'Ibrani 7:9 - Jaji ma Su-sungi

⁹ Sidogo ḏi'i, ngene nyengara wo kanau wakutu Abraham 'o pula'a balangu nyagi moi ra Melkisedek, 'a Lewi re 'ai ju'uda, mo-moini ga'a raḏi sanga ma balangu moi toma balangu nyagi moi toma ngowa'a Israel, ananga gena-ge ḏi'i 'aḏi pula'a manga ma balangu moi toma balangu nyagi moi ḏi'i ra Melkisedek.

'Ibrani 7:9 Iomraidhean Croise

Matias 7:8

Sababu 'a guna ḇato ga'a 'o golo'o, ḏuanga i'a 'o dawongo. 'A guna ḇato ga'a 'o disa, ḏuanga i'a 'o sanga. Re 'a guna ḇato ga'a 'o tolo'o ngalana, ḏuanga i'a ya welanga.

Roma 5:12

Sababu gena-ge ma tero sa'olo ḏosa 'i osama toma dungia sababu Adam 'ai ḏosa re dadi sababu pa'i ngowa'a gena-ge 'ai ḏosa ḇato, ngowa'a 'aḏi basono sengene. So'o gena-ge ḏi'i ngowa'a mo-moini toma dungia 'aḏi basono sengene, sababu ananga mo-moini gena-ge 'aḏi baraḏosa.

'Ibrani 7:10

Sababu kalaha sibuoro 'a Lewi nyangu wakutu 'a Abraham ma'u sanga ra Melkisedek, ma tero ḇato sa'olo 'a Lewi unanga gena-ge ḏua, sababu unanga Abraham 'ai ju'uda. Sababu gena-ge ngene nyengara wo kanau unanga ra Abraham 'ai lese ma dara moju.

'Ibrani 7:4

Dadi ngene nga'unu wa sahe mangale 'a Melkisedek, unanga gena-ge ngowa'a la-lamo'o. Sababu kalaha Abraham ngowa'a Yahudi mo-moini manga ḇaḇa, Unanga 'o pula'a ma balangu moi toma balangu nyagi moi ra Melkisedek 'oru ga'a unanga 'a sanga toma parangi ma dara.

'Ibrani 7:8

'Imam-'imam ga'a 'aḏi sanga ma balangu moi toma balangu nyagi moi, ananga gena-ge manusia biasa ga'a ḏuanga i'a 'aḏi sengene. Kalaha Melkisedek ma tero sa'olo 'imam 'o sanga ma balangu moi toma balangu nyagi moi ra Abraham, 'age toma Boku 'Ofi-'Ofi ma dara 'i silefo ua mangale Melkisedek 'ai se-sengene. Dadi unanga gena-ge 'o 'ahu-'ahu moju.