'Ibrani 8:13 - Jaji ma Su-sungi

¹³ Sababu Ma Jou'ongu Madutu 'o kanau mangale jaji gena-ge “su-sungi,” Unanga ro 'a'a jaji ma siḏa ri pake riwara. Re 'ori i'a ga'a ri siḏa, ti'ara ua 'i iranga.

'Ibrani 8:13 Iomraidhean Croise

Matias 24:35

Diwanga re dungia ḏuanga i'a 'i iranga, mada'a Ngoi 'ari demo-demo 'i iranga ua kasingado-ngadolo i'a.”

Lukas 22:20

So'o gena ḏi'i ya oromo gena-ge togumu i'a, Yesus 'a tede sawo'o 'anggur gena-ge re 'O kanau, “Sawo'o ma dara rema 'anggur nena-ne, gena-ge Ma Jou'ongu Madutu 'ai jaji ma su-sungi ga'a sitotomo Rari ngaunu. Ḏuanga i'a, ngaunu gena-ge 'i pa'ala di'a ngini.

1 Korintus 13:8

Dadalara kama ḏo-ḏogumu ua. Mada'a cocatu mo-moini ra Ma Jou'ongu Madutu ino bae kuasa di'a siajele habari da'u ra Ma Jou'ongu Madutu tala, ḏuanga i'a 'A sitogumu; bae kuasa di'a kanau pake Ma Ngagara 'Ofi-'Ofi ma demo, ḏuanga i'a 'I sitogumu; bae kuasa di'a singadolo wo-waro ra Ma Jou'ongu Madutu, ḏuanga i'a 'i togumu ḏi'i.

2 Korintus 3:6

Unanga gena-ge 'o si'a'a ngomi nga'unu mi dadi 'Ai falalomu-falalomu toma jaji ma su-sungi. Jaji gena-ge toma Ngagara 'Ofi-'Ofi ino, toma hukumu ua ga'a manusia ya lefo toma boku. Sababu 'oru ga'a silefo toma boku 'i sigasa ngowa'a toma sengene, mada'a jaji toma Ngagara 'Ofi-'Ofi ino, 'i sigasa ngowa'a toma 'ahu.

2 Korintus 5:17

Sababu gena-ge, na'o 'age rema ngowa'a ga'a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi.

'Ibrani 1:11

Mo-moini gena-ge enanga 'i iranga, 'i 'acingi ma tero sa'olo pakeanga ri siḏa, mada'a Ngana kama soi re ngali ua.

'Ibrani 12:24

Ngini ni sapolo talaḏi ra Yesus ga'a 'o dadi lese to golona di'a jaji ma su-sungi. Unanga gena-ge 'ai ngaunu lebe rousu rea Habel 'ai ngaunu. Sababu wakutu Yesus 'ai ngaunu 'i pa'ala, Ma Jou'ongu Madutu 'o singi-ngiranga ninga ḏosa. Mada'a wakutu Habel 'ai ngaunu 'i pa'ala, Ma Jou'ongu Madutu 'o sihukumu 'a Kain.

'Ibrani 7:22

Sababu sasi gena-ge, Yesus ro dadi ngene nanga ngo-nganono mode-mode'e mangale jaji ma su-sungi ḏuanga i'a 'i sitotomo. Re jaji gena-ge lebe rousu reo jaji ma siḏa.

'Ibrani 8:6

Mada'a nange-ne Yesus 'ai munara lebe mulia reo 'imam-'imam gena-ge manga munara. Sababu Yesus 'o dadi lese to golona di'a jaji ma su-sungi ga'a lebe mulia reo jaji ma siḏa. Re Sababu wakutu Ma Jou'ongu Madutu 'o pula'a jaji ma su-sungi gena-ge, Unanga 'o sijaji 'ori i'a lebe mulia di'a ngene reo 'ori i'a toma jaji ma siḏa.

'Ibrani 8:8

Mada'a Ma Jou'ongu Madutu 'a sanga 'Ai 'umata manga ta-sala singadolo 'O kanau, “ 'Eli-'elingi! Ma 'orasa ḏuanga i'a 'i ngadolo wakutu Ngoi to 'a'a jaji ma su-sungi toma bangsa Israel re bangsa Yehuda.

'Ibrani 9:15

Ma sababu gena-ge Kristus 'o dadi lese to golona di'a Ma Jou'ongu Madutu 'ai jaji ma su-sungi, la ngowa'a ga'a Ma Jou'ongu Madutu ro 'aro'o, ananga gena-ge nyengara 'aḏi dawongo barakati-barakati kasingado-ngadolo i'a ga'a Unanga 'o sijaji pasala ḏua di'a 'Ai 'umata. Mo-moini gena-ge ri dadi sababu Kristus 'ai se-sengene ri dadi du-duusu di'a sibebasa ngowa'a tamanga ḏosa sababu ananga 'aḏi mete'e 'atoranga ti-tiai ua ra Ma Jou'ongu Madutu 'ai jaji ma siḏa.