'Ibrani 9:5 - Jaji ma Su-sungi

⁵ Toma burua gena-ge ma re'u 'age rema dulada kerub romoḏiḏi rema kalatu'u, gena-ge ma ngale: Ma Jou'ongu Madutu 'ai mulia. Dulada kerub romoḏiḏi gena-ge ma kalatu'u ya sese ma tero sa'olo 'i soloro. Burua gena-ge ma da-damunu, gena-ge ma ngi'i di'a singi-ngiranga ngowa'a manga ḏosa. Mada'a mo-moini gena-ge ngene wo sitarangi ua toma 'orasa nange-ne.

'Ibrani 9:5 Iomraidhean Croise

Roma 9:4

Ananga gena-ge 'a Israel 'ai ju'uda. Ma Jou'ongu Madutu ya'u cumutu ḏua ananga 'aḏi dadi Unanga 'ai ngowa-ngowa'a, re ya'u sijumu 'Ai kuasa ra ananga. Unanga 'o si'a'a 'Ai jaji ra ananga re Musa 'ai hukumu Unanga ya'u pula'a ḏi'i. Ma Jou'ongu Madutu ya'u sidoto'o ma duhu sa'olo mangale silamo'o re siḏubuso Unanga, re ya'u sijaji 'ori i'a ma repe.

Efesus 3:10

Toma 'orasa nange-ne, Ma Jou'ongu Madutu 'ai maksudu gena-ge di'a 'A sijumu ma duhu lai repe mangale 'ai 'akala ma soro'unu toma roh-roh ma jira, ga'a 'i kuasa toma ngawa-ngawa. Dadi enanga gena-ge nyengara 'i oḏi'i 'oru ga'a Ma Jou'ongu Madutu ra si'a'a tai jama'ata.

'Ibrani 4:16

Sababu gena-ge, ino ngene renanga mojongo awa wo talaḏi Ma Jou'ongu Madutu ga'a 'O parenta re sijumu 'Ai mura re dadalara ra ngene. Unanga gena-ge 'a sijumu 'Ai 'akala re sinyingara ma la-la re pula'a 'Ai mura re dadalara ra ngene, la ngene wo sanga ri-riono pasi-pasi enanga ma 'orasa.

1 Petrus 1:12

Ma Jou'ongu Madutu ro sijumu toma nabi-nabi mangale salamata ra Kristus gena-ge di'a ananga toma 'orasa gena-ge ua, mada'a di'a ngini 'orasa nange-ne. Sababu gena-ge Ma Jou'ongu Madutu 'o siḏingoto Ma Ngagara 'Ofi-'Ofi da'u soroga tala di'a sinyanyasele ngowa-ngowa'a ga'a singadolo Habari Roanga ra ngini mangale salamata ra Kristus, la ngini ni sanga salamata. Mala'ekata-mala'ekata mai ya nyafusu ḏi'i mau ya sahe mangale salamata ra Kristus gena-ge.