'Ibrani 6:4 - Jaji ma Su-sungi

⁴ Sababu na'o ngowa'a 'aḏi ngaku ra Yesus riwara, sanga ua ananga gena-ge 'aḏi siḏibo toma ngo'omo boloto moju! Ma siḏa, ananga gena-ge 'aḏi 'ahu toma tarangi ra Ma Jou'ongu Madutu, re ya basono ḏua Unanga 'ai cocatu re 'aḏi dawongo ḏi'i Ma Ngagara 'Ofi-'Ofi ma tero sa'olo ngowa'a lelegu.

'Ibrani 6:4 Iomraidhean Croise

Matias 12:45

Sababu gena-ge, enanga 'i tagi re 'i gasa ino roh ma jira tumudingi ma lelegu ga'a lebe cira i'a. Ḏua enanga 'i osama re 'i tegoro toma ngowa'a gena-ge. Ma ḏo-ḏogumu tala ngowa'a gena-ge 'ai 'ahu nange-ne lebe cira i'a reo 'ahu 'au nga'ene. Gena-ge 'i dadi toma ngowa-ngowa'a ma jira toma 'orasa nena-ne sababu ananga 'aḏi dawongo Ngoi ua.”

Matias 5:13

“Ngini ga'a mete'e Ngoi, ngini ma tero sa'olo g̱asi di'a dungia nena-ne. Na'o g̱asi 'i rasa riwara, sanga ua ni siḏibo moju enanga ma rasa. Dadi enanga ma faeda ri cua, pa'i na upa'a re ngowa'a ya to'u-to'u.

Yohanes 15:6

Na'o 'a guna ḇato ga'a marimoi ua ra Ngoi, unanga gena-ge ma tero sa'olo 'anggur ma umanga ga'a ri tola'a, kara 'i dadi ngonono. 'Anggur ma umanga gena-ge, ngowa'a ya lomu kara ya upa'a toma u'u re enanga 'i ro'u.

Yohanes 3:27

Yohanes 'a sangoro: “Mo-moini ga'a manusia ya sanga, enanga gena-ge ma 'asala ra Ma Jou'ongu Madutu tala.

Yohanes 4:10

Yesus 'a sangoro, “Na'o ngana na waro mangale Ma Jou'ongu Madutu 'ai bu-bula'a re Ngoi nena-ne 'a guna ga'a to golo'o ka'e ra ngana, tantu ḏua, ngana masiretene ḏuanga i'a no golo'o ka'e ḇanyo ra Ngoi, re Ngoi to pula'a ḇanyo 'ahu ra ngana.”

Yohanes 6:32

Ḏua Yesus 'o kanau ra ananga, “Ni ngaku mode-mode'e 'Ari demo-demo nena-ne: Roti gena-ge 'a Musa ua 'a pula'a, mada'a 'Ari Ḇaḇa. Re Unanga gena-ge ḏi'i 'O pula'a ra ngini roti mode-mode'e da'u soroga tala.

Yesus 'ai so-soma'a 10:45

Ngowa'a Yahudi ga'a ngowa'a ngaku Yesus mo-moini ga'a 'aḏi mete'e Petrus toma limau Yope ino, 'aḏi heranga masala sababu 'aḏi oḏi'i masiretene Ma Jou'ongu Madutu 'o pula'a Ma Ngagara 'Ofi-'Ofi ḏi'i toma ngowa'a Yahudi ua;

Yesus 'ai so-soma'a 11:17

Dadi, mode-mode'e Ma Jou'ongu Madutu 'o pula'a Ma Ngagara 'Ofi-'Ofi toma ngowa-ngowa'a Yahudi ua ḏi'i, cocatu gena-ge 'i ma tero Ma Jou'ongu Madutu 'o pula'a ra ngene wakutu ngene wo ngaku Ma Jou Yesus Kristus. Sababu gena-ge, sanga ua Ma Jou'ongu Madutu 'ai Munara ngoi ta itomo!”

Yesus 'ai so-soma'a 15:8

Ma Jou'ongu Madutu ga'a 'A waro manusia manga 'akala re sinyingara, Unanga 'o pula'a Ma Ngagara 'Ofi-'Ofi toma ngowa-ngowa'a Yahudi ua 'i ma tero sa'olo ra ngene ḏi'i. Gena-ge 'i dadi nana'o rimoi mangale Ma Jou'ongu Madutu ya'u dawongo ananga ḏi'i.

Yesus 'ai so-soma'a 8:20

Mada'a Petrus 'a sangoro, “Ngana re 'ani pipisi ni osama naraka, sababu ngana na ta'ajiri Ma Jou'ongu Madutu 'ai cocatu nyengara na tibo reo pipisi!

Roma 1:11

Ngoi to nyanyaḏi masala di'a ma'u sanga ra ngini, la ngini ni sanga barakati toma Ngagara 'Ofi-'Ofi di'a site'e ngini ninga ngo-ngaku.

2 Korintus 4:4

'Iblisi ga'a 'i kuasa dungia ya kuci ngowa'a manga fikirana singadolo ananga 'aḏi ngaku awa, re 'aḏi oḏi'i yoḏu'u Habari Roanga ma cahaya ga'a 'i waiti ra Kristus 'ai mulia. Unanga gena-ge ma tero Ma Jou'ongu Madutu 'ai gabara.

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

Galatia 3:2

Ni sangoro 'ari so-sano rimoi ne: Ngini ni dawongo Ma Ngagara 'Ofi-'Ofi sababu ngini ni mete'e Musa 'ai hukumu, bolo sababu ni ngaku Kristus wakutu ni 'isene Habari Roanga?! Tantu ḏua, sababu ni ngaku Kristus!

Galatia 3:5

Ma Jou'ongu Madutu 'o pula'a Ma Ngagara 'Ofi-'Ofi ra ngini re Unanga 'o 'a'a ga'a hera-heranga taninga sigolona. Mo-moini gena-ge Unanga 'o 'a'a di'a ngini sababu ngini mete'e Musa 'ai hukumu, bolo ngini 'isene mangale Kristus re ni ngaku Unanga?! Tantu ḏua, sababu ni ngaku Kristus!

Efesus 1:18

Dadi ngini ninga fikirana 'i dadi tarangi mangale barakati di'a ngini. Barakati gena-ge ga'a ninga ngo-nganono, sababu Unanga ro 'aro'o ngini. Re ngini balasu ni sahe mode-mode'e mangale Ma Jou'ongu Madutu 'ai barakati ma mulia Ra sidodahe di'a 'Ai 'umata.

Efesus 2:8

I'a sa'olo Unanga ro sisalamata ngini?! Sababu ngini reni madaga'a 'ori i'a ma la-la?! So'o gena-ge ua! Mada'a sababu Unanga 'ai mura re dadalara ra ngini. Ma sababu gena-ge, Unanga ro sisalamata ngini sababu ngini reni ngaku Yesus. Ngini ni sanga salamata sababu ninga de'oso re ḏegoro ma la?! So'o gena-ge ua! Mada'a ngini reni sanga salamata pa'i Ma Jou'ongu Madutu 'ai cocatu ḇato. Dadi matengo i'a mai ua 'o mahie 'ai diri mangale sanga salamata gena-ge,

Efesus 3:7

Ngoi reto dadi falalomu di'a singadolo Habari Roanga toma ngowa'a Yahudi ua, sababu Ma Jou'ongu Madutu 'ai mura re dadalara mamete'e Rai kuasa ga'a si'a'a tari lese.

Efesus 4:7

Mada'a ngene matengo re matengo wo dawongo cocatu ma tero ua di'a wo 'a'a Ma Jou'ongu Madutu 'ai munara 'i mete'e 'oru ga'a Kristus 'O siwatasa ḏua.

1 Timotius 4:14

Awa ngana siwaro i'a ua no pake cocatu ra Ma Jou'ongu Madutu 'ai Ngagara 'Ofi-'Ofi ga'a sipula'a ḏua ra ngana, wakutu jama'ata ma bi-biri'i ya siteru manga giama ra ngana ni sae'e, re nabi-nabi ya singadolo Ma Jou'ongu Madutu 'ai bererongo ra ngana.

2 Timotius 2:25

Ananga 'aḏi doto'o balasu pake 'akala ḇanyo toma ngowa'a ga'a ya'u lawana ananga. Na'o nyengara gari'a, Ma Jou'ongu Madutu 'o pula'a donga ra ananga ga'a 'aḏi lawana ngana, la 'aḏi maḏibo toma ngo'omo boloto re 'aḏi dawongo do-doto'o banari,

2 Timotius 4:14

Ngana masiretene balasu no ma'istiari ra 'a Aleksander ga'a 'o 'a'a tamḇaga. Unanga gena-ge 'a dola'aku ngene nanga munara re 'o si'a'a 'ori i'a ma jira ra ngoi. Maha ḏuanga i'a Ma Jou 'a balasa ra unanga 'i mete'e unanga 'ai kajahatana.

'Ibrani 10:32

Mada'a 'eli-'elingi 'orasa toma ḏuḏunu ioronongoḏu ngo-ngaku rimoi, wakutu ngini ni ngaku Habari Roanga ma mulaingi, ga'a ma tero sa'olo Ma Jou'ongu Madutu 'ai cahaya Nu'u 'erese ḏua. Ngini tantu ni basono sangisara ma repe, mada'a ni macako'o namo-namoto moju taninga ngo-ngaku.

'Ibrani 2:4

Sidogo ḏi'i, Ma Jou'ongu Madutu 'a site'e ngowa'a gena-ge manga sakisi: Unanga 'o pula'a kuasa ra ananga di'a 'a'a ga'a hera-heranga ma fara muḏuo i'a, didina'o heranga re 'ori i'a hera-heranga. Re ḏi'i Unanga 'o pula'a cocatu di'a matengo re matengo mete'e Unanga 'ai 'akala ma mau masiretene. Cocatu gena-ge ma 'asala toma Ngagara 'Ofi-'Ofi.

1 Yohanes 5:16

Na'o ngini ni oḏi'i i'a ninga ioronongoḏu matengo ngo-ngaku rimoi 'o 'a'a ḏosa ga'a 'i sigasa ua toma sengene kasingado-ngadolo i'a, ngini balasu ni manyiata ra Ma Jou'ongu Madutu, la Ma Jou'ongu Madutu ḏuanga i'a 'O pula'a 'ahu ra unanga gena-ge. Ngini nyengara ni golo'o so'o gena-ge di'a ngowa'a ga'a 'a'a ḏosa gena-ge. Mada'a 'age ḏosa ga'a 'i sigasa toma sengene kasingado-ngadolo i'a. Mangale gena-ge, ngoi to soma'a ua ngini ni manyiata ra Ma Jou'ongu Madutu di'a ananga ga'a 'aḏi 'a'a ḏosa so'o gena-ge.