'Ibrani 6:2 - Jaji ma Su-sungi

² bae wo madoto'o mangale baptis, bae wo madoto'o mangale jama'ata ma bi-biri'i 'aḏi siteru manga giama toma ngowa'a manga sae'e, bae madoto'o mangale Ma Jou'ongu Madutu dadunu 'o si'ahu ngowa-ngowa'a sengene re Unanga 'o pula'a hukumu kasingado-ngadolo i'a.

'Ibrani 6:2 Iomraidhean Croise

Matias 28:19

Sababu gena-ge, ni tagi toma bangsa mo-moini toma dungia sitabi donga, ni singadolo Habari mangale Ngoi, la ngowa'a 'aḏi dadi 'Ari me-mete'e. Ni baptis ananga gena-ge re siterongo Ḇaḇa 'ai lomanga, Ma Ngowa'a Nau'u 'ai lomanga, re Ma Ngagara 'Ofi-'Ofi ma lomanga.

Matias 3:14

Mada'a Yohanes tai'i 'a itomo Yesus 'ai go-golo'o re 'o kanau, “Ngoi balasu mode-mode'e to sanga baptis ra Jou, mada'a nange-ne Jou no sapolo di'a sanga baptis ra ngoi!”

Markus 16:16

Ngowa'a 'aḏi ngaku ua, ananga gena-ge 'aḏi osama naraka, mada'a ngowa'a 'aḏi ngaku Ngoi re 'aḏi sanga baptis, ananga gena-ge 'aḏi osama soroga.

Markus 7:4

'Oru ḇato 'aḏi tibo toma pasara, ya oromo 'i yoḏu'u moju na'o 'aḏi ma'ori'i nyangu. Re ma repe moju ananga manga 'atoranga ya cako'o namo-namoto, 'i ma tero sa'olo soso'o galasi, sawo'o, re 'o pakakasa tamḇaga.]

Markus 7:8

Ngini ni cako'o namo-namoto manusia manga 'atoranga mada'a ngini ni mete'e ua Ma Jou'ongu Madutu 'ai parenta!”

Lukas 11:38

Ngowa'a Farisi gena-ge 'o oḏi'i Yesus 'o mete'e 'agama ma 'atoranga ua. Unanga 'o oromo 'a soso'o siḏa ua 'Ai giama! Sababu gena-ge, ngowa'a Farisi 'o heranga.

Lukas 12:50

Ngoi balasu ta basono susa re sangisara lebe siḏi i'a. Re 'ari 'akala re sinyingara 'i kangela masala sababu gena-ge ta basono nyangu.

Lukas 14:14

Na'o ngana 'a'a so'o gena ḏuanga i'a ngana no bara'utungu. Sababu ngowa'a gena-ge ya balasa nga'unu ua ngana 'ani la. Mada'a ngana 'ani la, ḏuanga i'a Ma Jou'ongu Madutu 'a balasa wakutu ngowa'a loasa re banari dadunu 'aḏi 'ahu moju toma ngowa'a senge-sengene manga sigolona.”

Lukas 3:16

Sababu gena 'a Yohanes 'o kanau ra ananga mo-moini, “Ngoi pa'i to baptis ngini reo ḇanyo, mada'a ḏuanga i'a 'age rema ngowa'a matengo lebe la-lamo'o ra ngoi, ta gasa 'Ai tarupa mai patasa ua. Unanga gena-ge ḏuanga i'a 'O sapolo re 'O baptis ngini rema Ngagara 'Ofi-'Ofi re u'u.

Yohanes 5:29

Ananga 'aḏi supu toma kubu ma dara ie. Ngowa'a ga'a manga de'oso re ḏegoro ri la-la, ananga 'aḏi dadunu 'ahu moju di'a sanga 'ahu kasingado-ngadolo i'a. Mada'a ngowa'a ga'a manga de'oso re ḏegoro ri cira, ananga 'aḏi dadunu 'ahu moju di'a sanga hukumu kasingado-ngadolo i'a.”

Yesus 'ai so-soma'a 10:47

“Tai'i ni oḏi'i, Ma Ngagara 'Ofi-'Ofi 'i 'uci re ya'u ḏegoro toma ngowa'a Yahudi ua, ma tero ngene ḏi'i. Dadi 'a guna ua ya'u dola'aku ananga 'aḏi sanga baptis?!”

Yesus 'ai so-soma'a 13:3

Pasala i'a, ananga 'aḏi puasa re 'aḏi manyiata, ya siteru manga giama ra Barnabas re 'a Saulus tamanga sae'e ma re'u re ya'u 'utusu.

Yesus 'ai so-soma'a 16:15

Ngo Lidia re 'ami ngitu re ngale mo-moini 'aḏi sanga baptis, kara munanga mo saele re mo kanau, “Na'o ngini ni ngaku ngoi mode-mode'e to dadi ngowa'a ngaku Yesus, ino ni matuḏu tari wala.” Ḏua munanga mo simau-mau singadolo ngomi mamete'e 'ami go-golo'o.

Yesus 'ai so-soma'a 16:33

Ma lobi'i gena-ge ḏua 'utu golona i'a, bui ma sae'e 'o gasa Paulus re 'a Silas toma ngi'i ma lelegu re ya'u soso'o manga nyaboto. Gena ḏua, unanga re 'ai ngitu re ngale, ananga 'aḏi sanga baptis.

Yesus 'ai so-soma'a 17:18

'Age guru-guru ngowa'a fara ḏiḏi: fara moi Epikuros ino, fara moi ḏi'i Stoa ino. Ananga 'aḏi ma'u rubutu ra Paulus. 'Age nga muḏuo i'a 'aḏi kanau, “Unanga nena-ne 'o waro 'oru? 'Ai wo-waro pa'i ceka'a ua mada'a unanga pa'i demo repe.” Mamuni'a 'aḏi kanau, “Unanga nena-ne 'o siajele ma tero sa'olo dewa-dewa bangsa lelegu.” Ananga 'aḏi kanau so'o gena sababu 'a Paulus 'o singadolo Habari Roanga mangale Yesus re ngowa'a senge-sengene dadunu 'aḏi 'ahu moju.

Yesus 'ai so-soma'a 2:38

'A Petrus 'a sangoro i'a ra ananga, “Ngini matengo re matengo balasu ni maḏibo toma ngo'omo boloto, kara ni sanga baptis ra Yesus Kristus 'ai lomanga, la Ma Jou'ongu Madutu 'o singi-ngiranga ninga ḏosa re ni dawongo Ma Ngagara 'Ofi-'Ofi.

Yesus 'ai so-soma'a 2:41

Ngowa-ngowa'a manga repe 'aḏi ngaku Petrus 'ai bobita, ḏua ananga gena-ge 'aḏi sanga baptis. Toma wangere gena-ge ngowa-ngowa'a ngaku Yesus manga nyo-nyoimi 'i dogo ḏa nga cala ro'ange.

Yesus 'ai so-soma'a 23:6

Paulus 'a oḏi'i toma Mahkamah 'Agama manga sigolona 'age rema ngowa'a Saduki, 'age ḏi'i ngowa'a Farisi. Sababu gena-ge, Paulus 'o kanau i'a ra ananga, “Ioronongoḏu ngowa'a Yahudi, ngoi ngowa'a Farisi re 'ari ḇaḇa ngowa'a Farisi ḏi'i. Ngini ni sijuruhakimi ngoi sababu ngoi to ngaku ngowa'a senge-sengene dadunu 'aḏi 'ahu moju.”

Yesus 'ai so-soma'a 24:15

Re ma tero sa'olo ananga, ngoi 'ari ngo-nganono ra Ma Jou'ongu Madutu mangale ngowa'a senge-sengene dadunu 'aḏi 'ahu moju, bae ngowa'a loasa re banari, bae ngowa'a ma jira.

Yesus 'ai so-soma'a 24:21

Ananga 'aḏi sanga ua 'ari sala pa'i 'ari demo ceka'a ua ḇato ga'a ngoi to kanau talaḏi ra ananga so'o ne: ‘Ngoi to ngaku ngowa'a sengene dadunu 'o 'ahu moju.’ ”

Yesus 'ai so-soma'a 24:25

'A Paulus 'o siajele mangale 'ahu nena-ne balasu 'i loasa re banari re mete'e awa ninga nyafusu ma jira re 'o siajele mangale sanga hukumu toma dungia ma ḏo-ḏogumu ḏi'i. Wakutu Feliks 'a 'isene so'o gena 'o dadi mojongo re 'o kanau, “Ngana no tagi ḇato. Ḏuanga i'a, na'o to sanga donga, kara tini 'aro'o ḏi'i.”

Yesus 'ai so-soma'a 26:8

I'a sa'olo 'ari ioronongoḏu ngowa'a Yahudi 'aḏi ngaku ua mangale Ma Jou'ongu Madutu dadunu 'o si'ahu moju ngowa'a senge-sengene?

Yesus 'ai so-soma'a 4:2

Ananga 'aḏi ruta sababu 'a Petrus re Yohanes 'aḏi siajele toma ngowa-ngowa'a mangale Yesus ro sengene, mada'a dadunu 'o 'ahu moju. Nena-ne 'i dadi bukiti rimoi mangale ngowa'a 'aḏi sengene ḏua nyengara dadunu 'aḏi 'ahu moju ḏi'i.

Yesus 'ai so-soma'a 6:6

Ananga nga tumudingi, ga'a sanga cumutu gena-ge, ya'u sigasa i'a ra Yesus 'ai so-soma'a re 'aḏi siteru manga giama ra ananga, re 'aḏi manyiata golo'o Ma Jou'ongu Madutu ya'u sibarakati ananga.

Roma 2:16

Toma Kiamata ma Wangere, Ma Jou'ongu Madutu ḏuanga i'a 'o pula'a kuasa ra Yesus Kristus di'a 'o sijuruhakimi manusia manga ḏosa ga'a 'aḏi sigogono tamanga 'akala re sinyingara ma dara. Gena-ge 'i dadi mete'e Habari Roanga ga'a ngoi reto singadolo.

1 Korintus 12:13

So'o gena ḏi'i, ngene bae ngowa'a Yahudi, bae ngowa'a Yahudi ua, ngowa'a budaka, bolo budaka ua, ngene mo-moini wo dadi ma tero sa'olo lese rimoi ga'a 'i marimoi ra Kristus. Gena-ge 'i dadi wakutu ngene wo sanga baptis rema Ngagara 'Ofi-'Ofi ga'a 'i tegoro ra ngene matengo re matengo nanga 'akala re sinyingara ma dara.

2 Korintus 5:10

Sababu ngene mo-moini ḏuanga i'a wo talaḏi toma Juruhakimi, gena-ge Kristus. Re na'o ngene nanga ga'a 'i la-la toma dungia nena-ne, sanga ngogele. Mada'a na'o ngene nanga ga'a 'i cira, sanga ngogele ua.

Filipi 3:21

Wakutu Unanga gena-ge dadunu 'o sapolo moju, 'O ngali nanga lese ga'a nange-ne mereoso 'i sidadi ma tero sa'olo Unanga 'ai lese masiretene ga'a 'i mulia. Unanga nyengara 'a si'a'a so'o gena sababu Unanga rai kuasa di'a 'O 'a'a 'oru ḇato.

Kolose 2:12

Sababu toma 'orasa ngini ni sanga baptis, enanga 'i ma tero sa'olo ngini siotomo ḏua mamete'e ra Kristus. Re ni sanga baptis gena-ge ngini dadunu ni 'ahu moju mamete'e ra Kristus, sababu ngini ngaku Ma Jou'ongu Madutu 'ai kuasa ga'a dadunu ro si'ahu Unanga moju.

2 Timotius 2:18

Ananga raḏi rapu ngo'omo re manga 'ahu 'i banari riwara. Ananga 'aḏi siruwahe ngowa'a ngaku Yesus manga ngo-ngaku, sababu 'aḏi sidoto'o sa-sakala mangale ngowa'a raḏi sengene ananga gena-ge dadunu raḏi 'ahu.

'Ibrani 11:35

Sababu we-were'a 'ami ngo-ngaku, ananga nga muḏuo i'a gena-ge ga'a manga ngowa-ngowa'a raḏi sengene re Ma Jou'ongu Madutu dadunu 'a si'ahu moju. Mada'a ananga nga muḏuo i'a ḏi'i remanga 'akala re sinyingara sa-sanangi 'aḏi sanga sikisa re 'aḏi sanga sangisara singadolo 'aḏi sengene sababu manga ngo-ngaku. Ananga gena-ge 'aḏi oḏu'u sanga bebasa sababu ḏuanga i'a Ma Jou'ongu Madutu dadunu 'a si'ahu moju, gena-ge 'i lebe rousu i'a.

'Ibrani 9:10

Sababu 'atoranga-'atoranga gena-ge pa'i mangale ngo-ngoromo re ka'e re ḏi'i ma duhu sa'olo ngowa'a nyengara 'aḏi sigofi manga lese masiretene ḇato. Mo-moini gena-ge enanga 'i si'a'a singadolo Ma Jou'ongu Madutu 'ai jaji ma su-sungi 'i ngadolo.

2 Petrus 3:7

Mada'a toma 'orasa nange-ne, Ma Jou'ongu Madutu 'o kadiarata diwanga re dungia Rai 'Idini gena-ge singadolo Unanga 'a singi-ngiranga gena-ge reo u'u. 'Orasa nange-ne, diwanga re dungia 'A kadiarata singadolo ma 'orasa ngowa-ngowa'a ga'a 'aḏi lawana Unanga, ananga gena-ge 'aḏi sanga hukumu.