'Ibrani 9:26 - Jaji ma Su-sungi

²⁶ Na'o Kristus ro mete'e 'imam 'agung gena-ge manga munara, ma musungu ma jelele i'a Unanga 'o basono sangisara, ma mulaingi toma 'orasa dungia 'i dadi singadolo nange-ne! Mada'a nange-ne, 'orasa nena-ne ga'a 'i co-cori toma kiamata ma 'orasa, Unanga 'o sapolo pa'i soi moi ḇato di'a 'a singi-ngiranga ngene nanga ḏosa Rai lese masiretene ga'a 'i dadi jou-jou.

'Ibrani 9:26 Iomraidhean Croise

Matias 13:39

Re lawana ga'a siare gisisi 'usumu gena-ge 'Iblisi. 'Orasa 'utu'u gena-ge Kiamata ma Wangere, re ngowa'a gu-gutu'u gena-ge mala'ekata-mala'ekata.

Matias 13:40

Dadi 'usumu ya lomu kara ya tau'u toma u'u. So'o gena ḏi'i toma Kiamata ma Wangere enanga ḏua 'i dadi so'o gena.

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Yohanes 1:29

Ma ḇiḇini ino Yohanes 'o oḏi'i 'a Yesus 'o sapolo ra unanga. Ḏua Yohanes 'o kanau, “Oḏi'i Unanga nena-ne Ma Jou'ongu Madutu 'ai Doba ma Ngowa, ga'a 'O singi-ngiranga manusia manga ḏosa!

Yohanes 17:24

Baba, Ngoi to mau ngowa'a ga'a Baba reno pula'a ra Ngoi, ananga 'aḏi mamete'e ra Ngoi toma ngi'i ga'a Ngoi 'age, la ananga ya oḏi'i 'Ari mulia. Mulia gena-ge ga'a Baba reno pula'a ḏua ra Ngoi, sababu Baba no dadalara Ngoi wakutu dungia 'i dadi nyangu.

1 Korintus 10:11

Mo-moini gena-ge 'i dadi ḏua toma ngowa'a Israel sa'olo nana'o rimoi re ḏi'i ya silefo di'a si'elingi ngene, ga'a nange-ne wo 'ahu toma 'orasa ma ḏo-ḏogumu.

Galatia 4:1

Mangale gena-ge, ino ngoi ta sitarangi ra ngini: Kalaha matengo ga'a 'o warisi ma jengeta'a re dadi unanga warisi ma gu-gu'u, unanga 'o gu'u haku yoḏu'u na'o unanga 'o ngowa 'olo moju. Sababu gena-ge, unanga ma tero sa'olo budaka ḇato sababu unanga 'ai kuasa cua moju.

Efesus 1:10

Ma Jou'ongu Madutu, Unanga 'ai maksudu so'o ne: Ma 'orasa 'i ngadolo ḏua mete'e Unanga 'ai mau, 'ori i'a mo-moini, bae toma dungia bae toma soroga, ḏuanga i'a mo-moini gena-ge 'i marimoi ra Kristus re Unanga 'a parenta.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

Titus 2:14

Yesus Kristus 'a sipula'a 'ai 'ahu 'i dadi jou-jou di'a ngene, la 'O siwoi'i ngene toma kuasa ma jira re 'O si'ofi tananga ḏosa-ḏosa, la sidadi ngene wo dadi Unanga 'ai 'umata ga'a wo cufala madaga'a 'ori i'a ma la-la.

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 10:10

Yesus Kristus ra siḏagi Ma Jou'ongu Madutu 'ai 'akala ma mau. Dadi pa'i soi moi ḇato Unanga 'a sidoa'a 'Ai lese masiretene sa'olo jou-jou di'a ngene. Sababu gena-ge, Ma Jou'ongu Madutu 'o siwola i'a ngene sa'olo dadi 'Ai ngowa'a 'ofi-'ofi kasingado-ngadolo i'a.

'Ibrani 10:12

Siḏibo ḏi'i, Kristus 'o pula'a 'ai jou-jou pa'i soi moi ḇato sababu enanga ri singi-ngiranga ḏosa. Togumu i'a, Unanga gena-ge tegoro ra Ma Jou'ongu Madutu 'ai giama ma kuwiḏa i'a.

'Ibrani 10:26

Sababu na'o ngene rewo waro habari ga'a ba-banari ra Ma Jou'ongu Madutu tala, mada'a ngene wo sangaja wo 'a'a ḏosa tau-taunu, jou-jou 'i cua ḏua di'a singi-ngiranga nanga ḏosa,

'Ibrani 10:4

Sababu sapi ma ngaunu re 'abingi ma nau'u ma ngaunu 'i singi-ngiranga ngowa'a manga ḏosa yoḏu'u.

'Ibrani 4:3

Mada'a ngene ga'a rewo ngaku, ngene wa dawongo ngomasa ga'a Ma Jou'ongu Madutu 'o sijaji pasala ḏua. Gena-ge 'i ma tero sa'olo ga'a Ma Jou'ongu Madutu 'o kanau, “Ngoi to porata re ta'u sisasi mangale ta'u simaha ua 'aḏi osama toma ngi'i di'a 'aḏi mangomasa mamete'e ra Ngoi.” Kalaha Ma Jou'ongu Madutu 'ai munara ri ḏuanga wakutu Unanga 'o sidadi diwanga re dungia nena-ne, Unanga 'o kanau so'o gena-ge.

'Ibrani 7:27

Unanga 'ai munara 'i mata-rapu reo 'imam-'imam 'agung lelegu ga'a wange moi-wange moi balasu 'aḏi gasa jou-jou sisiḏa di'a manga ḏosa-ḏosa masiretene, kara di'a ngowa'a kawasa manga ḏosa. Mada'a Yesus 'o gasa jou-jou pa'i soi moi ḇato di'a kasingado-ngadolo i'a, wakutu Unanga sipula'a 'Ai diri sa'olo jou-jou di'a nanga ḏosa.

'Ibrani 9:12

Wakutu Kristus 'o osama toma Kamara Lai 'Ofi-'Ofi toma soroga Unanga 'o mete'e ua Yahudi manga 'imam 'agung manga 'atoranga. Pa'i ananga nga'unu osama Kamara Lai 'Ofi-'Ofi ḇato sababu 'aḏi gasa 'abingi ma ngaunu bolo sapi ra-ramasa ie ma ngaunu sa'olo manga jou-jou. Mada'a Kristus nga'unu 'o osama toma Kamara Lai 'Ofi-'Ofi 'O talaḏi ra Ma Jou'ongu Madutu sababu pa'i Unanga 'ai ngaunu masiretene ḇato. Unanga 'o osama pa'i soi moi ḇato sababu 'Ai ngaunu ri situusu ngene kasingado-ngadolo i'a.

'Ibrani 9:14

Na'o ngaunu re 'omanga gena-ge nga'unu 'i sigofi ngowa'a manga lese, Kristus 'ai ngaunu ma kuasa lebe lamo'o i'a: Unanga 'ai ngaunu nga'unu sigofi nanga 'akala re sinyingara ma kanau ga'a 'i faja moju sababu ngene wo mete'e 'agama ma 'atoranga ga'a ma faeda 'i cua, la ngene nga'unu wo silamo'o re siḏubuso Ma Jou'ongu Madutu ga'a 'O 'ahu-'ahu. Kristus nga'unu 'o sidoa'a 'ai lese ga'a kama ḏosa ua ra Ma Jou'ongu Madutu, sababu ri-riono toma Ngagara 'Ofi-'Ofi ga'a 'ahu kasingado-ngadolo i'a.

1 Petrus 1:20

Wakutu dungia ne 'i dadi nyangu, Ma Jou'ongu Madutu 'o cumutu Kristus di'a 'O sibebasa ngini. Mada'a Unanga ro sapolo toma 'orasa nena-ne wakutu Kiamata ma Wangere sa'i ri ngadolo.

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.

1 Petrus 3:18

Sababu kalaha Kristus kai ḏosa ua, Unanga ro basono sangisara. Unanga ro basono sengene soi moi di'a 'a doiti manusia nanga ḏosa. Unanga 'a si'a'a so'o gena, la ngene manusia nyengara wo marimoi ra Ma Jou'ongu Madutu. Manusia wo sisengene Unanga pa'i 'ai lese ḇato, mada'a sababu Ma Ngagara 'Ofi-'Ofi ma kuasa, Ma Jou'ongu Madutu dadunu 'o si'ahu Unanga moju.

1 Petrus 4:7

'Orasa dungia ma ḏo-ḏogumu sa'i ri ngadolo. Sababu gena-ge, ni siogoro tala ninga 'akala re sinyingara re ni ma'istiari, la ngini nga'unu manyiata ra Unanga reninga 'akala bo-boloto.

1 Yohanes 3:5

Ngini na waro Kristus masiretene kai ḏosa ua, re Unanga 'o sapolo toma dungia di'a 'a singi-ngiranga manusia manga ḏosa.

1 Yohanes 3:8

Mada'a ngowa'a ga'a 'a'a ḏosa tau-taunu, ananga gena-ge 'Iblisi ma ngowa-ngowa'a. Sababu ma mulaingi i'a, 'Iblisi 'i baraḏosa ḏua. Ma sababu gena-ge, Ma Jou'ongu Madutu 'ai Ngowa'a Nau'u 'o sapolo toma dungia nena-ne di'a 'a siwejere 'Iblisi ma munara.

Tingoýi 13:8

Haiwani gena-ge, ngowa'a mo-moini toma dungia sitabi donga ḏuanga i'a ya silamo'o re siḏubuso ḏuga-ḏuga ananga ga'a manga lomanga 'i silefo ḏua toma ngowa'a 'ahu-'ahu manga boku wakutu dungia 'i sidadi nyangu. Boku gena-ge Doba ma Ngowa ma boku, Doba ma Ngowa ga'a ya tola'a ḏua.

Tingoýi 17:8

'Ua re 'au wali, haiwani gena-ge 'i 'ahu, mada'a 'orasa nange-ne 'i sengene ḏua. Ngasamoi moju, enanga 'i supu toma ngabanga maut, kara Kristus 'a siwejere. Ngowa-ngowa'a toma dungia ga'a manga lomanga 'i silefo ua toma ngowa'a 'ahu-'ahu manga boku wakutu dungia 'i sidadi nyangu, ḏuanga i'a 'aḏi heranga na'o ya oḏi'i haiwani gena-ge. Sababu kalaha haiwani gena-ge 'ua re 'au wali 'i 'ahu re 'orasa nange-ne 'i sengene ḏua, enanga dadunu 'i baolo moju.