'Ibrani 5:8 - Jaji ma Su-sungi

⁸ Kalaha Yesus Ma Jou'ongu Madutu 'ai Ngowa'a Nau'u, Unanga 'o madoto'o ta'aloko sababu Unanga sanga sikisa.

'Ibrani 5:8 Iomraidhean Croise

Matias 3:15

Mada'a Yesus 'a sangoro, “Nange-ne sieanga ḇato so'o gena sababu wa si'a'a so'o nena-ne ngene wo 'a'a mete'e Ma Jou'ongu Madutu 'ai 'akala ma mau.” Dadi 'a Yohanes 'o baptis Yesus.

Yohanes 10:18

Matengo i'a mai ua nga'unu ya 'oro 'Ari 'ahu. Ngoi ta sidoa'a 'Ari 'ahu 'i mete'e 'Ari mau masiretene. Ngoi rari kuasa di'a ta sidoa'a 'Ari 'ahu, re Rari kuasa dadunu To 'ahu moju. Parenta gena-ge 'Ari Ḇaḇa ro sipula'a ra Ngoi.”

Yohanes 15:10

Na'o ngini ni mete'e 'Ari parenta, ngini ni marimoi ra Ngoi tau-taunu re ni basono tala 'Ari dadalara. Gena-ge ma tero Ngoi reto mete'e 'Ari Ḇaḇa 'Ai parenta re To marimoi ra Unanga, re dadi Ngoi to basono tala 'Ai dadalara tau-taunu.

Yohanes 4:34

Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yohanes 6:38

Sababu Ngoi reto 'uci da'u soroga tala mete'e Ngoi 'ari mau masiretene ua, mada'a mete'e Unanga ga'a Ro 'utusu Ngoi, Unanga gena-ge 'ai mau.

Filipi 2:8

Unanga 'o maholo 'Ai diri, re 'O 'ahu mete'e mode-mode'e ra Ma Jou'ongu Madutu singadolo ngowa'a 'U sisengene: Unanga 'U sisalib ma tero sa'olo ngowa'a ma jira.

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 1:5

Soi moi nyangu Ma Jou'ongu Madutu 'o kanau Tai mala'ekata matengo so'o ne: “Ngana nena-ne Ngoi 'ari Ngowa'a Nau'u; toma wangere nange-ne, Ngoi to dadi Ngana 'ani Ḇaḇa.” Re soi moi nyangu ḏi'i Ma Jou'ongu Madutu 'o kanau Tai mala'ekata ma lelegu so'o ne: “Ngoi ḏuanga i'a to dadi Unanga 'ai Ḇaḇa, re Unanga ḏuanga i'a 'o dadi Ngoi 'ari Ngowa'a Nau'u.”

'Ibrani 1:8

Mada'a tai Ngowa'a Nau'u, Ma Jou'ongu Madutu 'o kanau so'o ne: “Ngana ga'a ma tero Ma Jou'ongu Madutu, 'Ani Pareta kasingado-ngadolo i'a, Ngana 'ani pamarenta 'i 'adili.

'Ibrani 3:6

Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.