'Ibrani 3:2 - Jaji ma Su-sungi

² Yesus gena-ge ga'a Ma Jou'ongu Madutu 'U cumutu, 'O cufala madutu 'a siḏagi 'Ai munara ra Ma Jou'ongu Madutu tala; ma tero sa'olo 'ua re 'au wali 'a Musa 'o cufala madutu siḏagi 'ai munara ra Ma Jou'ongu Madutu 'ai Wala — gena-ge ma ngale Musa 'a de-de'oso Ma Jou'ongu Madutu 'ai ngitu re ngale.

'Ibrani 3:2 Iomraidhean Croise

Yohanes 15:10

Na'o ngini ni mete'e 'Ari parenta, ngini ni marimoi ra Ngoi tau-taunu re ni basono tala 'Ari dadalara. Gena-ge ma tero Ngoi reto mete'e 'Ari Ḇaḇa 'Ai parenta re To marimoi ra Unanga, re dadi Ngoi to basono tala 'Ai dadalara tau-taunu.

Yohanes 17:4

Baba, Ngoi tini simulia ḏua toma dungia nena-ne, sababu Ngoi ta siḏuanga 'Ani munara ga'a Baba no siwatasa ra Ngoi.

Yohanes 7:18

Ngowa'a matengo ga'a 'o pula'a 'ai do-doto'o masiretene 'aḏi disa ngowa'a 'aḏi silamo'o unanga. Mada'a ngowa'a matengo ga'a 'o disa ngowa'a 'aḏi silamo'o Unanga ga'a 'U 'utusu, ngowa'a gena-ge 'o loasa re banari re kama sa-sakala ua.

Yohanes 8:29

Re Unanga ga'a Ro 'utusu Ngoi mamete'e ra Ngoi. Sanga ua, Unanga sieanga i'a Ngoi to matengo, sababu Ngoi ta si'a'a tau-taunu 'oru ga'a sisanangi Unanga 'ai 'akala re sinyingara.”

Efesus 2:22

Sababu ninga 'ahu marimoi ra Kristus, ngini ḏi'i ni mamete'e reo ngowa'a lelegu, ni simomi'i sa'olo wala ḏu moi di'a Ma Jou'ongu Madutu. Wala gena-ge, Ma Ngagara 'Ofi-'Ofi 'i tegoro.

1 Timotius 1:12

Ngoi to sibere ie 'ari murasa ma la ra Kristus Yesus, nanga Jou, sababu Unanga 'o cumutu ngoi patasa ta siḏagi 'Ai munara. Re Unanga ro pula'a de-de'e ra ngoi, la ngoi tu siḏagi 'Ai munara gena-ge.

1 Timotius 3:15

Dadi na'o rema 'ori i'a i'a 'i dola'aku ngoi, na sahe ma duhu sa'olo ngene wo 'ahu marimoi sa'olo Ma Jou'ongu Madutu 'ai ngowa-ngowa'a ga'a ngaku Kristus Yesus re wo marimoi ra Ma Jou'ongu Madutu ga'a 'o 'ahu kasingado-ngadolo i'a. Ngowa-ngowa'a ngaku Yesus balasu marimoi kadiarata 'o do-doto'o banari sababu do-doto'o gena-ge ma tero sa'olo wala ma bangini re ma ngasu'u lamo'o, la wala gena-ge 'i te'oso lai te'e.

'Ibrani 2:17

Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.