Kolose 1:11 - Jaji ma Su-sungi

¹¹ Ngomi mi golo'o ra Ma Jou'ongu Madutu ga'a 'Ai kuasa ma pari cua, mangale Unanga 'a sinamoto ninga 'akala re sinyingara Rai kuasa mo-moini, la ngini nga'unu ni tahana sikisa tau-taunu reninga 'akala ḇanyo reninga 'akala re sinyingara sa-sanangi.

Kolose 1:11 Iomraidhean Croise

Yesus 'ai so-soma'a 1:8

Mada'a ḏuanga i'a ngini ni sanga kuasa wakutu Ma Ngagara 'Ofi-'Ofi 'i 'uci re nu ḏegoro. Toma 'orasa gena-ge, ngini ni dadi 'Ari sakisi-sakisi toma limau Yerusalem, toma daeraha Yudea re daeraha Samaria mo-moini re ngadolo toma dungia sitabi donga.”

Yesus 'ai so-soma'a 5:41

Yesus 'ai so-soma'a ya sisoi'i tala Mahkamah 'Agama remanga roanga, sababu Ma Jou'ongu Madutu ya'u cumutu ananga balasu 'aḏi sanga je-jengere toma ngowa-ngowa'a gena-ge sababu ananga 'aḏi doto'o ngowa-ngowa'a ra Yesus 'ai do-doto'o.

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

1 Korintus 16:13

Ngini balasu ni ma'istiari re ni macako'o namo-namoto taninga ngo-ngaku. Ninga 'akala re sinyingara balasu lai nau'u re ni mate'e.

2 Korintus 4:7

Ngomi ma tero sa'olo giu'u tana'a ga'a ma ijana 'i cua, mada'a mi gasa harata soroga. Enanga so'o gena-ge, la ngowa-ngowa'a 'aḏi waro mangale kuasa ma pari cua, pa'i ra Ma Jou'ongu Madutu ḇato; ra ngomi ua.

Efesus 3:16

Ngoi to manyiata ra Ma Jou'ongu Madutu ga'a 'o tegoro toma mulia ma pari cua, re 'Ai barakati kama moini ua. Ngoi to manyiata to golo'o ra Unanga gena-ge mangale 'Ai Ngagara 'Ofi-'Ofi 'i site'e ngini ninga 'akala re sinyingara.

Efesus 4:2

Ngini balasu ni maholo ninga 'akala re sinyingara, 'akala re sinyingara mereoso, pake 'akala ḇanyo, ni manahana ninga diri sababu ninga dadalara di'a ngowa'a lelegu, wakutu manga de'oso re ḏegoro 'i ma'u rapu ra ngini.

Efesus 6:10

Ma ḏo-ḏogumu, ngini balasu ni dadi te'e reo de-de'e ga'a na sanga ra Ma Jou Yesus 'ai kuasa, sababu ngini marimoi ra Unanga.

Filipi 4:13

Kristus 'o pula'a kuasa ra ngoi, dadi ngoi rari de-de'e to talaḏi 'oru ḇato.

2 Petrus 1:6

Re taninga 'akala soro'unu ni sidogo matahana diri, la ngini nyengara ni maki-kiḏanga toma dungia ma nyafusu re ni macako'o namo-namoto taninga ngo-ngaku. Re ni sidogo taninga de'oso re ḏegoro gena-ge, ni 'ahu ga'a 'i loasa re banari.

Yudas 1:25

Unanga gena-ge pa'i Ma Jou'ongu Madutu ga'a nanga Salamata ma Cimi sababu ngene rewo marimoi ra Yesus Kristus nanga Jou. Unanga gena-ge 'O mulia 'O kabasarana, 'Ai kuasa ma pari cua ga'a 'O parenta wakutu dungia re diwanga 'i sidadi nyangu singadolo nange-ne re kasingado-ngadolo i'a! 'Amin.

Tingoýi 14:12

Sababu gena-ge, Ma Jou'ongu Madutu 'ai ngowa-ngowa'a ga'a 'aḏi cufala mete'e Unanga 'ai parenta re 'aḏi macako'o namo-namoto ra Yesus, balasu 'aḏi tahana susa re sangisara reo 'akala ḇanyo.