'Ibrani 9:7 - Jaji ma Su-sungi

⁷ Mada'a pa'i 'imam 'agung ḇato 'o osama toma Kamara Lai 'Ofi-'Ofi. Unanga gena-ge 'o osama toma ngi'i gena-ge musungu rimoi pa'i soi moi ḇato. Re wakutu unanga 'o osama balasu 'o gasa ngaunu sa'olo jou-jou ra Ma Jou'ongu Madutu di'a 'ai diri masiretene ma ḏosa re ḏi'i di'a ngowa'a manga ḏosa ga'a ya 'a'a toma masiwaro ua ma dara.

'Ibrani 9:7 Iomraidhean Croise

Efesus 4:18

Ananga gena-ge manga fikirana 'i hafu-hafu re manga 'akala re sinyingara lai te'e. Sababu gena-ge, ananga ya nana'o ceka'a i'a mai ua mangale Ma Jou'ongu Madutu, re ḏi'i ananga ya dawongo ua 'ahu ga'a Ma Jou'ongu Madutu nyengara 'o pula'a ra ananga.

'Ibrani 10:3

Mada'a so'o gena-ge ua! Musungu rimoi-musungu rimoi manga jou-jou ya si'elingi ie tau-taunu mangale ananga ngowa'a baraḏosa!

'Ibrani 6:19

Ngene nanga ngo-nganono gena-ge ma tero sa'olo kapala ma tapu 'i otomo lai ngido toma ngoloto, la nanga ngo-ngaku 'i elala ua. Dadi sababu ngo-nganono lai te'e, enanga ma tero sa'olo ngene wo osama toma soroga ḏua. Gena-ge ma tero sa'olo nanga 'Imam 'Agung ga'a ro palisi ngalana ma da-daku kole-kole ro osama toma Kamara Lai 'Ofi-'Ofi.

'Ibrani 7:27

Unanga 'ai munara 'i mata-rapu reo 'imam-'imam 'agung lelegu ga'a wange moi-wange moi balasu 'aḏi gasa jou-jou sisiḏa di'a manga ḏosa-ḏosa masiretene, kara di'a ngowa'a kawasa manga ḏosa. Mada'a Yesus 'o gasa jou-jou pa'i soi moi ḇato di'a kasingado-ngadolo i'a, wakutu Unanga sipula'a 'Ai diri sa'olo jou-jou di'a nanga ḏosa.

'Ibrani 9:3

Toma kamara gena-ge ma dara, enanga ma ḏe-ḏegoro ngalana ma da-daku. Toma ngalana ma da-daku ma ḏuḏunu gena-ge rema kamara lelegu ga'a 'i si'aro'o Kamara Lai 'Ofi-'Ofi.