'o sitantukanga ḏua 'O sirimoi moju 'ori i'a mo-moini: bae toma soroga, bae toma dungia, ra Unanga masiretene. Unanga ro 'a'a so'o gena-ge sababu 'a Kristus 'ai ngaunu ri pa'ala di'a ngene wakutu 'O sengene toma salib.

Kolose 2:10

Unanga gena-ge 'o dadi sae'e toma roh mo-moini ga'a 'i kuasa re 'i siḏagi ma pareta. Dadi, na'o ngini ni marimoi ra Kristus, ngini ninga nyawa ma 'ahu 'i ti-tiai.

Kolose 2:15

Toma salib gena-ge, Kristus ra sita'aloko roh mo-moini ga'a 'i kuasa re ga'a 'i siḏagi maparenta. Enanga 'i ma tero sa'olo ngowa'a dawana sanga piri'u 'aḏi tagi tu-tuu'u ra Yesus 'ai ḏuḏunu, la ngowa'a dungia mo-moini 'aḏi oḏi'i, re 'aḏi waro mangale roh-roh gena-ge ri ta'aloko ra Unanga.

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 2:10

Ma Jou'ongu Madutu 'o 'a'a 'ori i'a mo-moini toma dungia nena-ne di'a 'Ai maksudu masiretene. Unanga gena-ge ra sitantukanga mangale ngowa'a ma repe 'aḏi dadi 'Ai 'umata re sibalangu 'Ai mulia ra ananga gena-ge. Sababu gena-ge, Yesus ga'a welanga ngo'omo di'a ngene wo sanga salamata, Unanga gena-ge balasu 'o sanga sangisara singadolo 'o sengene, la Unanga nyengara 'o dadi Salamata ma Cimi ga'a 'i ti-tiai.

1 Petrus 3:22

Yesus Kristus gena-ge ro pere ḏua toma soroga re 'O tegoro ra Ma Jou'ongu Madutu 'Ai giama ma kuwiḏa i'a. Mala'ekata-mala'ekata 'aḏi ta'aloko ra Unanga re ḏi'i 'ori i'a mo-moini ga'a rema kuasa, mo-moini 'i ta'aloko ra Unanga.