'Ibrani 4:3 - Jaji ma Su-sungi

³ Mada'a ngene ga'a rewo ngaku, ngene wa dawongo ngomasa ga'a Ma Jou'ongu Madutu 'o sijaji pasala ḏua. Gena-ge 'i ma tero sa'olo ga'a Ma Jou'ongu Madutu 'o kanau, “Ngoi to porata re ta'u sisasi mangale ta'u simaha ua 'aḏi osama toma ngi'i di'a 'aḏi mangomasa mamete'e ra Ngoi.” Kalaha Ma Jou'ongu Madutu 'ai munara ri ḏuanga wakutu Unanga 'o sidadi diwanga re dungia nena-ne, Unanga 'o kanau so'o gena-ge.

'Ibrani 4:3 Iomraidhean Croise

Matias 13:35

Enanga 'i dadi so'o gena ma tero sa'olo nabi 'a siajele pasala ḏua: “Ngoi to sipake 'ade-'ade na'o to doto'o ananga; Ngoi to doto'o ananga 'oru ga'a 'i gogono mulaingi dungia 'i dadi re sino.”

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Efesus 1:4

Dungia 'i dadi nyangu, Unanga rena pili ngene ḏuanga i'a wo dadi marimoi ra Kristus, la ngene wo dadi Unanga 'ai ngowa-ngowa'a, kananga ḏosa ua re kananga sala ua ra Unanga 'ai momina.

'Ibrani 3:11

Ngoi to porata, dadi ta'u sisasi so'o ne: ‘Ananga ta'u simaha ua 'aḏi osama toma daeraha ga'a Ngoi to sitantukanga ta'u pula'a, la ananga 'aḏi mangomasa mamete'e ra Ngoi.’ ”

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

'Ibrani 9:26

Na'o Kristus ro mete'e 'imam 'agung gena-ge manga munara, ma musungu ma jelele i'a Unanga 'o basono sangisara, ma mulaingi toma 'orasa dungia 'i dadi singadolo nange-ne! Mada'a nange-ne, 'orasa nena-ne ga'a 'i co-cori toma kiamata ma 'orasa, Unanga 'o sapolo pa'i soi moi ḇato di'a 'a singi-ngiranga ngene nanga ḏosa Rai lese masiretene ga'a 'i dadi jou-jou.

1 Petrus 1:20

Wakutu dungia ne 'i dadi nyangu, Ma Jou'ongu Madutu 'o cumutu Kristus di'a 'O sibebasa ngini. Mada'a Unanga ro sapolo toma 'orasa nena-ne wakutu Kiamata ma Wangere sa'i ri ngadolo.