Biblia Todo Logo
Bìoball air-loidhne

- Sanasan -




'Ibrani 7:19 - Jaji ma Su-sungi

19 sababu Musa 'ai hukumu 'i nyengara si'a'a matengo i'a mai ua 'o dadi 'ofi-'ofi. Dadi hukumu gena-ge singali reo ngo'omo su-sungi ga'a 'i pula'a ngo-nganono ra ngene sababu Yesus 'o dadi nanga 'Imam. Sababu gena-ge, ngene nyengara wo maco-cori ra Ma Jou'ongu Madutu.

Faic an caibideil Dèan lethbhreac




'Ibrani 7:19
29 Iomraidhean Croise  

Sababu Ma Jou'ongu Madutu 'ai hukumu, gena-ge ma barakati siḏa ga'a ngene wa dawongo ra Musa. Mada'a Ma Jou'ongu Madutu 'ai ba-banari re 'Ai mura re dadalara, gena-ge ma barakati su-sungi ga'a ngene wa basono tala sababu Yesus Kristus.


Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.


Na'o ngowa'a 'aḏi ngaku Yesus, ananga gena-ge 'aḏi dadi ngowa'a kamanga sala ua ra Ma Jou'ongu Madutu 'ai momina. Mada'a na'o ngowa-ngowa'a 'aḏi mete'e ḏua Ma Jou'ongu Madutu 'ai parenta ga'a 'a Musa 'a siajele taninga ete re dotumu, ngowa'a gena-ge 'aḏi dadi yoḏu'u ngowa'a kamanga sala ua Tai momina.


Re ḏi'i, sababu ngene rewo ngaku Yesus Kristus, ngene wo basono Ma Jou'ongu Madutu 'ai mura re dadalara tananga 'ahu tau-taunu sababu 'oru ga'a Yesus Kristus ro 'a'a di'a ngene. Re ngene wo maroanga, sababu ngene renanga ngo-nganono 'i te'e mangale ḏuanga i'a ngene wo sanga balangu ra Ma Jou'ongu Madutu 'ai mulia.


Na'o so'o gena, ngene wo kanau 'oru?! Musa 'ai hukumu 'i cira sababu enanga gena-ge 'i sigasa ngowa'a di'a ganapu 'a'a ḏosa?! Sanga ua! Siḏibo ḏi'i, hukumu gena-ge ri doto'o mangale ḏosa, la ngoi to nana'o mangale 'ari ḏosa. Si'ade-'ade, na'o Musa 'ai hukumu 'i cua moju, ngoi masiretene to waro ua wakutu to nyafusu ngowa'a lelegu manga harata, gena-ge 'i ḏosa bolo ua. Mada'a 'age parenta toma hukumu gena-ge ma dara so'o ne: “Awa nyafusu ngowa'a lelegu manga harata.” Dadi, ngoi to waro 'ari nyafusu gena-ge, 'i sigasa ngoi toma ḏosa ma dara.


Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.


Kalaha so'o gena, ngomi remi waro mangale na'o ngowa'a 'aḏi mete'e Musa 'ai hukumu ḇato, sanga ua 'aḏi dadi ngowa'a kamanga sala ua ra Ma Jou'ongu Madutu 'ai momina. Siḏibo ḏi'i ngowa'a 'aḏi dadi ngowa'a kamanga sala ua ra Ma Jou'ongu Madutu 'ai momina sababu pa'i 'aḏi ngaku Yesus Kristus ḇato. Ngomi masiretene remi ngaku Yesus Kristus, la ngomi mi dadi ngowa'a kamanga sala ua ra Ma Jou'ongu Madutu 'ai momina. Ngomi mi mete'e ua Musa 'ai hukumu, sababu matengo i'a mai ua nyengara 'o dadi ngowa'a kamanga sala ua ra Ma Jou'ongu Madutu 'ai momina, na'o 'aḏi mete'e Musa 'ai hukumu.


Na'o so'o gena, Musa 'ai hukumu re Ma Jou'ongu Madutu 'ai jaji 'i ma'u sabi ḏuḏunu?! Tantu ḏua ua! Sababu na'o Musa 'ai hukumu nyengara 'i sigasa 'ahu kasingado-ngadolo i'a toma manusia, manusia ḏi'i nyengara 'aḏi dadi ngowa'a loasa re banari, sababu 'aḏi mete'e Musa 'ai hukumu.


Dadi Musa 'ai hukumu ma tero sa'olo ngowa'a 'aḏi jaga-jaga singadolo Kristus 'o sapolo. Ḏua, ngene nyengara wo dadi ngowa'a kamanga sala ua ra Ma Jou'ongu Madutu 'ai momina sababu nanga ngo-ngaku ra Kristus.


Ngene ga'a rewo ngaku Kristus re marimoi ra Unanga ḏua, ngene sanga bebasa di'a wo masebanga ra Ma Jou'ongu Madutu, kananga mojongo ua.


Ma Jou'ongu Madutu mau 'a siwaiti Tai 'umata mangale 'ai rahasia ga'a 'i rousu re mulia gena-ge di'a ngini, ngowa'a Yahudi ua. Rahasia gena-ge Kristus 'o tegoro taninga 'akala re sinyingara ma dara. Dadi ngini ni waro mode-mode'e ḏuanga i'a Ma Jou'ongu Madutu 'o pula'a 'Ai mulia ma balangu ra ngini.


Ngoi, Paulus, to lefo surata nena-ne ra ngana, Timotius, ga'a ma tero ḇato sa'olo ngoi 'ari ngowa'a madutu, sababu ngana re ngoi, ngene rewo ngaku Ma Jou Yesus. Ngoi to dadi Kristus Yesus 'ai so-soma'a mete'e Ma Jou'ongu Madutu 'ai parenta, Unanga ga'a nanga Salamata ma Cimi, re ḏi'i mete'e Yesus Kristus 'ai parenta, Unanga ga'a nanga ngo-nganono. Ngoi to golo'o ra Ma Jou'ongu Madutu nanga Ḇaḇa re Yesus Kristus nanga Jou di'a 'aḏi sijumu 'akala re sinyingara ma la-la re 'aḏi pula'a mura re dadalara re ḏi'i dame ra ngana.


Musa 'ai hukumu pa'i pula'a guḏumingi ḇato 'oru 'ori i'a la-la ga'a enanga ḏuanga i'a 'i dadi. Hukumu gena-ge nga'unu 'i sigasa ua 'ori i'a la-la ga'a Ma Jou'ongu Madutu ra sijaji pasala ḏua. Sababu gena-ge, sanga ua enanga gena-ge nga'unu ya sigofi ngowa'a manga ḏosa wakutu ananga 'aḏi sapolo di'a silamo'o re siḏubuso Ma Jou'ongu Madutu reo jou-jou ga'a ananga ya gasa. Sababu musungu rimoi-musungu rimoi ananga balasu ya si'a'a so'o gena-ge!


Sababu Ma Jou'ongu Madutu ro sitantukanga di'a 'o sidodahe 'ori i'a ga'a lebe rousu di'a ngene: Pa'i ananga gena-ge mamete'e ra ngene ḇato ḏuanga i'a ananga 'aḏi dadi ti-tiai.


Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.


Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.


Sababu gena-ge, ino ngene renanga mojongo awa wo talaḏi Ma Jou'ongu Madutu ga'a 'O parenta re sijumu 'Ai mura re dadalara ra ngene. Unanga gena-ge 'a sijumu 'Ai 'akala re sinyingara ma la-la re pula'a 'Ai mura re dadalara ra ngene, la ngene wo sanga ri-riono pasi-pasi enanga ma 'orasa.


Dadi 'age parkara fara ḏiḏi nena-ne ga'a 'i singali yoḏu'u: Sanga ua Ma Jou'ongu Madutu 'a singali yoḏu'u 'Ai jaji, bolo 'Ai sasi. Sababu gena-ge, ngene wo sanga babata di'a wo macako'o namo-namoto tananga ngo-nganono sababu Ma Jou'ongu Madutu 'Ai jaji ra ngene. Ngene ga'a rewo sapolo ra Ma Jou'ongu Madutu, la Unanga 'o saolo ngene, dadi ngene wo sanga hukumu ua.


Wakutu Ma Jou'ongu Madutu 'o pula'a 'Ai hukumu toma ngowa'a Yahudi, Unanga 'o sitede 'a Lewi re 'ai ju'uda sa'olo 'imam-'imam ga'a 'aḏi sigasa ngowa'a, la ananga gena-ge 'aḏi mete'e 'Ai hukumu. Mada'a 'imam-'imam 'aḏi si'a'a yoḏu'u ngowa'a 'aḏi dadi 'ofi-'ofi. Dadi 'age paralu 'imam lelegu. 'Imam gena-ge ma tero sa'olo 'imam Melkisedek, ra Harun 'ai ju'uda ua.


Sidogo ḏi'i, Yesus 'o dadi 'Imam mete'e sasi ra Ma Jou'ongu Madutu tala. 'Imam-'imam lelegu raḏi sitede kama sasi ua.


Sababu gena-ge, Yesus nyengara 'o sisalamata kasingado-ngadolo i'a ngowa'a mo-moini ga'a 'aḏi sapolo ra Ma Jou'ongu Madutu. Gena-ge 'i dadi sababu ananga gena-ge 'aḏi ngaku Yesus sa'olo manga 'imam, re sababu ḏi'i Unanga 'o 'ahu kasingado-ngadolo i'a 'o manyiata ra Ma Jou'ongu Madutu di'a ananga.


Mada'a nange-ne Yesus 'ai munara lebe mulia reo 'imam-'imam gena-ge manga munara. Sababu Yesus 'o dadi lese to golona di'a jaji ma su-sungi ga'a lebe mulia reo jaji ma siḏa. Re Sababu wakutu Ma Jou'ongu Madutu 'o pula'a jaji ma su-sungi gena-ge, Unanga 'o sijaji 'ori i'a lebe mulia di'a ngene reo 'ori i'a toma jaji ma siḏa.


Gena-ge 'i dadi gabara di'a 'orasa nange-ne mangale bu-bula'a—bu-bula'a re jou-jou haiwani ga'a sidoa'a ra Ma Jou'ongu Madutu, enanga ngai moi i'a ua nyengara ya sigofi ngowa'a manga 'akala re sinyingara ma kanau ga'a pula'a jou-jou.


Ni maco-cori ra Ma Jou'ongu Madutu re Unanga ḏuanga i'a 'o maco-cori ra ngini ḏi'i. Ngini ngowa'a baraḏosa ga'a ninga 'akala re sinyingara ri sa-salanga, matogumu ni madaga'a 'ori i'a ma jira re ni siboloto ninga 'akala re sinyingara.


Lean sinn:

Sanasan


Sanasan