Kolose 1:10 - Jaji ma Su-sungi10 Dadi, ngini nga'unu ni 'ahu mete'e Ma Jou'ongu Madutu 'ai 'akala ma mau, la ni sisanangi Unanga 'ai 'akala re sinyingara. Re ḏi'i ngini ninga ga'a la-la fara muḏuo i'a re ninga wo-waro mangale Ma Jou'ongu Madutu, enanga gena-ge 'i ganapu madogo-dogo toma 'ori i'a mo-moini. Faic an caibideil |
Kolose 1:10
44 Iomraidhean Croise
Ioronongoḏu ngo-ngaku rimoi, ngoi to mau ngini ni waro mangale soi muḏuo ḏua ngoi 'ari maksudu tini tutumu ngini, mada'a singadolo nange-ne rema dola'aku. Ngoi 'ari maksudu di'a tutumu ngini, la 'ari munara taninga sigolona sigasa ngowa'a di'a ngaku Yesus Kristus, ma tero sa'olo 'ari munara toma gamu-gamu ma lelegu, ri sigasa ngowa'a Yahudi ua di'a raḏi ngaku Unanga.
Mada'a nange-ne ngoi ta sibere ie 'ari murasa ma la ra Ma Jou'ongu Madutu, sababu ngomi mi marimoi ra Kristus, Unanga 'o gasa ngomi ma tero sa'olo 'Ai sordado ga'a mi 'utungu taminga lawana 'Iblisi. Unanga 'o pake ngomi di'a singadolo Habari Roanga toma dungia sitabi donga mangale Kristus. Habari Roanga gena-ge ma tero sa'olo manyanyi ma bounu lai sa'i.
Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.
Sidogo ḏi'i, Ma Jou'ongu Madutu rai kuasa 'o pula'a barakati pai-pai'i ra ngini, la ngini ninga paralu kama kuranga ua. Siḏibo ḏi'i, ngini ninga paralu ni sanga pai'i tau-taunu. Unanga ḏuanga i'a 'o 'a'a so'o gena-ge, la ngini nga'unu ni madaga'a 'ori i'a ma la-la lebe dogo-dogo di'a ni riono ngowa-ngowa'a.
'Orasa nange-ne, lebe la-lamo'o i'a ngini ninga 'ahu ma duhu balasu 'i patasa di'a ngowa'a ga'a 'aḏi mete'e Habari Roanga mangale Kristus gena-ge. Dadi, bae ngoi to ma'u sanga moju bolo sanga riwara ra ngini, ngoi ḏuanga i'a ta 'isene mangale ngini ni marimoi. Re ḏi'i ngini ni marimoi taninga munara di'a ni sibukiti mangale Habari Roanga gena-ge 'i banari, dadi ngowa-ngowa'a ḏuanga i'a ya ngaku.
Nange-ne ngoi to paralu riwara 'oru ḇato sababu ngoi reto dawongo ḏua ninga bu-bula'a mo-moini ga'a ni siḏingoto ra Epafroditus re 'age rema enanga moju. Ninga bu-bula'a gena-ge ma tero sa'olo jou-jou ra Ma Jou'ongu Madutu ga'a ma bo-bounu lai sa'i re 'A dawongo ninga jou-jou gena-ge Rai 'akala re sinyingara sa-sanangi.
Ananga gena-ge raḏi macako'o riwara ra Kristus sa'olo ananga manga sae'e. Mada'a Kristus 'a sirimoi 'Ai 'umata re 'O sinyanyasele manga 'ahu, la ananga manga ngo-ngaku ganapu dogo mete'e Ma Jou'ongu Madutu 'ai 'akala ma mau. Gena-ge ma tero sa'olo sae'e 'i siramasa lese, ga'a 'i sirimoi reo nguḏoto re donga-donga.
Ioronongoḏu ngo-ngaku rimoi, ma ḏo-ḏogumu ngomi ma siajele re masijumu pasala ḏua ra ngini mangale ma duhu sa'olo ninga 'ahu balasu mete'e Ma Jou Yesus 'ai mau, la taninga 'ahu 'i sisanangi Ma Jou'ongu Madutu 'ai 'akala re sinyingara. Ngomi ma waro, ngini rena si'a'a mada'a nange-ne sababu ngene wo marimoi ra Ma Jou Yesus, ngomi mi golo'o mode-mode'e ngini lebe cufala i'a ḏi'i.
Na'u si'elingi tau-taunu ngowa'a ngaku Yesus tani jama'ata-jama'ata mangale ananga balasu 'aḏi 'isene manga nagara ma sae'e re manga bi-biri'i—bi-biri'i. Ananga balasu ya mete'e manga bi-biri'i re manga nagara ma sae'e manga pamarenta re manga 'akala re sinyingara 'i ḏu-ḏuanga ḏua di'a 'a'a 'ori i'a ma la-la.
Sababu Henok 'ai ngo-ngaku, unanga 'o sengene ua. Siḏibo ḏi'i Ma Jou'ongu Madutu 'u tede re 'u gasa ra Unanga masiretene. Matengo i'a mai ua sanga unanga sababu Ma Jou'ongu Madutu ro tede unanga toma soroga. Toma Boku 'Ofi-'Ofi 'i silefo so'o ne: Wakutu Ma Jou'ongu Madutu 'o tede Henok toma soroga nyangu, unanga ro sisanangi Ma Jou'ongu Madutu.
Dadi ngoi to golo'o ra Ma Jou'ongu Madutu ga'a 'O dame ma cimi ga'a 'O siti-tiai ngini reo 'ori i'a mo-moini ma la-la ga'a ngini paralu di'a na si'a'a Unanga 'ai 'akala ma mau. Ngoi ḏi'i to golo'o mangale sababu Yesus Kristus nanga lese to golona, Ma Jou'ongu Madutu 'o munara tananga 'akala re sinyingara 'oru ḇato 'i sisanangi Tai momina. Ino ngene wo puji re silamo'o Yesus Kristus kasingado-ngadolo i'a. 'Amin.
Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.
Sanasan