'Ibrani 6:12 - Jaji ma Su-sungi

¹² Awa ngini ni dadi sa'olo ngowa'a pamalasa. Siḏibo ḏi'i ngomi mau ngini ni mete'e re ni cuḏuḏu'u ngowa'a ga'a raḏi ngaku Ma Jou'ongu Madutu re raḏi totoma remanga 'akala ḇanyo. Sababu gena-ge, ananga gena-ge raḏi sanga warisi ga'a Unanga ro sijaji.

'Ibrani 6:12 Iomraidhean Croise

Matias 22:32

‘Ngoi nena-ne Ma Jou'ongu Madutu ga'a Abraham, Ishak re Yakub 'aḏi silamo'o re siḏubuso.’ Ngowa'a sengene 'aḏi silamo'o re siḏubuso yoḏu'u Ma Jou'ongu Madutu, pa'i ngowa'a 'ahu-'ahu ḇato nyengara 'aḏi silamo'o re siḏubuso Unanga!”

Matias 25:26

'Ai tuanga 'o kanau, ‘Ngana budaka ma jira ga'a no busenge! Na'o ngana rena ta'ajiri mangale ngoi to so'ana ua mada'a to 'oro ma hasili re lomu sowo'o toma guḏa ga'a ta siare gisisi ua!

Lukas 16:22

Pasala i'a, ngowa'a ma dinga'unu ua gena-ge 'o sengene, kara mala'ekata 'aḏi gasa toma sayanga ma ngi'i ra Abraham 'ai gagoro toma soroga. Ngowa'a rema-enanga gena-ge 'o sengene ḏi'i re 'u palihara.

Lukas 8:15

Gisisi 'i eta'a toma tana'a ma la-la'eme, gena-ge ma tero sa'olo ngowa'a 'aḏi 'isene habari gena-ge ya dawongo re ya gogono tamanga 'akala re sinyingara lai rousu re 'i banari. Ananga 'aḏi matahana singadolo sisupu ma sowo'o.

Roma 12:11

Ngini balasu ni cufala taninga munara di'a Ma Jou'ongu Madutu; awa ni pamalasa. Ngini ninga 'akala re sinyingara balasu 'i boloto tau-taunu; balasu ni de-de'oso Ma Jou'ongu Madutu reninga 'akala re sinyingara mode-mode'e.

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

Roma 4:12

So'o gena-ge ḏi'i, Abraham 'o dadi ḇaḇa rohani di'a ngowa'a Yahudi sababu pa'i ananga gena-ge raḏi masuna ḇato ua, mada'a sababu ananga ḏi'i manga 'ahu 'i sijumu manga ngo-ngaku ra Ma Jou'ongu Madutu, ma tero sa'olo Abraham wakutu unanga gena-ge 'o suna nyangu.

2 Tesalonika 1:4

Sababu gena-ge, wakutu ngomi mi tutumu jama'ata-jama'ata lelegu, ngomi masiajele mangale ngini ni dadi ngomi minga biono gau'u, sababu ngini ninga ngo-ngaku lai te'e ra Yesus Kristus. Kalaha ngowa-ngowa'a nu'u sisikisa re ni sanga sangisara, ngini ninga ngo-ngaku gena-ge kama elala ua.

'Ibrani 1:14

Na'o so'o gena-ge, mala'ekata-mala'ekata gena-ge 'o 'oru?! Ananga gena-ge roh-roh ga'a 'i de-de'oso Ma Jou'ongu Madutu re 'i riono ngowa-ngowa'a ga'a ḏuanga i'a 'aḏi dawongo salamata.

'Ibrani 10:36

Dadi, ngini balasu ni pake 'akala ma ḇanyo re ni ngaku tau-taunu, la ngini nga'unu ni 'a'a 'oru ḇato mete'e Ma Jou'ongu Madutu 'ai 'akala ma mau. Na'o so'o gena ngini ḏuanga i'a ni dawongo 'oru ga'a Unanga 'o sijaji.

'Ibrani 11:33

Sababu ananga gena-ge manga ngo-ngaku, ananga raḏi sita'aloko 'olana-'olana manga kuasa, kara ananga 'aḏi parenta reo ba-banari singadolo Ma Jou'ongu Madutu 'a sitotomo 'Ai jaji masiretene di'a ananga. Sababu manga ngo-ngaku singa-singa ma madanga mai kuci,

'Ibrani 12:1

Sababu gena-ge, ngene nena-ne nyengara wo kanau mangale sakisi ma siḏa gena-ge ma repe, ma tero sa'olo kakamo ga'a 'i sigoloḏi ngene. Dadi ngene balasu wo dadi ma tero sa'olo ngowa'a lalara ga'a upa'a 'ori i'a ga'a 'i siḏubuso bolo 'i raiti ra unanga. So'o gena ḏi'i, ngene balasu wo upa'a 'ori i'a ga'a 'i siḏubuso re ḏosa ga'a 'i masiraiti i'a ra ngene. Re ino ngene wo lalara re wo matahana sangisara reo tahana tau-taunu, la nga'unu wa siḏuanga talaḏi tandingi toma biono i'a.

'Ibrani 13:7

Awa ngini ni sidaioranga ninga bi-biri'i ma siḏa ga'a 'aḏi singadolo Habari Roanga ra ngini. Ni tailako la-la ino manga 'ahu ma duhu sa'olo ananga manga 'ahu re ma duhu sa'olo ananga manga sengene. Dadi ngini nga'unu ni cuḏuḏu'u ananga manga ngo-ngaku.

'Ibrani 5:11

Mangale Yesus re Melkisedek manga ḏe-ḏegoro sa'olo 'imam 'agung, 'age ma repe paralu ngomi masiajele ra ngini, mada'a kangela ngomi ma sitarangi ra ngini sababu ngini na sahe kohi.

'Ibrani 6:15

Abraham 'a totoma rai 'akala ḇanyo di'a jaji gena-ge, singadolo unanga 'a sanga.”

Yakobus 1:3

Sababu ngini ni waro ḏua na'o ninga ngo-ngaku kama elala ua ra Ma Jou'ongu Madutu wakutu ni sanga dola'aku re bo-baja gena-ge si'a'a ninga ngo-ngaku ganapu te'e singadolo ninga ngo-ngaku kama elala ua toma dola'aku re bo-baja 'oru ḇato.

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

1 Yohanes 2:25

Re Ma Jou'ongu Madutu 'ai jaji, ga'a 'a siajele pasala ḏua mangale 'Ahu kasingado-ngadolo i'a, di'a ngene.

Tingoýi 13:10

Ngowa'a ga'a balasu sanga dawana, tantu ḏua ananga ḏuanga i'a 'aḏi sanga dawana. Ngowa'a ga'a balasu 'aḏi sisengene reo samaranga, tantu ḏua ananga ḏuanga i'a 'aḏi sisengene reo samaranga. Sababu gena-ge Ma Jou'ongu Madutu 'ai ngowa-ngowa'a balasu 'aḏi tahana susa re sangisara reo 'akala ḇanyo re 'aḏi macako'o namo-namoto ra Yesus.