'Ibrani 7:6 - Jaji ma Su-sungi

⁶ Melkisedek ra Lewi 'ai ju'uda ua, mada'a unanga 'o sanga ma balangu moi toma balangu nyagi moi moju ra Abraham wakutu 'a Abraham 'o maḏibo toma parangi. Re unanga ḏi'i 'o sibarakati 'a Abraham, ga'a Ma Jou'ongu Madutu 'u pula'a 'Ai jaji ḏua.

'Ibrani 7:6 Iomraidhean Croise

Yesus 'ai so-soma'a 3:25

Nabi-nabi gena-ge ya siajele pasala ḏua mangale Ma Jou'ongu Madutu 'ai jaji ra Abraham, ninga ete re dotumu, ma betongo so'o ne: ‘Ngoi ta sibarakati ngowa'a mo-moini toma dungia sitabi donga ra Matengo tani ju'uda tala.’ Jaji gena-ge di'a ngini ḏi'i.

Roma 4:13

Ma Jou'ongu Madutu ro sijaji ra Abraham re unanga 'ai ju'uda rohani ḏi'i, mangale ḏuanga i'a dungia nena-ne 'i dadi ananga gena-ge manga harata. I'a sa'olo Ma Jou'ongu Madutu 'o sijaji so'o gena-ge ra Abraham?! Sababu unanga 'o mete'e Musa 'ai hukumu?! Ua! Sababu pa'i 'a Abraham 'o ngaku Ma Jou'ongu Madutu ḇato. Dadi Ma Jou'ongu Madutu 'o dawongo unanga sa'olo ngowa'a loasa re banari.

Roma 9:4

Ananga gena-ge 'a Israel 'ai ju'uda. Ma Jou'ongu Madutu ya'u cumutu ḏua ananga 'aḏi dadi Unanga 'ai ngowa-ngowa'a, re ya'u sijumu 'Ai kuasa ra ananga. Unanga 'o si'a'a 'Ai jaji ra ananga re Musa 'ai hukumu Unanga ya'u pula'a ḏi'i. Ma Jou'ongu Madutu ya'u sidoto'o ma duhu sa'olo mangale silamo'o re siḏubuso Unanga, re ya'u sijaji 'ori i'a ma repe.

Galatia 3:16

Ma Jou'ongu Madutu 'ai jaji, Unanga masiretene madiga'a di'a Abraham re unanga 'ai ju'uda matengo. Toma Boku 'Ofi-'Ofi 'i silefo ua mangale Unanga 'ai jaji di'a “ 'A Abraham 'ai ju'uda-ju'uda” gena-ge ma ngale: di'a ngowa'a repe. Mada'a jaji gena-ge ri silefo ḏua di'a pa'i “ju'uda matengo” ḇato: gena-ge Kristus.

'Ibrani 11:13

Ananga gena-ge mo-moini 'aḏi ngaku tau-taunu singadolo 'aḏi sengene. Ananga 'aḏi dawongo nyangu 'oru ga'a Ma Jou'ongu Madutu ro sijaji di'a ananga; mada'a enanga 'i ma tero sa'olo ya oḏi'i toma giḏanga re 'aḏi maroanga. Dadi ananga 'aḏi makanau ananga masiretene ma tero sa'olo ngowa'a tagi-tagi ino re ananga 'aḏi tegoro nena re si'a ua toma dungia nena-ne.

'Ibrani 11:17

Sababu Abraham 'ai ngo-ngaku, unanga gena-ge 'o ḏu-ḏuanga ḏua di'a sidoa'a 'a Isak sa'olo 'ai jou-jou wakutu sanga tai'i ra Ma Jou'ongu Madutu. Kalaha Unanga ro sijaji ra Abraham so'o ne: “Pa'i 'ani ngowa'a nau'u matengo ḇato Isak unanga ḏuanga i'a sanga ju'uda ma repe,” Abraham 'o ḏu-ḏuanga ḏua di'a sidoa'a Isak sa'olo jou-jou.

'Ibrani 7:1

'Ua re 'au wali Melkisedek, unanga 'o dadi 'olana toma Salem re 'o dadi ḏi'i 'imam ra Ma Jou'ongu Madutu toma Gau'u. Wakutu 'a Abraham ro sita'aloko 'olana-'olana toma parangi, Unanga 'o maḏibo re Melkisedek 'o sapolo ma'u sanga, kara 'o sibarakati Abraham.

'Ibrani 7:7

Tantu ḏua, ngowa'a matengo ga'a sibarakati, unanga gena-ge lebe la-lamo'o reo ngowa'a matengo ga'a sanga barakati.