'Ibrani 5:2 - Jaji ma Su-sungi

² 'Imam 'agung masiretene, ananga ḏi'i manusia. Dadi ananga 'aḏi basono lamahana ma tero sa'olo ngene ḏi'i wakutu 'aḏi sanga bo-baja. Sababu gena-ge, manga 'akala re sinyingara 'i mereoso toma ngowa-ngowa'a ga'a 'aḏi 'a'a ḏosa sababu 'aḏi waro ua mangale ngo-ngaku ma ngo'omo.

'Ibrani 5:2 Iomraidhean Croise

Lukas 22:32

Mada'a Ngoi to manyiata di'a ngana Simon, la 'ani ngo-ngaku enanga 'i elala awa re wakutu ngana reno maḏibo ra Ngoi, ngana balasu na'u site'e 'ani ioronongoḏu manga ngo-ngaku ḏi'i.”

2 Korintus 11:30

Na'o ngoi ḏi'i balasu to mahie 'ari diri, la ngini ni 'isene ngoi; ngoi to sihie mangale 'oru ga'a 'i sijumu 'ari lamahana.

2 Korintus 12:5

Unanga gena-ge ngoi tu sihie ra ngini, mada'a ngoi to mahie 'ari diri ua. Ngoi pa'i to mahie 'ari diri ra ngini, sababu 'ari lamahana ḇato.

Galatia 4:13

Tantu ḏua, ngini na sidaioranga ua mangale 'au nga'ene ngoi to singadolo Habari Roanga ra ngini. Gena-ge 'i dadi sababu ngoi reta sanga ma si-siḏi.

Efesus 4:18

Ananga gena-ge manga fikirana 'i hafu-hafu re manga 'akala re sinyingara lai te'e. Sababu gena-ge, ananga ya nana'o ceka'a i'a mai ua mangale Ma Jou'ongu Madutu, re ḏi'i ananga ya dawongo ua 'ahu ga'a Ma Jou'ongu Madutu nyengara 'o pula'a ra ananga.

1 Timotius 1:13

'Au wali, wakutu ngoi to ngaku Yesus nyangu, ngoi to je-jengere Unanga re to sisikisa kama sijumu ua 'akala re sinyingara ma la-la toma ngowa'a ngaku Yesus. Kalaha so'o gena, Ma Jou'ongu Madutu 'o sijumu 'Ai 'akala re sinyingara ma la-la, sababu ngoi ta waro ua 'oru ga'a ngoi ta 'a'a sababu ngoi to ngaku Yesus nyangu.

'Ibrani 12:13

Ngini ninga 'ahu balasu mete'e ngo'omo boloto, la ngowa'a ga'a lamahana re 'aḏi mete'e ngini, ananga gena-ge manga ngo-ngaku 'i dadi lebe te'e. Gena-ge 'i ma tero sa'olo ngowa'a lalara ga'a sipicaru ngo'omo di'a ngowa'a lalara ma lelegu, la ananga 'aḏi ruba ua.

'Ibrani 2:17

Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.

'Ibrani 2:18

Re sababu Yesus masiretene 'a basono sangisara wakutu Unanga 'o sanga bo-baja, Unanga nga'unu 'O riono ngowa-ngowa'a ga'a sanga bo-baja ḏi'i.

'Ibrani 4:15

Sababu Yesus, ngene nanga 'Imam 'Agung gena-ge, Unanga 'o sahe mode-mode'e ngene nanga lamahana. Sababu Unanga masiretene 'a sanga bo-baja toma 'oru ḇato ma tero sa'olo ngene. Mada'a ma tero sa'olo ngene ua, Unanga kama ḏosa ua.

'Ibrani 7:28

Ngowa'a ga'a 'aḏi dadi 'imam 'agung mete'e Musa 'ai hukumu, ananga gena-ge ngowa'a lamahana ga'a 'aḏi matogumu yoḏu'u 'a'a ḏosa. Mada'a wakutu Musa 'ai hukumu togumu i'a, Ma Jou'ongu Madutu si'a'a jaji ma su-sungi reo sasi mangale ḏuanga i'a Unanga 'o tede 'Ai Ngowa'a Nau'u dadi 'Imam 'Agung. Yesus gena-ge 'Imam 'Agung ti-tiai kasingado-ngadolo i'a ga'a si'a'a ngowa'a dadi 'ofi-'ofi ra Ma Jou'ongu Madutu 'ai momina.

'Ibrani 9:7

Mada'a pa'i 'imam 'agung ḇato 'o osama toma Kamara Lai 'Ofi-'Ofi. Unanga gena-ge 'o osama toma ngi'i gena-ge musungu rimoi pa'i soi moi ḇato. Re wakutu unanga 'o osama balasu 'o gasa ngaunu sa'olo jou-jou ra Ma Jou'ongu Madutu di'a 'ai diri masiretene ma ḏosa re ḏi'i di'a ngowa'a manga ḏosa ga'a ya 'a'a toma masiwaro ua ma dara.

Yakobus 5:19

'Ari ioronongoḏu ngo-ngaku rimoi! Na'o matengo i'a taninga sigolona ro mete'e riwara Ma Jou'ongu Madutu 'ai do-doto'o re ngowa'a lelegu 'u gasa unanga gena-ge 'o maḏibo toma ngo'omo boloto,

1 Petrus 2:25

Ma siḏa ninga 'ahu ma tero sa'olo doba 'i iranga. Mada'a nange-ne ngini sanga siḏibo di'a mete'e Unanga gena-ge ninga Sowohi ga'a 'O sioḏi'i ninga nyawa.