'Ibrani 6:10 - Jaji ma Su-sungi

¹⁰ Dadi sababu Ma Jou'ongu Madutu 'o 'adili tau-taunu, Unanga gena-ge 'a sidaioranga ua ngini ninga munara ra Unanga. Re Unanga 'o 'elingi ḏi'i ninga dadalara na sijumu ra Unanga ḏua sababu ni riono ioronongoḏu ngo-ngaku rimoi, 'au nga'ene singadolo nange-ne.

'Ibrani 6:10 Iomraidhean Croise

Matias 10:42

'A guna ḇato pula'a ḇanyo malata toma ngowa'a mapake ua matengo sababu unanga Ngoi 'ari me-mete'e, ni ngaku mode-mode'e 'Ari demo-demo nena-ne: tantu ḏua unanga gena-ge ḏuanga i'a 'o sanga 'ai ngogele!”

Matias 20:7

Ngowa-ngowa'a gena-ge 'aḏi sangoro, ‘Ngowa'a 'aḏi sipula'a munara ngomi ua.’ Dadi guḏa 'anggur ma dutu gena-ge 'o kanau, ‘Na'o so'o gena, ngini tagi re ni munara ra ngoi 'ari guḏa 'anggur.’ Dadi ananga gena-ge tagi munara.

Matias 25:17

So'o gena ḏi'i, budaka ga'a 'o sanga pipisi guraci ma ngai cala ḏiḏi, unanga 'o sanga ma 'utungu pipisi guraci ma ngai cala ḏiḏi ḏi'i.

Markus 9:41

Ni ngaku mode-mode'e 'Ari demo-demo nena-ne: 'A guna ḇato 'o pula'a ngini ka'e pa'i ḇanyo ḇato sababu ngini mete'e Kristus, ḏuanga i'a mode-mode'e 'u sanga manga ngogele ra Ma Jou'ongu Madutu.”

Yohanes 13:20

Ni ngaku mode-mode'e 'Ari demo-demo nena-ne: 'A guna ḇato 'o dawongo ngowa'a matengo ga'a Ngoi to 'utusu, unanga gena-ge 'o dawongo Ngoi. Re 'a guna ga'a 'o dawongo Ngoi, 'o dawongo ḏi'i Unanga ga'a Ro 'utusu Ngoi.”

Yesus 'ai so-soma'a 10:31

Unanga gena-ge 'o kanau, ‘Kornelius! Ma Jou'ongu Madutu 'a 'isene ḏua 'ani go-golo'o re 'a sidaioranga ua 'ani 'akala re sinyingara ma la-la toma ngowa-ngowa'a ma dinga'unu ua.

Yesus 'ai so-soma'a 10:4

Kornelius 'o talaḏi i'a rai mojongo re 'o kanau, “Ma Jou, rema 'oru?” Mala'ekata gena-ge 'o sangoro, “Ma Jou'ongu Madutu 'a 'isene 'ani go-golo'o ḏua re 'a sidaioranga ua 'ani 'akala re sinyingara ma la-la toma ngowa-ngowa'a ma dinga'unu ua.

Yesus 'ai so-soma'a 11:29

Dadi ngowa'a ngaku Yesus toma limau Antiokhia mo-moini 'aḏi mafakati siḏingoto manga bu-bula'a tamanga ioronongoḏu ngo-ngaku rimoi ga'a 'aḏi tegoro toma daeraha Yudea. Ananga 'aḏi pula'a mete'e matengo-matengo manga dinga'unu.

Roma 12:13

Ni siriono ngowa'a manga ngo-ngaku rimoi ra ngini ga'a manga kuranga re ngadolo ua. Re na'u dawongo ngowa'a tagi-tagi ino taninga wala reninga 'akala re sinyingara sa-sanangi.

2 Korintus 9:1

Ma nyonyata, ngoi to lefo surata riwara ra ngini mangale ninga bu-bula'a ga'a ngini ḏuanga i'a siḏingoto di'a Ma Jou'ongu Madutu 'ai 'umata toma daeraha Yudea.

Galatia 5:13

Ngini, 'ari ioronongoḏu ngo-ngaku rimoi, Ma Jou'ongu Madutu ro 'aro'o ngini, la ni dadi ngowa'a bebasa. Mada'a awa ngini ni madaga'a 'oru ḇato mete'e ngini ninga mau ma jira, sababu ni bebasa. Siḏibo ḏi'i, ngini balasu ni ma'u dadalara re ni ma'u riono matengo re matengo.

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

Galatia 6:10

Sababu gena-ge, 'age renanga donga moju ra ngene, ngene balasu wo madaga'a 'ori i'a ma la-la ra guna ḇato, ma la-lamo'o i'a toma ngowa-ngowa'a ga'a manga ngo-ngaku 'i marimoi ra ngene.

Kolose 3:17

'Oru ḇato ga'a ngini ni si'a'a re ni siajele, gena-ge mode-mode'e balasu 'i patasa di'a ngowa'a ga'a mete'e Ma Jou Yesus. Re ḏi'i ngini balasu ni sibere ie murasa ma la ra Ma Jou'ongu Madutu sababu 'oru ga'a Ma Jou Yesus 'o 'a'a di'a ngini.

1 Timotius 6:18

No golo'o ra ananga, ananga balasu ya sijumu manga 'akala re sinyingara ma la-la, 'aḏi 'a'a ga'a ma la-la ḇato re tala'a ua.

2 Timotius 4:8

'Orasa nange-ne, ngoi pa'i ta totoma ma ngogele ḇato ga'a Ma Jou'ongu Madutu ro gogono ḏua toma soroga di'a ngoi. Toma Kiamata ma Wangere, Ma Jou 'o dadi juruhakimi 'adili, ḏuanga i'a 'O sipula'a 'ari ngogele gena-ge, sababu ngoi 'ari 'ahu 'i mete'e Ma Jou'ongu Madutu 'ai 'akala ma mau. Pa'i ngoi ḇato ua mada'a ngowa'a mo-moini ga'a 'aḏi dadalara re 'aḏi totoma Ma Jou dadunu 'o sapolo moju.

'Ibrani 10:32

Mada'a 'eli-'elingi 'orasa toma ḏuḏunu ioronongoḏu ngo-ngaku rimoi, wakutu ngini ni ngaku Habari Roanga ma mulaingi, ga'a ma tero sa'olo Ma Jou'ongu Madutu 'ai cahaya Nu'u 'erese ḏua. Ngini tantu ni basono sangisara ma repe, mada'a ni macako'o namo-namoto moju taninga ngo-ngaku.

'Ibrani 13:16

Re ḏi'i awa ni sidaioranga 'a'a 'ori i'a ma la-la, re ni riono ngowa'a lelegu. Sababu de'oso re ḏegoro so'o gena-ge 'i dadi jou-jou rimoi ḏi'i ga'a sisanangi Ma Jou'ongu Madutu 'ai 'akala re sinyingara.

1 Yohanes 1:9

Mada'a siḏibo ḏi'i, na'o ngene wo mangaku nanga ḏosa-ḏosa ra Ma Jou'ongu Madutu, Unanga 'o 'adili madutu re 'a sitotomo 'Ai jaji: Unanga 'a singi-ngiranga nanga ḏosa-ḏosa re na si'ofi ngene nanga sala mo-moini.