'Ibrani 5:7 - Jaji ma Su-sungi

⁷ Wakutu Yesus 'o 'ahu-'ahu moju toma dungia nena-ne, Unanga 'o manyiata re 'o golo'o reo poa'a rai 'ongoro ra Ma Jou'ongu Madutu ga'a nga'unu sisalamata Unanga toma sengene. Sababu Unanga 'o ta'aloko rai 'akala re sinyingara sa-sanangi ra Ma Jou'ongu Madutu, Unanga 'ai go-golo'o Ma Jou'ongu Madutu 'a dawongo.

'Ibrani 5:7 Iomraidhean Croise

Matias 27:46

Ḏa toma ca'olo ro'ange wangere so'o ne'o Yesus 'o poa'a 'a siduga-duga, “Eli, Eli lama sabakhtani?” Enanga ma ngale: “ 'Ari Jou'ongu Madutu, 'Ari Jou'ongu Madutu, i'a sa'olo No sieanga i'a Ngoi?”

Matias 27:50

Ḏua Yesus 'o poa'a 'a siduga-duga, kara 'Ai sangagara 'i togumu.

Markus 15:34

Toma ca'olo ro'ange wangere so'o ne'o, Yesus 'o poa'a 'a siduga-duga, “Eloi, Eloi lama sabakhtani” ma ngale: “ 'Ari Jou'ongu Madutu, 'Ari Jou'ongu Madutu, i'a sa'olo No sieanga Ngoi?”

Markus 15:37

Ḏua Yesus 'o poa'a 'a siduga-duga kara 'Ai sangagara 'i togumu.

Lukas 23:46

Ḏua Yesus 'o poa'a 'a siduga-duga, “Baba, Tani giama ma dara Ngoi ta sidoa'a 'Ari nyawa.” Gena ḏua, Unanga 'ai sangagara 'i togumu.

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Yohanes 11:35

Yesus 'ai 'ongoro turono.

Yohanes 11:42

Ngoi to waro Baba na 'isene tau-taunu 'Ari go-golo'o, mada'a Ngoi to kanau so'o gena-ge nange-ne di'a ngowa-ngowa'a ga'a ananga ya oḏi'i, la 'aḏi ngaku Baba reno 'utusu Ngoi.”

Yohanes 17:1

Yesus 'o kanau so'o gena togumu i'a, unanga 'o talaḏi ie diwanga re 'O manyiata, “Baba nange-ne ma 'orasa ri ngadolo, simulia 'Ani Ngowa'a Nau'u, la 'Ani Ngowa'a Nau'u ḏi'i 'O simulia Baba.

Roma 8:3

Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 10:10

Yesus Kristus ra siḏagi Ma Jou'ongu Madutu 'ai 'akala ma mau. Dadi pa'i soi moi ḇato Unanga 'a sidoa'a 'Ai lese masiretene sa'olo jou-jou di'a ngene. Sababu gena-ge, Ma Jou'ongu Madutu 'o siwola i'a ngene sa'olo dadi 'Ai ngowa'a 'ofi-'ofi kasingado-ngadolo i'a.

'Ibrani 10:5

Sababu gena-ge, wakutu Kristus 'o osama toma dungia, Unanga 'o kanau ra Ma Jou'ongu Madutu so'o ne: “Baba 'o mau ua jou-jou bolo bu-bula'a. Siḏibo ḏi'i, Baba ro sidodahe Ngoi 'ari lese 'i dadi jou-jou ga'a Ngoi ḏuanga i'a to sidoa'a ra Baba.

'Ibrani 11:7

Sababu Nuh 'ai ngo-ngaku, unanga gena-ge 'o mete'e Ma Jou'ongu Madutu 'ai parenta. Ma Jou'ongu Madutu 'u siajele ra Nuh mangale Unanga 'o siromanga dungia sitabi donga reo ḇanyo. Kalaha Nuh 'a oḏi'i nyangu enanga gena-ge 'i dadi, unanga 'o silamo'o re mojongo Ma Jou'ongu Madutu re dadi 'o mete'e 'Ai parenta. Dadi unanga 'o madiga'a kapala rimoi di'a sisalamata unanga re 'ai ngitu re ngale. Nuh 'ai ngo-ngaku gena-ge 'i dadi nana'o rimoi mangale ngowa'a mo-moini ga'a 'aḏi ngaku Ma Jou'ongu Madutu ua, ananga gena-ge ngowa'a ma jira. Sababu gena-ge Ma Jou'ongu Madutu 'o 'adili di'a sihukumu ngowa'a ma jira gena-ge wakutu 'O siromanga dungia sitabi donga reo ḇanyo. Sababu Nuh 'ai ngo-ngaku gena-ge, Ma Jou'ongu Madutu 'o si'aro'o unanga, ngowa'a loasa re banari.

'Ibrani 12:28

Sababu gena-ge, ino ngene wo sibere ie nanga murasa ma la ra Ma Jou'ongu Madutu sababu ngene rewo osama nyo-nyoimi ra Unanga 'ai Pareta toma soroga ga'a 'i elala yoḏu'u. Dadi ino ngene wo silamo'o re siḏubuso Ma Jou'ongu Madutu renanga duhu ga'a sisanangi Unanga: Ngene balasu wo silamo'o re ḏi'i wo mojongo Unanga,

'Ibrani 13:20

Ngoi to manyiata ra Ma Jou'ongu Madutu, Unanga 'o dame ma cimi ga'a dadunu 'o si'ahu moju Ma Jou Yesus. Unanga gena-ge ro dadi ngene nanga Sowohi La-lamo'o re ngene wo dadi 'Ai doba-doba sababu Tai se-sengene. Re ḏi'i Tai se-sengene gena-ge si'aku sah Ma Jou'ongu Madutu 'ai jaji ga'a kasingado-ngadolo i'a di'a ngene.

'Ibrani 2:14

Ngowa-ngowa'a ga'a Ma Jou'ongu Madutu 'o si'aro'o 'Ai ngowa-ngowa'a, ananga gena-ge manusia remanga lese. Sababu gena-ge, Yesus 'o dadi ngowa'a manusia matengo ma tero sa'olo ngene, la 'ai se-sengene 'i singi-ngiranga 'Iblisi ma kuasa. 'Iblisi gena-ge 'i sigasa manusia toma sengene.

1 Yohanes 4:3

Mada'a na'o ngowa'a 'aḏi mangaku ua gena-ge mangale Yesus, roh gena-ge ma 'asala ua ra Ma Jou'ongu Madutu tala. Ngowa'a gena-ge, roh ra Kristus Sa-sakala ya'u ḏegoro. Ngini rena 'isene mangale roh gena-ge ḏuanga i'a 'i sapolo re nange-ne rema enanga ḏua toma dungia ma dara.

2 Yohanes 1:7

Sababu ngowa'a ga'a sihaga ngowa'a, ananga manga repe 'aḏi tagi matai are toma dungia sitabi donga. Ananga gena-ge 'aḏi mangaku ua mangale Yesus Kristus 'o sapolo toma dungia nena-ne sa'olo manusia. Ananga gena-ge ma tero sa'olo ngowa'a matengo ga'a sihaga ngowa-ngowa'a re unanga gena-ge 'o Kristus Sa-sakala.