'Ibrani 7:24 - Jaji ma Su-sungi

²⁴ Mada'a Yesus 'o 'ahu kasingado-ngadolo i'a, dadi 'Ai munara, sa'olo 'Imam singali yoḏu'u ra guna ḇato.

'Ibrani 7:24 Iomraidhean Croise

Yohanes 12:34

Ngowa'a repe 'aḏi kanau i'a ra Unanga, “Mete'e Musa 'ai hukumu: 'O Kristus 'o 'ahu kasingado-ngadolo i'a. I'a sa'olo Ngana no kanau, ‘Manusia ma Ngowa'a Nau'u balasu sikau'u toma dungia nena-ne’? 'A guna nena-ne ‘Manusia ma Ngowa'a Nau'u’?”

Roma 6:9

Sababu ngene rewa waro mangale Kristus dadunu ro 'ahu moju, dadi 'O sengene riwara; Unanga ro bebasa toma sengene ma kuasa.

Roma 9:5

Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.

'Ibrani 13:8

Yesus Kristus kama ngali ua: bae 'au wali, bae 'orasa nange-ne bolo kasingado-ngadolo i'a.

'Ibrani 7:28

Ngowa'a ga'a 'aḏi dadi 'imam 'agung mete'e Musa 'ai hukumu, ananga gena-ge ngowa'a lamahana ga'a 'aḏi matogumu yoḏu'u 'a'a ḏosa. Mada'a wakutu Musa 'ai hukumu togumu i'a, Ma Jou'ongu Madutu si'a'a jaji ma su-sungi reo sasi mangale ḏuanga i'a Unanga 'o tede 'Ai Ngowa'a Nau'u dadi 'Imam 'Agung. Yesus gena-ge 'Imam 'Agung ti-tiai kasingado-ngadolo i'a ga'a si'a'a ngowa'a dadi 'ofi-'ofi ra Ma Jou'ongu Madutu 'ai momina.

Tingoýi 1:18

Ngoi nena-ne 'ahu ma cimi. Ngoi reto sengene, mada'a dadunu To 'ahu moju re nange-ne To 'ahu kasingado-ngadolo i'a. 'Ari kuasa to ngadolo toma ngowa'a senge-sengene manga ngi'i. Dadi Ngoi nga'unu to si'ahu moju ngowa'a raḏi sengene.