'Ibrani 9:19 - Jaji ma Su-sungi

¹⁹ Dadi wakutu 'a Musa 'o singadolo Ma Jou'ongu Madutu 'ai parenta mo-moini toma bangsa Israel togumu i'a unanga 'o 'oro sapi ma ngowa ma ngaunu re 'abingi ma nau'u ma ngaunu, kara 'a sicapuru reo ḇanyo. Togumu gena-ge, unanga 'o 'oro rurubu-rurubu hisop ga'a 'i piri'u reo doba ma gogo ko-kolili, kara 'a tono toma ngaunu gena-ge ga'a ra capuru reo ḇanyo, kara 'a siji-jiri toma ngowa'a Israel re ḏi'i kartasi lo-lolo ga'a ri silefo hukumu ra Ma Jou'ongu Madutu tala.

'Ibrani 9:19 Iomraidhean Croise

Matias 27:28

Ananga ya woi'i Unanga 'ai baju re 'U sipake Unanga reo juba 'ungu.

Markus 15:17

Togumu i'a, ananga mulaingi 'aḏi je-jengere 'a Yesus. Ananga 'U sipake Yesus reo juba 'ungu, kara 'aḏi 'oro ate ma umanga rema dodowo'o ya tuhu sa'olo lastari kara ya siteru ra Yesus 'ai sae'e, Unanga gena-ge sa'olo 'o 'Olana.

Markus 15:20

Wakutu ananga 'aḏi je-jengere 'a Yesus togumu i'a, ananga ya woi'i 'ai juba 'ungu nange-ge kara ya singali i'a 'Ai baju masiretene. Ḏua ananga 'aḏi sisupu Unanga ra Pilatus 'ai kadato re 'aḏi gasa toma ngi'i di'a 'U sisalib.

Yohanes 19:2

Re sordado gena-ge 'aḏi 'a'a lastari reo ate ma umanga ga'a dodowo'o, kara ya sigare ra Yesus 'ai sae'e. Gena ḏua, ananga 'U sipake juba ungu.

Yohanes 19:5

Gena ḏua, Yesus 'o supu 'o pake Tai sae'e rema lastari dodowo'o re 'U sipake juba 'ungu. Pilatus 'o kanau i'a toma ngowa'a Yahudi manga repe, “Ni oḏi'i Unanga nena-ne!”

'Ibrani 1:1

'Ua re 'au wali moju Ma Jou'ongu Madutu 'o pake nabi-nabi di'a 'O kanau ra ngene nanga ete re dotumu. Soi rai o'o i'a, Unanga 'o kanau toma nabi-nabi 'O pake ma duhu ma fara muḏuo i'a.

'Ibrani 10:22

Sababu gena-ge ino ngene wo maco-cori ra Ma Jou'ongu Madutu renanga 'akala re sinyingara ma dara bo-boloto re nanga ngo-ngaku mode-mode'e. Gena-ge 'i nyengara sababu nanga 'akala re sinyingara ri si'ofi Rai ngaunu dadi ngene wo basono nanga sala riwara re nanga lese mai ri sigofi reo ḇanyo na'o wo sanga baptis.

'Ibrani 10:4

Sababu sapi ma ngaunu re 'abingi ma nau'u ma ngaunu 'i singi-ngiranga ngowa'a manga ḏosa yoḏu'u.

'Ibrani 12:24

Ngini ni sapolo talaḏi ra Yesus ga'a 'o dadi lese to golona di'a jaji ma su-sungi. Unanga gena-ge 'ai ngaunu lebe rousu rea Habel 'ai ngaunu. Sababu wakutu Yesus 'ai ngaunu 'i pa'ala, Ma Jou'ongu Madutu 'o singi-ngiranga ninga ḏosa. Mada'a wakutu Habel 'ai ngaunu 'i pa'ala, Ma Jou'ongu Madutu 'o sihukumu 'a Kain.

'Ibrani 9:12

Wakutu Kristus 'o osama toma Kamara Lai 'Ofi-'Ofi toma soroga Unanga 'o mete'e ua Yahudi manga 'imam 'agung manga 'atoranga. Pa'i ananga nga'unu osama Kamara Lai 'Ofi-'Ofi ḇato sababu 'aḏi gasa 'abingi ma ngaunu bolo sapi ra-ramasa ie ma ngaunu sa'olo manga jou-jou. Mada'a Kristus nga'unu 'o osama toma Kamara Lai 'Ofi-'Ofi 'O talaḏi ra Ma Jou'ongu Madutu sababu pa'i Unanga 'ai ngaunu masiretene ḇato. Unanga 'o osama pa'i soi moi ḇato sababu 'Ai ngaunu ri situusu ngene kasingado-ngadolo i'a.

'Ibrani 9:13

'Abingi ma ngaunu bolo sapi ma nau'u ma ngaunu, bolo sapi ma were'a ra-ramasa ie ma 'omanga ga'a ngowa'a raḏi tau'u re sicapuru reo ḇanyo, 'imam-'imam ya siji-jiri enanga gena-ge toma ngowa'a di'a sigofi ananga manga lese, la ananga gena-ge nyengara 'aḏi silamo'o re siḏubuso Ma Jou'ongu Madutu moju.

'Ibrani 9:18

Sababu gena-ge jaji ma siḏa mai balasu si'aku sah reo ngaunu.