'Ibrani 5:14 - Jaji ma Su-sungi

¹⁴ Ngo-ngoromo ga'a te-te'e gena-ge di'a ngowa'a bi-biri'i sababu ananga remanga wo-waro ḏua di'a ya siwo-wola de'oso re ḏegoro ma la-la re ma jira.

'Ibrani 5:14 Iomraidhean Croise

Matias 5:48

Sababu gena-ge, ngini nena-ne balasu ni dadalara ti-tiai ngowa'a mo-moini ma tero sa'olo nanga Ḇaḇa toma soroga ga'a 'o dadalara ti-tiai ngowa'a mo-moini.”

Roma 14:1

'Age taninga sigolona, ananga ga'a manga ngo-ngaku 'i te'e nyangu mangale 'ahu ma ngo'omo su-sungi ma duhu sa'olo. Ngini balasu ni dawongo reninga 'akala re sinyingara mereoso ananga gena-ge. Awa ni rubutu ra ananga mangale manga 'atoranga ma lelegu reo ngini.

1 Korintus 2:6

Kalaha ngoi 'ari demo-demo mete'e 'ari pahe ua di'a to baja ngini, la ni ngaku ngoi, mada'a ngoi to kanau mangale 'akala soro'unu ra ngini ga'a ninga ngo-ngaku lai te'e. Mada'a 'akala soro'unu gena-ge mete'e manusia manga 'akala ma soro'unu ua bolo 'akala soro'unu ra guna ḇato ua ga'a remanga kuasa toma dungia nena-ne. Toma wangere rimoi toma biono i'a manusia manga kuasa gena-ge 'i iranga.

Efesus 1:18

Dadi ngini ninga fikirana 'i dadi tarangi mangale barakati di'a ngini. Barakati gena-ge ga'a ninga ngo-nganono, sababu Unanga ro 'aro'o ngini. Re ngini balasu ni sahe mode-mode'e mangale Ma Jou'ongu Madutu 'ai barakati ma mulia Ra sidodahe di'a 'Ai 'umata.

Efesus 4:13

Ma duhu so'o gena-ge, ngene mo-moini wo dadi rimoi sababu nanga ngo-ngaku marimoi re nanga wo-waro 'i ma tero mangale Ma Jou'ongu Madutu 'ai Ngowa'a Nau'u. Dadi, ngene ḏuanga i'a wo dadi bi-biri'i, ga'a lebe ti'ara lebe dogo tiai, singadolo ngene wo dadi ma tero sa'olo Kristus.

Filipi 3:15

Dadi, ngene mo-moini ga'a nanga ngo-ngaku ri la'ere, nanga de'oso re ḏegoro balasu so'o gena-ge. Mada'a na'o taninga sigolona 'age rema ngowa'a matengo i'a 'ai 'akala ma sanga lelegu, maha ḏuanga i'a Ma Jou'ongu Madutu 'a sitarangi ḏi'i ra ngini.

1 Tesalonika 5:21

Mada'a balasu ni tailako la-la, la ni waro habari gena-ge mode-mode'e toma Ngagara 'Ofi-'Ofi ino. Na'o so'o gena, balasu ni mete'e Ma Ngagara 'Ofi-'Ofi ma mau.

1 Timotius 4:7

Ngana balasu no maki-kiḏanga toma jarita-jarita sa-sakala ga'a ma faeda 'i cua di'a ngowa'a ga'a mau 'ahu loasa re banari. Siḏibo ḏi'i, ngana balasu no madoto'o masiretene di'a no 'ahu loasa re banari.

'Ibrani 6:1

Sababu gena-ge ioronongoḏu ngo-ngaku rimoi, awa pa'i ino madoto'o do-doto'o ma mulaingi mangale Kristus ḇato. Siḏibo ḏi'i, ino madoto'o do-doto'o mangale site'e nanga ngo-ngaku. Awa pa'i ino madoto'o do-doto'o ma mulaingi ḇato bae sisoi'i tala ḏosa re maḏibo toma ngo'omo boloto, bae ngaku Ma Jou'ongu Madutu, la wo sanga ua sengene kasingado-ngadolo i'a,

Yakobus 3:2

Ngene mo-moini soi rai o'o i'a repe wo 'a'a ḏosa. Mada'a ngowa'a ga'a 'a'a ḏosa ua remanga demo re ganau, ananga gena-ge ngowa'a tiai, nga'unu 'aḏi kawasa lese rimoi mo-moini.