'Ibrani 2:8 - Jaji ma Su-sungi

⁸ Re Unanga ro pula'a kuasa toma manusia, la 'aḏi parenta toma 'ori i'a mo-moini.” Na'o Ma Jou'ongu Madutu 'o si'a'a manusia rema kuasa, la 'aḏi parenta toma 'ori i'a mo-moini, gena-ge ma ngale 'ori i'a i'a mai ua bolo matengo i'a mai ua ga'a ta'aloko ua toma manusia manga kuasa. Kalaha so'o gena, toma 'orasa nange-ne ngene wa oḏi'i nyangu mangale manusia rema kuasa toma 'ori i'a mo-moini.

'Ibrani 2:8 Iomraidhean Croise

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Yohanes 13:3

Yesus ro waro mangale 'ai Ḇaḇa ro pula'a kuasa mo-moini ra Unanga. Unanga 'a waro ḏi'i mangale Unanga ro sapolo ra Ma Jou'ongu Madutu tala, re ḏuanga i'a 'o maḏibo ie ḏi'i ra Ma Jou'ongu Madutu.

Yohanes 3:35

Ma Jou'ongu Madutu 'o dadalara 'Ai Ngowa'a Nau'u re 'O pula'a mo-moini ḏua 'Ai kuasa.

1 Korintus 15:27

Toma Boku 'Ofi-'Ofi ma dara 'i silefo so'o ne: “Ma Jou'ongu Madutu 'o 'a'a 'ori i'a mo-moini 'i ta'aloko ra Unanga.” Enanga gena-ge 'i tarangi ḏua mangale Ma Jou'ongu Madutu 'o osama nyo-nyoimi ua toma “ 'ori i'a mo-moini” gena-ge, sababu Unanga 'o 'a'a 'ori i'a mo-moini 'i ta'aloko ra Kristus.

'Ibrani 1:13

Soi moi nyangu Ma Jou'ongu Madutu 'o kanau Tai mala'ekata matengo i'a so'o ne: “Tegoro Tari giama ma kuwiḏa i'a, singadolo Ngoi ta 'a'a 'Ani lawa-lawana 'aḏi ta'aloko ra ngana.”

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 2:5

Ma Jou'ongu Madutu 'o pula'a ua kuasa toma mala'ekata-mala'ekata di'a 'o parenta dungia su-sungi ga'a ngene wa kanau nange-ne.

1 Petrus 3:22

Yesus Kristus gena-ge ro pere ḏua toma soroga re 'O tegoro ra Ma Jou'ongu Madutu 'Ai giama ma kuwiḏa i'a. Mala'ekata-mala'ekata 'aḏi ta'aloko ra Unanga re ḏi'i 'ori i'a mo-moini ga'a rema kuasa, mo-moini 'i ta'aloko ra Unanga.

Tingoýi 1:18

Ngoi nena-ne 'ahu ma cimi. Ngoi reto sengene, mada'a dadunu To 'ahu moju re nange-ne To 'ahu kasingado-ngadolo i'a. 'Ari kuasa to ngadolo toma ngowa'a senge-sengene manga ngi'i. Dadi Ngoi nga'unu to si'ahu moju ngowa'a raḏi sengene.

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.