'Ibrani 5:11 - Jaji ma Su-sungi

¹¹ Mangale Yesus re Melkisedek manga ḏe-ḏegoro sa'olo 'imam 'agung, 'age ma repe paralu ngomi masiajele ra ngini, mada'a kangela ngomi ma sitarangi ra ngini sababu ngini na sahe kohi.

'Ibrani 5:11 Iomraidhean Croise

Matias 13:15

Sababu bangsa nena-ne manga 'akala re sinyingara lai te'e, manga ngau'u ri popongolo, re manga la'o ri ruutu. Gena-ge 'i dadi, la remanga la'o ya oḏi'i ua, remanga ngau'u ya 'isene ua, re ananga manga 'akala re sinyingara ya sahe ua. Dadi awa ananga 'aḏi ḏibo ra Ngoi, la 'aḏi dawongo 'Ari salamata.’ ”

Markus 8:21

Yesus 'o kanau, “Na'o so'o gena, i'a sa'olo ni sahe nyangu ḏi'i mangale Ngoi to sapolo da'u ra Ma Jou'ongu Madutu tala?”

Lukas 24:25

Ḏua Yesus 'o kanau i'a ra ananga, “Ngini mode-mode'e ni haga! Ni ngaku nyangu moju mangale 'oru ga'a nabi-nabi ya lefo ḏua 'ua re 'au wali!

Yohanes 16:12

Ma repe moju Ngoi mau to kanau ra ngini, mada'a nange-ne ngini ni dawongo ni nga'unu nyangu 'Ari demo.

Yohanes 6:6

(Yesus 'a waro 'oru ga'a Unanga 'o 'a'a, mada'a Unanga kanau so'o gena di'a 'O tai'i 'a Filipus 'ai ngo-ngaku.)

Yesus 'ai so-soma'a 28:27

Sababu bangsa nena-ne manga 'akala re sinyingara lai te'e, manga ngau'u ri popongolo, re manga la'o ri ruutu. Gena-ge 'i dadi, la remanga la'o ya oḏi'i ua, remanga ngau'u ya 'isene ua, remanga 'akala re sinyingara ya sahe ua, Dadi awa ananga 'aḏi ḏibo ra Ngoi, la 'aḏi dawongo 'Ari salamata.’ ”

'Ibrani 5:10

Re Ma Jou'ongu Madutu 'o tede Unanga 'o dadi 'Imam 'Agung ma tero sa'olo Melkisedek.

'Ibrani 5:12

Ma nyonyata, ma 'orasa 'i ngadolo ḏua wakutu ngini ni dadi guru, mada'a ngini balasu repe madoto'o moju toma ngowa-ngowa'a lelegu ga'a lebe waro mangale do-doto'o ma mulaingi. Ngini ma tero sa'olo ngowa kiau ga'a paralu susu moju sababu nga'unu nyangu ni oromo ngo-ngoromo te-te'e.

2 Petrus 3:16

Ra Paulus 'ai surata ma dara mo-moini 'a silefo mangale 'ori i'a gena-ge 'i ma tero. 'Age ḏi'i 'ori i'a mamuni'a ga'a wa disa sahe kangela re ngowa'a 'aḏi waro 'oru ua remanga ngo-ngaku 'i te'e, ananga gena-ge ya sice-celolo surata ma ngale. Gena-ge wa heranga awa sababu 'age toma balangu ma lelegu ḏi'i toma Boku 'Ofi-'Ofi ma dara ananga ya si'a'a so'o gena ḏi'i. 'Oru ga'a ananga ya 'a'a gena-ge pa'i ya sigasa ananga masiretene toma sengene kasingado-ngadolo i'a.