'Ibrani 5:13 - Jaji ma Su-sungi

¹³ Ngowa'a ga'a 'aḏi ka'e susu, ananga gena-ge ngowa kiau moju. Ananga ya waro nyangu ya siwo-wola 'ori i'a ma banari re 'ori i'a ma rapu.

'Ibrani 5:13 Iomraidhean Croise

Matias 11:25

Toma 'orasa gena-ge Yesus 'o kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo.

Markus 10:15

Ni ngaku mode-mode'e 'Ari demo-demo nena-ne: 'A guna ḇato 'o sapolo ra Ma Jou'ongu Madutu ma tero ua sa'olo ngowa 'olo nena-ne, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Roma 2:20

Ngini ga'a ni ta'ajiri mangale ngini ni dadi guru di'a ni doto'o ngowa'a ga'a ma tero ngowa 'olo sababu ananga gena-ge 'aḏi waro Musa 'ai hukumu ua. Ngini ni ngaku gena-ge, sababu ngini ni sanga Musa 'ai hukumu, ga'a Ma Jou'ongu Madutu 'ai wo-waro re ba-banari 'i silefo toma dara.

1 Korintus 13:11

Wakutu ngoi to ngowa 'olo i'a moju, ngoi to kanau sa'olo ngowa 'olo, 'ari rorasa sa'olo ngowa 'olo, 'ari 'akala ma sanga sa'olo ngowa 'olo. Nange-ne ngoi reto la-lamo'o, 'ari de'oso re ḏegoro, demo re ganau sa'olo ngowa 'olo riwara. Ngoi reto matogumu to pake de'oso re ḏegoro gena-ge sababu ngoi ta paralu riwara.

1 Korintus 14:20

Ioronongoḏu ngo-ngaku rimoi, mangale kajahatana, ngini balasu ni ma tero sa'olo ngowa 'olo. Siḏibo ḏi'i mangale Ma Ngagara 'Ofi-'Ofi ma demo, awa ngini mafikiri ma tero sa'olo ngowa 'olo mada'a ngini balasu ni mafikiri ma tero sa'olo bi-biri'i.

1 Korintus 3:1

Ioronongoḏu ngo-ngaku rimoi, 'au nga'ene ngoi to kanau ua ra ngini ma tero sa'olo ngini ngowa'a ga'a raḏi dawongo Ma Ngagara 'Ofi-'Ofi ra Ma Jou'ongu Madutu tala. Mada'a ngoi to kanau ra ngini ma tero sa'olo ngini ngowa-ngowa'a ga'a manga 'ahu mete'e biasa dungia ma nyafusu! Ngoi to kanau so'o gena-ge ra ngini sababu ngini ninga ngo-ngaku re ninga wo-waro mangale Kristus 'ai do-doto'o ma tero sa'olo ngowa kiau moju.

2 Korintus 3:9

Na'o jaji ma siḏa ga'a sihukumu manusia enanga rema mulia, tantu ḏua jaji ma su-sungi ra Ma Jou'ongu Madutu enanga lebe mulia i'a ḏi'i; sababu jaji gena-ge 'i sidadi matengo i'a ngowa'a loasa re banari ra Ma Jou'ongu Madutu 'ai momina.

Efesus 4:14

Dadi ngene sa'olo ngowa 'olo riwara: Ngowa'a sa-sakala 'aḏi sihaga ngene yoḏu'u re ḏi'i ngene wo ngaku ua do-doto'o sa-sakala. Dadi ngene ma tero ua sa'olo kapala ga'a 'i tagi i'a ino, wakutu sanga baoso bolo karawiana lai siḏi.

2 Timotius 3:16

Mo-moini gena-ge 'i silefo ḏua toma Boku 'Ofi-'Ofi ma dara, enanga gena-ge ra Ma Jou'ongu Madutu ino. Boku 'Ofi-'Ofi gena-ge rema faeda di'a ngowa'a ga'a doto'o do-doto'o banari, di'a ḇangata re sidiai 'ori i'a ma rapu, re sidoto'o ngowa'a, la 'aḏi 'ahu mete'e Ma Jou'ongu Madutu 'ai 'akala ma mau ḇato.

1 Petrus 2:2

Mada'a ngini balasu ma tero sa'olo ngowa kiau aro sibuoro tala ga'a nyanyaḏi ḇowisi susu tau-taunu ra ma ngina. So'o gena ḏi'i, ngini balasu nyafusu masala di'a 'isene tau-taunu Ma Jou'ongu Madutu 'ai demo ga'a banari. Na'o ngini ni 'a'a so'o gena, ngini ninga ngo-ngaku ganapu te'e, singadolo enanga gena-ge 'i dadi ti-tiai.

2 Yohanes 1:11

Sababu na'o wu tabea so'o gena-ge, ngene ma tero ḇato wo 'a'a 'ori i'a ma jira mame-mete'e ra unanga.