'Ibrani 4:2 - Jaji ma Su-sungi

² Sababu ra ngene ḏi'i Habari Roanga rena singadolo pasala ḏua ma tero sa'olo tananga ete re dotumu. Mada'a Habari Roanga 'i parasaja, sababu wakutu ananga ya 'isene, ananga ya ngaku ua.

'Ibrani 4:2 Iomraidhean Croise

Yesus 'ai so-soma'a 13:46

Mada'a 'a Paulus re 'a Barnabas ganapu 'aḏi nau'u re 'aḏi kanau ya sitaḇela'a i'a ra ananga. Ananga 'aḏi kanau, “Ma Jou'ongu Madutu 'ai demo balasu 'i singadolo ra ngini siḏa. Mada'a, ngini ni dawongo ua re ngini masiretene ni sitantukanga tala ni patasa ua di'a sanga 'ahu kasingado-ngadolo i'a. Dadi, ngomi nena-ne mi tagi re mi singadolo Habari Roanga toma ngowa-ngowa'a Yahudi ua.

Yesus 'ai so-soma'a 3:26

Sababu gena-ge, Ma Jou'ongu Madutu 'o sitede pasala ḏua 'Ai Falalomu Yesus, kara 'O soma'a Unanga 'o sapolo ra ngini siḏa, di'a Unanga 'o sibarakati ngini ngowa'a Yahudi, la ngini nyengara ni maḏibo toma ngo'omo boloto re ni mete'e mode-mode'e Unanga 'ai do-doto'o taninga 'ahu lobi'i re wangere.”

Roma 2:25

Ngini reni masuna mete'e Musa 'ai hukumu. Dadi ngini ga'a ni siḏagi Musa 'ai hukumu; na'o ngini ni masuna, enanga gena-ge rema faeda. Mada'a ngini ga'a ni mete'e Musa 'ai hukumu ua; na'o ngini ni masuna, enanga gena-ge ma faeda 'i cua; sababu ngini ni dadi ma tero sa'olo ngowa'a Yahudi ua ga'a 'aḏi masuna ua!

Roma 3:3

Mada'a ananga gena-ge manga repe 'aḏi cufala ua di'a siḏagi Musa 'ai hukumu. Dadi na'o so'o gena, awa-awa Ma Jou'ongu Madutu 'o cufala ua di'a sitotomo 'Ai jaji ra ngene, ngowa'a Yahudi?!

1 Korintus 13:3

Si'ade-'ade i'a 'ari 'ori i'a rana mo-moini ta sibalangu di'a ngowa'a ma dinga'unu ua re to pula'a 'ari lese di'a ngowa'a ya tau'u sababu ngoi to mete'e Yesus. Mada'a 'ari dadalara di'a ngowa'a lelegu 'i cua, mo-moini gena-ge ma faeda ri cua.

Galatia 3:2

Ni sangoro 'ari so-sano rimoi ne: Ngini ni dawongo Ma Ngagara 'Ofi-'Ofi sababu ngini ni mete'e Musa 'ai hukumu, bolo sababu ni ngaku Kristus wakutu ni 'isene Habari Roanga?! Tantu ḏua, sababu ni ngaku Kristus!

Galatia 3:8

Ma siḏa moju, ngene wa waro toma Boku 'Ofi-'Ofi ma dara mangale Ma Jou'ongu Madutu ro sitantukanga mangale na'o ngowa'a Yahudi ua 'aḏi ngaku Unanga, ananga gena-ge 'aḏi dadi ngowa'a kamanga sala ua ra Unanga 'ai momina. Habari Roanga gena-ge sipula'a siḏa ra Abraham sababu toma Boku 'Ofi-'Ofi 'i silefo so'o ne: “Manusia mo-moini, Ngoi ḏuanga i'a ta'u sibarakati sababu ngana.”

Galatia 4:13

Tantu ḏua, ngini na sidaioranga ua mangale 'au nga'ene ngoi to singadolo Habari Roanga ra ngini. Gena-ge 'i dadi sababu ngoi reta sanga ma si-siḏi.

1 Tesalonika 1:5

Ngomi mawaro gena-ge 'i banari, sababu wakutu ngomi mi singadolo Habari Roanga ra ngini 'i mete'e pa'i ngomi minga demo-demo ḇato ua, mada'a 'i mete'e rema Ngagara 'Ofi-'Ofi ma kuasa. Sidogo ḏi'i, ngomi mi sijumu ra ngini mangale ngomi mi ngaku mode-mode'e Habari Roanga gena-ge 'i banari, sababu ngini masiretene ni waro ma duhu sa'olo ngomi mi 'ahu de-de'oso ngini wakutu ngomi taninga sigolona.

1 Tesalonika 2:13

'Age fara moi moju 'i si'a'a ngomi mi sibere ie minga murasa ma la tau-taunu ra Ma Jou'ongu Madutu, sababu wakutu ngomi mi singadolo habari ra Ma Jou'ongu Madutu ino, ngini ni 'isene re ni ngaku habari gena-ge ma tero ua manusia manga demo, mada'a sa'olo demo ra Ma Jou'ongu Madutu ino, ga'a 'i banari. Unanga 'o munara tau-taunu sipake habari gena-ge taninga 'akala re sinyingara ma dara, ngini gena-ge ga'a reni ngaku Kristus.

1 Timotius 4:8

Na'o ngene wo site'e nanga lese, ma faeda pa'i ceka'a ua. Mada'a na'o wa site'e nanga nyawa sababu wo mete'e Ma Jou'ongu Madutu 'ai do-doto'o mangale 'ahu loasa re banari, enanga ma faeda lai lamo'o toma 'ori i'a mo-moini. Sababu na'o wo 'ahu so'o gena-ge, ngene wo sanga 'ahu ga'a Unanga 'a sijaji toma 'orasa nange-ne re 'ahu toma biono i'a.

'Ibrani 11:6

Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.

'Ibrani 3:12

Ioronongoḏu ngo-ngaku rimoi ni ma'istiari ino: Awa-awa 'age rema ngowa'a matengo i'a taninga sigolona 'ai 'akala re sinyingara 'i cira re 'ai ngo-ngaku 'i iranga singadolo unanga 'o maḏibo ḏuḏunu re 'o maki-kiḏanga ra Ma Jou'ongu Madutu, ga'a 'O 'ahu-'ahu.

'Ibrani 4:6

Sababu gena-ge, ngowa'a ga'a 'aḏi 'isene siḏa mangale Habari Roanga gena-ge ananga 'aḏi sanga mangomasa ua ga'a Ma Jou'ongu Madutu ro sijaji pasala ḏua, sababu 'aḏi ngaku ua Habari Roanga gena-ge. Mada'a Ma Jou'ongu Madutu 'ai maksudu ngowa'a lelegu nga'unu ya dawongo ngi'i ngo-ngomasa gena-ge.

Yakobus 1:21

Sababu gena-ge, ni matogumu toma biasa ma rapu re faja ra Ma Jou'ongu Madutu 'ai momina. Ḏua ngini ni siholo tala ninga 'akala re sinyingara, kara ni mete'e Ma Jou'ongu Madutu 'ai demo ga'a Unanga 'a so'ana sa'olo gisisi taninga 'akala re sinyingara ma dara, ga'a nyengara 'i sisalamata ngini.

1 Petrus 1:12

Ma Jou'ongu Madutu ro sijumu toma nabi-nabi mangale salamata ra Kristus gena-ge di'a ananga toma 'orasa gena-ge ua, mada'a di'a ngini 'orasa nange-ne. Sababu gena-ge Ma Jou'ongu Madutu 'o siḏingoto Ma Ngagara 'Ofi-'Ofi da'u soroga tala di'a sinyanyasele ngowa-ngowa'a ga'a singadolo Habari Roanga ra ngini mangale salamata ra Kristus, la ngini ni sanga salamata. Mala'ekata-mala'ekata mai ya nyafusu ḏi'i mau ya sahe mangale salamata ra Kristus gena-ge.