'Ibrani 7:1 - Jaji ma Su-sungi

¹ 'Ua re 'au wali Melkisedek, unanga 'o dadi 'olana toma Salem re 'o dadi ḏi'i 'imam ra Ma Jou'ongu Madutu toma Gau'u. Wakutu 'a Abraham ro sita'aloko 'olana-'olana toma parangi, Unanga 'o maḏibo re Melkisedek 'o sapolo ma'u sanga, kara 'o sibarakati Abraham.

'Ibrani 7:1 Iomraidhean Croise

Markus 5:7

Wakutu, Yesus 'o kanau i'a toma ngowa'a gena-ge, “Roh ma jira, no supu toma ngowa'a nena-ne,” roh ma jira 'i kanau ma iḏingi ya siduga-duga, “Rini 'oru ngoi, Yesus, Ma Jou'ongu Madutu toma Gau'u 'Ai Ngowa'a Nau'u? Ngoi to madigaro'o ra Ma Jou'ongu Madutu 'ai lomanga, awa no sijira ngoi.”

Yesus 'ai so-soma'a 16:17

Munanga gena-ge mo mete'e Paulus re ngomi tau-taunu, re mo maboa-boa'a, “Ngowa-ngowa'a nena-ne Ma Jou'ongu Madutu toma Gau'u 'Ai falalomu. Ananga 'aḏi sapolo 'aḏi siajele ra ngini ngo'omo di'a ngini sanga salamata!”

'Ibrani 6:20

Yesus ro osama siḏa toma ngi'i gena-ge, la ngene nyengara wo osama ḏi'i. Unanga gena-ge 'o dadi 'Imam 'Agung singado-ngadolo i'a, ma tero sa'olo 'imam Melkisedek.

'Ibrani 7:2

Togumu i'a, Abraham 'o pula'a ma balangu moi toma balangu nyagi moi ino ra Melkisedek, 'oru ga'a unanga 'a sanga toma parangi ma dara. Melkisedek 'ai lomanga ma ngale: “ 'Olana Loasa re Banari.” Re ḏi'i sababu Unanga 'o 'olana toma Salem, 'ai lomanga ma lelegu ma ngale: “ 'Olana Dame.”

'Ibrani 7:3

Matengo i'a mai ua ya waro 'a Melkisedek 'ai ḇaḇa re ngina, bolo 'ai ete re dotumu, bolo 'ai buoro re sengene ma 'orasa. Unanga ma tero sa'olo Ma Jou'ongu Madutu 'ai Ngowa'a Nau'u sababu Melkisedek 'o dadi 'imam kasingado-ngadolo i'a.

'Ibrani 7:6

Melkisedek ra Lewi 'ai ju'uda ua, mada'a unanga 'o sanga ma balangu moi toma balangu nyagi moi moju ra Abraham wakutu 'a Abraham 'o maḏibo toma parangi. Re unanga ḏi'i 'o sibarakati 'a Abraham, ga'a Ma Jou'ongu Madutu 'u pula'a 'Ai jaji ḏua.