'Ibrani 7:26 - Jaji ma Su-sungi

²⁶ Dadi ngene wo paralu Yesus gena-ge sa'olo nanga 'Imam 'Agung. Unanga ngowa'a 'ofi-'ofi, kai sala re ḏosa ua. Ma Jou'ongu Madutu 'o siwola i'a Unanga toma ngowa-ngowa'a baraḏosa, re Unanga ro pere singadolo ma ngi'i ga'a lebe kau'u reo diwanga ma gau'u.

'Ibrani 7:26 Iomraidhean Croise

Matias 27:18

Pilatus 'o kanau so'o gena, sababu unanga 'a waro ḏua 'imam-'imam ma sae'e re Yahudi manga bi-biri'i, ananga 'aḏi sipula'a Yesus ra unanga sababu manga 'akala re sinyingara 'i go-goḏi.

Markus 16:19

Wakutu Yesus 'o kanau ra ananga togumu i'a, Ma Jou'ongu Madutu 'U sibere da'u toma soroga. Da'a, Unanga 'o parenta ma'u mete'e re Ma Jou'ongu Madutu.

Lukas 1:35

Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

Lukas 23:22

Ma soi ro'ange 'a Pilatus 'o kanau ra ananga, “Unanga 'ai sala 'oru? Ngoi ta sanga Unanga 'ai sala rimoi i'a mai ua! Dadi Unanga nena-ne patasa ua di'a Ngoi to singe-ngeta'a hukumu sengene. Sababu gena-ge, ngasamoi ngoi to soma'a sordado 'aḏi ca'olo Unanga kara to sieanga.”

Lukas 23:41

Pa'i ngene nga muḏiḏi ḇato patasa wo sanga hukumu sengene mete'e ngene nanga ga'a. Mada'a Unanga 'ai sala ceka'a i'a mai ua!”

Lukas 23:47

Sordado ma sae'e 'o oḏi'i 'oru ga'a 'i dadi ḏua, unanga 'o puji re silamo'o Ma Jou'ongu Madutu re 'o kanau, “Mode-mode'e Unanga nena-ne ngowa'a loasa re banari!”

Lukas 24:26

Tantu ḏua, 'O Kristus balasu 'a basono ma sangisara kara nga'unu 'o osama Tai mulia.”

Lukas 24:46

Unanga 'o kanau ra ananga, “Toma Boku 'Ofi-'Ofi ma dara 'i silefo mangale 'O Kristus balasu basono sangisara, re sengene re toma wangere ma soi ro'ange Unanga dadunu 'o 'ahu moju.

Yohanes 14:30

Ngoi to kanau repe riwara ra ngini, sababu 'Iblisi ga'a 'i pareta dungia nena-ne, sa'i ri sapolo. Mada'a enanga 'i kuasa yoḏu'u Tari diri.

Yohanes 8:29

Re Unanga ga'a Ro 'utusu Ngoi mamete'e ra Ngoi. Sanga ua, Unanga sieanga i'a Ngoi to matengo, sababu Ngoi ta si'a'a tau-taunu 'oru ga'a sisanangi Unanga 'ai 'akala re sinyingara.”

Yesus 'ai so-soma'a 3:14

Ngini ni dawongo ua Ngowa'a Loasa re Banari re Ngowa'a 'Ofi-'Ofi gena-ge, mada'a ngini ni golo'o 'a Pilatus 'o sibebasa ngowa'a se-sengene ngowa'a.

Yesus 'ai so-soma'a 4:27

'Oru Daud siajele pasala ḏua 'i dadi, sababu Herodes re 'a Pontius Pilatus ya'u lomu ḏua ngowa-ngowa'a Yahudi ua re ngowa-ngowa'a Israel toma limau gena-ge. Ananga 'aḏi ma'u sanga re 'aḏi ma'u rimoi 'aḏi lawana Yesus, 'Ani Falalomu 'Ofi-'Ofi. Unanga gena-ge, Ma Jou'ongu Madutu nu sitantukanga Unanga 'O dadi Mesias.

2 Korintus 5:21

Kristus 'o 'a'a ḏosa ua, mada'a Ma Jou'ongu Madutu 'o 'a'a Unanga 'a doiti ngene nanga ḏosa. Ma Jou'ongu Madutu 'o 'a'a so'o gena, la ngene nyengara marimoi ra Unanga re kananga ḏosa ua ra Unanga 'ai momina.

'Ibrani 1:3

'Ai Ngowa'a Nau'u gena-ge 'A sijumu Ma Jou'ongu Madutu 'ai kuasa re 'Ai kabasarana. Unanga gena-ge 'ai duhu re ngari mo-moini ma tero Ma Jou'ongu Madutu. Unanga 'a pake 'ai demo ma kuasa di'a 'O jaga re 'O parenta mo-moini. Unanga 'o sigofi ngowa'a manga ḏosa togumu i'a, kara 'O tegoro ra Ma Jou'ongu Madutu 'ai giama ma kuwiḏa i'a da'u toma soroga.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 2:10

Ma Jou'ongu Madutu 'o 'a'a 'ori i'a mo-moini toma dungia nena-ne di'a 'Ai maksudu masiretene. Unanga gena-ge ra sitantukanga mangale ngowa'a ma repe 'aḏi dadi 'Ai 'umata re sibalangu 'Ai mulia ra ananga gena-ge. Sababu gena-ge, Yesus ga'a welanga ngo'omo di'a ngene wo sanga salamata, Unanga gena-ge balasu 'o sanga sangisara singadolo 'o sengene, la Unanga nyengara 'o dadi Salamata ma Cimi ga'a 'i ti-tiai.

'Ibrani 2:17

Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

'Ibrani 7:11

Wakutu Ma Jou'ongu Madutu 'o pula'a 'Ai hukumu toma ngowa'a Yahudi, Unanga 'o sitede 'a Lewi re 'ai ju'uda sa'olo 'imam-'imam ga'a 'aḏi sigasa ngowa'a, la ananga gena-ge 'aḏi mete'e 'Ai hukumu. Mada'a 'imam-'imam 'aḏi si'a'a yoḏu'u ngowa'a 'aḏi dadi 'ofi-'ofi. Dadi 'age paralu 'imam lelegu. 'Imam gena-ge ma tero sa'olo 'imam Melkisedek, ra Harun 'ai ju'uda ua.

'Ibrani 8:1

Ioronongoḏu ngo-ngaku rimoi, ngene ma kanau ma cimi so'o ne: Nanga 'Imam 'Agung 'o tegoro ra Ma Jou'ongu Madutu 'ai giama ma kuwiḏa i'a, Unanga gena-ge ga'a 'Ai kuasa ma pari cua, re 'Imam 'Agung gena-ge 'o parenta mamete'e ra Unanga toma soroga.

'Ibrani 9:14

Na'o ngaunu re 'omanga gena-ge nga'unu 'i sigofi ngowa'a manga lese, Kristus 'ai ngaunu ma kuasa lebe lamo'o i'a: Unanga 'ai ngaunu nga'unu sigofi nanga 'akala re sinyingara ma kanau ga'a 'i faja moju sababu ngene wo mete'e 'agama ma 'atoranga ga'a ma faeda 'i cua, la ngene nga'unu wo silamo'o re siḏubuso Ma Jou'ongu Madutu ga'a 'O 'ahu-'ahu. Kristus nga'unu 'o sidoa'a 'ai lese ga'a kama ḏosa ua ra Ma Jou'ongu Madutu, sababu ri-riono toma Ngagara 'Ofi-'Ofi ga'a 'ahu kasingado-ngadolo i'a.

1 Petrus 1:19

Mada'a Kristus 'a fangu rai ngaunu masiretene. Enanga gena-ge lai hali ma pari cua. Unanga gena-ge 'o dadi ma tero sa'olo 'o doba ma ngowa, kama faja ceka'a i'a mai ua, sa'olo jou-jou di'a ngini.

1 Petrus 2:22

Unanga kama 'a'a ḏosa ua re matengo i'a mai ua 'aḏi 'isene Unanga 'o kanau 'Ai demo ma sa-sakala.

1 Petrus 3:22

Yesus Kristus gena-ge ro pere ḏua toma soroga re 'O tegoro ra Ma Jou'ongu Madutu 'Ai giama ma kuwiḏa i'a. Mala'ekata-mala'ekata 'aḏi ta'aloko ra Unanga re ḏi'i 'ori i'a mo-moini ga'a rema kuasa, mo-moini 'i ta'aloko ra Unanga.

1 Yohanes 2:2

Yesus gena-ge 'o dadi nanga du-duusu sababu Unanga 'o sidoa'a 'ai lese sa'olo jou-jou di'a nanga ḏosa-ḏosa. Sababu gena-ge Ma Jou'ongu Madutu nga'unu 'o singi-ngiranga nanga ḏosa-ḏosa. Re pa'i ngene nanga ḏosa ḇato ua, mada'a ngowa'a mo-moini manga ḏosa toma dungia sitabi donga ḏi'i.

1 Yohanes 3:5

Ngini na waro Kristus masiretene kai ḏosa ua, re Unanga 'o sapolo toma dungia di'a 'a singi-ngiranga manusia manga ḏosa.

Tingoýi 3:7

Yesus gena-ge 'o kanau ra ngoi ḏi'i, “Toma jama'ata Filadelfia ma mala'ekata, na lefo so'o ne: Nena-ne habari ra Ngoi ga'a 'Ofi-'Ofi re 'O Banari, re 'Olana Daud 'ai pareta ma kuci ma gu-gu'u. Dadi na'o Ngoi ta welanga, matengo i'a mai ua nga'unu ya kuci. Re na'o Ngoi ta kuci, matengo i'a mai ua nga'unu ya welanga.