'Ibrani 6:5 - Jaji ma Su-sungi

⁵ Re tamanga 'ahu ma dara ananga ya waro mangale Ma Jou'ongu Madutu 'ai demo ga'a lai rousu; re ya basono ḏi'i ma kuasa ga'a toma dungia su-sungi.

'Ibrani 6:5 Iomraidhean Croise

Matias 12:32

'A guna ḇato 'o kanau cira mangale Ngoi, Manusia ma Ngowa'a Nau'u, unanga gena-ge 'ai ḏosa nga'unu singi-ngiranga. Mada'a 'a guna ḇato 'o kanau cira mangale Ma Ngagara 'Ofi-'Ofi, unanga 'ai ḏosa singi-ngiranga 'i yoḏu'u: bae toma dungia nena-ne, bae dungia ma su-sungi.”

Lukas 8:13

Gisisi ga'a 'i eta'a toma tana'a maḏi-maḏi, gena-ge ma tero sa'olo ngowa'a 'aḏi 'isene habari gena-ge, jau-jau ya dawongo remanga roanga tamanga 'akala re sinyingara. Mada'a tamanga 'akala re sinyingara ma dara habari gena-ge 'i utu'u ua. Dadi ananga 'aḏi ngaku habari gena-ge pa'i ngoma moi ḇato, ananga 'aḏi celolo ḏuḏunu i'a wakutu 'aḏi sanga bo-baja.

Efesus 6:17

Ma Jou'ongu Madutu 'ai salamata ga'a na dawongo, gena-ge 'i ma tero sa'olo sordado manga capeo waja. Re Ma Jou'ongu Madutu 'ai demo ga'a 'Ai Ngagara 'Ofi-'Ofi 'i pula'a, gena-ge 'i ma tero sa'olo sordado manga samaranga.

'Ibrani 11:3

Sababu nanga ngo-ngaku, ngene wa waro mangale dungia nena-ne Ma Jou'ongu Madutu 'o sidadi 'o pake 'Ai 'Idini ḇato. Dadi 'oru ga'a ngene wa oḏi'i, 'i dadi toma 'oru ga'a ngene wa oḏi'i ua.

'Ibrani 2:5

Ma Jou'ongu Madutu 'o pula'a ua kuasa toma mala'ekata-mala'ekata di'a 'o parenta dungia su-sungi ga'a ngene wa kanau nange-ne.

'Ibrani 4:12

Sababu Ma Jou'ongu Madutu 'ai demo enanga 'i 'ahu-'ahu re lebe mangono reo samaranga ma doto romoḏiḏi. Samaranga gena-ge 'i lapasa toma donga-donga re nyi-nyiala ma bati. Gena-ge ma tero sa'olo Ma Jou'ongu Madutu 'ai demo ga'a osama singadolo toma nyawa re roh ma bati. Unanga 'ai demo gena-ge enanga ya waro manusia manga fikirana re 'akala re sinyingara.

1 Petrus 1:25

Mada'a Ma Jou'ongu Madutu 'ai demo, kama iranga ua kasingado-ngadolo i'a.” Demo gena-ge Habari Roanga ga'a ri singadolo ra ngini.

1 Petrus 2:3

Awa ngini ni matogumu nyafusu isene Ma Jou'ongu Madutu 'ai demo, sababu ngini masiretene ni basono ḏua Ma Jou'ongu Madutu 'ai la-la.

2 Petrus 2:20

Na'o ananga gena-ge raḏi nana'o nanga Jou Yesus Kristus sa'olo Salamata ma Cimi re 'aḏi sanga woi'i toma dungia ma kuasa ga'a sigasa ngowa'a toma jira mo-moini, mada'a ananga 'aḏi maḏibo mete'e dungia ma jira moju singadolo manga 'ahu ri cira, sa'olo ma siḏa moju, ḏua ma ḏo-ḏogumu tala, ananga gena-ge lebe cira reo wakutu 'aḏi waro Ma Jou Yesus Kristus nyangu.