'Ibrani 4:15 - Jaji ma Su-sungi

¹⁵ Sababu Yesus, ngene nanga 'Imam 'Agung gena-ge, Unanga 'o sahe mode-mode'e ngene nanga lamahana. Sababu Unanga masiretene 'a sanga bo-baja toma 'oru ḇato ma tero sa'olo ngene. Mada'a ma tero sa'olo ngene ua, Unanga kama ḏosa ua.

'Ibrani 4:15 Iomraidhean Croise

Matias 12:20

Unanga 'o sijumu 'Ai 'akala re sinyingara ma mereoso toma ngowa'a lamahana ma tero sa'olo Unanga 'o poti ua lou'u ga'a ri tu'o, re Unanga 'a sisengene ua poci ma lejanga ga'a ma subu ri ḇoḇi'i. Unanga 'o munara singadolo 'Ai 'adili 'i waiti toma dungia sitabi donga;

Matias 4:1

Togumu i'a, Ma Ngagara 'Ofi-'Ofi 'u gasa Yesus toma daeraha baulaco, la Unanga nyengara sanga bo-baja toma 'Iblisi.

Lukas 22:28

Tari susa re sangisara ngini ni mamete'e ra Ngoi tau-taunu.

Lukas 4:2

Toma ngi'i gena-ge, Yesus 'o sanga bo-baja toma 'Iblisi ma di'ara wangere nyagi rata. Toma wangere nyagi rata ma dara, Unanga kama oromo ua. Dadi ma ḏo-ḏogumu tala Unanga 'o basono sawini.

Yohanes 8:46

'Age 'a guna taninga sigolona ga'a 'a sibukiti mangale Ngoi to 'a'a ḏosa?! Na'o Ngoi to siajele 'oru ga'a 'i banari, i'a sa'olo ngini ni ngaku Ngoi ua?!

Roma 8:3

Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.

2 Korintus 5:21

Kristus 'o 'a'a ḏosa ua, mada'a Ma Jou'ongu Madutu 'o 'a'a Unanga 'a doiti ngene nanga ḏosa. Ma Jou'ongu Madutu 'o 'a'a so'o gena, la ngene nyengara marimoi ra Unanga re kananga ḏosa ua ra Unanga 'ai momina.

'Ibrani 4:14

Ngene nanga 'Imam 'Agung La-lamo'o ga'a ro pere sie toma soroga singadolo osama talaḏi ra Ma Jou'ongu Madutu 'ai biono, Unanga gena-ge Yesus, Ma Jou'ongu Madutu 'ai Ngowa'a Nau'u. Sababu gena-ge, ngene balasu macako'o namo-namoto tananga ngo-ngaku re matogumu awa kanau 'oru ga'a wo ngaku.

'Ibrani 5:2

'Imam 'agung masiretene, ananga ḏi'i manusia. Dadi ananga 'aḏi basono lamahana ma tero sa'olo ngene ḏi'i wakutu 'aḏi sanga bo-baja. Sababu gena-ge, manga 'akala re sinyingara 'i mereoso toma ngowa-ngowa'a ga'a 'aḏi 'a'a ḏosa sababu 'aḏi waro ua mangale ngo-ngaku ma ngo'omo.

'Ibrani 7:26

Dadi ngene wo paralu Yesus gena-ge sa'olo nanga 'Imam 'Agung. Unanga ngowa'a 'ofi-'ofi, kai sala re ḏosa ua. Ma Jou'ongu Madutu 'o siwola i'a Unanga toma ngowa-ngowa'a baraḏosa, re Unanga ro pere singadolo ma ngi'i ga'a lebe kau'u reo diwanga ma gau'u.

'Ibrani 9:28

So'o gena ḏi'i, Kristus ro sidoa'a 'Ai lese masiretene soi moi ḇato sa'olo jou-jou ra Ma Jou'ongu Madutu, la 'O singi-ngiranga ngowa'a repe manga ḏosa. Re ḏuanga i'a Unanga dadunu 'o sapolo moju ma soi ḏiḏi, Unanga 'o singi-ngiranga ḏosa riwara, mada'a 'O gasa salamata di'a ngowa'a ga'a 'aḏi totoma Unanga.

1 Petrus 2:22

Unanga kama 'a'a ḏosa ua re matengo i'a mai ua 'aḏi 'isene Unanga 'o kanau 'Ai demo ma sa-sakala.

1 Yohanes 3:5

Ngini na waro Kristus masiretene kai ḏosa ua, re Unanga 'o sapolo toma dungia di'a 'a singi-ngiranga manusia manga ḏosa.