'Ibrani 5:12 - Jaji ma Su-sungi

¹² Ma nyonyata, ma 'orasa 'i ngadolo ḏua wakutu ngini ni dadi guru, mada'a ngini balasu repe madoto'o moju toma ngowa-ngowa'a lelegu ga'a lebe waro mangale do-doto'o ma mulaingi. Ngini ma tero sa'olo ngowa kiau ga'a paralu susu moju sababu nga'unu nyangu ni oromo ngo-ngoromo te-te'e.

'Ibrani 5:12 Iomraidhean Croise

Matias 17:17

Yesus 'a sangoro, “Ngini mode-mode'e ngowa-ngowa'a ga'a ni ngaku Ngoi ua re ni iranga ninga ngo'omo! Singadolo ma di'ara ngau moju, Ngoi balasu to tegoro marimoi ra ngini?! Singadolo ma di'ara ngau moju, Ngoi to sidodai 'Ari 'akala ḇanyo ra ngini?! Gasa ino ngowa 'olo gena-ge!”

Markus 9:19

Ḏua Yesus 'o kanau i'a ra ananga, “Ngini mode-mode'e ngowa-ngowa'a ga'a ni ngaku Ngoi ua! Singadolo ma di'ara ngau moju, Ngoi balasu to tegoro marimoi ra ngini?! Singadolo ma di'ara ngau moju, Ngoi to sidodai 'Ari 'akala ḇanyo ra ngini?! Gasa ino ngowa 'olo gena-ge!”

Yesus 'ai so-soma'a 7:38

'A Musa 'o dadi demo ma do-dowanga toma ngowa'a Israel manga sigolona toma ngi'i dongi-dongi wakutu mala'ekata matengo 'o siajele ra nanga ete re dotumu toma Kie Sinai. Unanga 'a dawongo ra Ma Jou'ongu Madutu ino habari mangale nanga 'ahu ma duhu di'a 'a singadolo ra ngene.

Roma 3:2

Tantu ḏua, enanga rema barakati lai repe re ma faeda repe ḏi'i! Siḏa-siḏa, Ma Jou'ongu Madutu 'a siwatasa 'Ai 'Idini ra ngene nanga ete re dotumu.

1 Korintus 14:19

Mada'a toma lo-lomu ngowa'a ngaku Yesus, ngoi lebe to sanangi to kanau demo bale moi bale ḏiḏi ḇato ga'a ngowa'a nga'unu ya sahe, la ananga 'aḏi sanga do-doto'o reo ngoi to kanau demo rema cala nyagi pake Ma Ngagara 'Ofi-'Ofi ma demo, mada'a ngowa'a ya sahe ua!

1 Korintus 14:20

Ioronongoḏu ngo-ngaku rimoi, mangale kajahatana, ngini balasu ni ma tero sa'olo ngowa 'olo. Siḏibo ḏi'i mangale Ma Ngagara 'Ofi-'Ofi ma demo, awa ngini mafikiri ma tero sa'olo ngowa 'olo mada'a ngini balasu ni mafikiri ma tero sa'olo bi-biri'i.

Galatia 4:3

So'o gena ḏi'i di'a ngene: Wakutu ngene wo ngaku Kristus nyangu, ngene ma tero sa'olo ngowa 'olo moju. Re ngene rewo mete'e dungia ma 'atoranga singadolo enanga gena-ge 'i sibudaka ngene.

Filipi 3:1

Ma ḏo-ḏogumu, ioronongoḏu ngo-ngaku rimoi, ngini balasu ni maroanga sababu ngini reni marimoi ra Ma Jou. Ngoi to basono kangela ua di'a to dadunu to lefo 'oru ga'a ta siḏingoto ḏua ra ngini 'au nga'ene; sababu ngoi mau to sipo-poma ngini, la 'a guna ḇato nga'unu sihaga ngini yoḏu'u.

Kolose 3:16

Ngini balasu ni 'elingi tau-taunu Kristus 'ai do-doto'o, la 'i parenta taninga de'oso re ḏegoro, demo re ganau. Dadi ngini ni mete'e ma duhu so'o ne: Ni ma'u doto'o, ni ma'u si'elingi di'a mete'e 'Ai do-doto'o reninga 'akala soro'unu. Re ni mete'e ma duhu so'o ne ḏi'i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou'ongu Madutu.

'Ibrani 10:32

Mada'a 'eli-'elingi 'orasa toma ḏuḏunu ioronongoḏu ngo-ngaku rimoi, wakutu ngini ni ngaku Habari Roanga ma mulaingi, ga'a ma tero sa'olo Ma Jou'ongu Madutu 'ai cahaya Nu'u 'erese ḏua. Ngini tantu ni basono sangisara ma repe, mada'a ni macako'o namo-namoto moju taninga ngo-ngaku.

'Ibrani 5:11

Mangale Yesus re Melkisedek manga ḏe-ḏegoro sa'olo 'imam 'agung, 'age ma repe paralu ngomi masiajele ra ngini, mada'a kangela ngomi ma sitarangi ra ngini sababu ngini na sahe kohi.

'Ibrani 5:13

Ngowa'a ga'a 'aḏi ka'e susu, ananga gena-ge ngowa kiau moju. Ananga ya waro nyangu ya siwo-wola 'ori i'a ma banari re 'ori i'a ma rapu.

'Ibrani 6:1

Sababu gena-ge ioronongoḏu ngo-ngaku rimoi, awa pa'i ino madoto'o do-doto'o ma mulaingi mangale Kristus ḇato. Siḏibo ḏi'i, ino madoto'o do-doto'o mangale site'e nanga ngo-ngaku. Awa pa'i ino madoto'o do-doto'o ma mulaingi ḇato bae sisoi'i tala ḏosa re maḏibo toma ngo'omo boloto, bae ngaku Ma Jou'ongu Madutu, la wo sanga ua sengene kasingado-ngadolo i'a,

1 Petrus 2:2

Mada'a ngini balasu ma tero sa'olo ngowa kiau aro sibuoro tala ga'a nyanyaḏi ḇowisi susu tau-taunu ra ma ngina. So'o gena ḏi'i, ngini balasu nyafusu masala di'a 'isene tau-taunu Ma Jou'ongu Madutu 'ai demo ga'a banari. Na'o ngini ni 'a'a so'o gena, ngini ninga ngo-ngaku ganapu te'e, singadolo enanga gena-ge 'i dadi ti-tiai.

1 Petrus 4:11

Na'o matengo i'a 'o singadolo Habari ra Ma Jou'ongu Madutu ino, unanga balasu 'o kanau sa'olo ngowa'a ga'a Unanga 'o 'utusu di'a singadolo pa'i Habari gena-ge ḇato. Na'o matengo i'a 'o riono ngowa'a, 'o riono rai de-de'e ga'a Ma Jou'ongu Madutu ro pula'a ra unanga. Ngini ni 'a'a so'o gena-ge, la ngowa-ngowa'a ga'a oḏi'i ninga ga'a lai rousu, ḏuanga i'a 'aḏi puji re silamo'o Ma Jou'ongu Madutu sababu Yesus Kristus 'ai munara taninga 'akala re sinyingara ma dara. Ma Jou'ongu Madutu Unanga masiretene ga'a 'O parenta re 'O dawongo puji re silamo'o kasingado-ngadolo i'a. 'Amin.