'Ibrani 6:8 - Jaji ma Su-sungi

⁸ Mada'a ngowa'a ga'a 'aḏi ngaku ra Yesus riwara ma tero sa'olo tana'a besa'a ya nga'unu mada'a rurubu dodowo'o ya dokonyo. Dadi ma faeda cua, re 'i sanga katula ra Ma Jou'ongu Madutu, re ma ḏo-ḏogumu sanga tau'u.

'Ibrani 6:8 Iomraidhean Croise

Matias 25:41

Gena ḏua, Ngoi 'Olana gena-ge to kanau toma ngowa-ngowa'a Tari kuḇali, ‘Ngini ngowa'a ma jira, ni tagi. Ni osama toma u'u ma lejanga ga'a kama sora-sora ua ga'a sidodahe ḏua di'a 'Iblisi re enanga ma mala'ekata-mala'ekata!

Matias 3:10

Ma Jou'ongu Madutu ro ḏu-ḏuanga ḏua 'O sihukumu ngowa'a ga'a 'aḏi maḏibo ua toma ngo'omo boloto ma tero sa'olo tama'ono 'i ḏu-ḏuanga ḏua di'a sitawele ate re sitola'a ngadolo toma utu'u. Sababu gena-ge, na'o ate gena-ge ma sowo'o 'i rousu ua, ḏuanga i'a 'a tawele re 'a upa'a toma u'u ma dara.

Matias 7:19

Ate 'oru ḇato ga'a ma sowo'o rousu ua, wa tawele re tau'u toma u'u.

Markus 11:14

Ḏua, Yesus 'o kanau i'a toma ate gena-ge, “Mulaingi nange-ne re si'a, matengo i'a mai ua 'a oromo riwara ate nena-ne ma sowo'o!” 'Ai me-mete'e ya 'isene Yesus 'o kanau gena-ge.

Markus 11:21

Ḏua Petrus 'a si'elingi 'au nyigo Yesus 'a sisasi ate 'ara gena-ge re 'o kanau i'a ra Yesus, “Rabi, Na oḏi'i ate 'ara ga'a Na sisasi, enanga gena-ge ri sengene!”

Yohanes 15:6

Na'o 'a guna ḇato ga'a marimoi ua ra Ngoi, unanga gena-ge ma tero sa'olo 'anggur ma umanga ga'a ri tola'a, kara 'i dadi ngonono. 'Anggur ma umanga gena-ge, ngowa'a ya lomu kara ya upa'a toma u'u re enanga 'i ro'u.

'Ibrani 10:27

mada'a pa'i rimoi ḇato: Ngene wa totoma renanga mojongo di'a talaḏi Unanga ga'a 'o sijuruhakimi ngene. Re Unanga 'ai hukumu ma tero sa'olo u'u ma lejanga ḏuḏurana tau'u la-lamo'o ga'a ḏuanga i'a singi-ngiranga 'Ai lawana.

'Ibrani 12:17

Togumu i'a, ngini reni waro mangale Esau nyafusu sanga 'ai barakati gena-ge moju tai ḇaḇa, mada'a unanga sanga itomo. Kalaha rai 'ongoro re saḏangutu unanga disa ngo'omo 'a sidiai 'ai ta-sala, mada'a donga ri cua di'a unanga.

Tingoýi 20:15

Ngowa'a mo-moini ga'a manga lomanga 'i silefo ua toma ngowa'a 'ahu-'ahu manga boku, ananga gena-ge 'aḏi siupa'a toma ngoloto u'u ma dara.