'Ibrani 2:4 - Jaji ma Su-sungi

⁴ Sidogo ḏi'i, Ma Jou'ongu Madutu 'a site'e ngowa'a gena-ge manga sakisi: Unanga 'o pula'a kuasa ra ananga di'a 'a'a ga'a hera-heranga ma fara muḏuo i'a, didina'o heranga re 'ori i'a hera-heranga. Re ḏi'i Unanga 'o pula'a cocatu di'a matengo re matengo mete'e Unanga 'ai 'akala ma mau masiretene. Cocatu gena-ge ma 'asala toma Ngagara 'Ofi-'Ofi.

'Ibrani 2:4 Iomraidhean Croise

Markus 16:20

Ḏua 'Ai me-mete'e 'aḏi tagi 'aḏi singadolo Habari Roanga da'u Ma Jou'ongu Madutu tala singadolo le'a bolo le'a. Re Ma Jou'ongu Madutu 'o mamete'e manga munara singadolo 'aḏi 'a'a ga'a hera-heranga. Enanga gena-ge 'i dadi bukiti mangale ananga manga habari 'i banari.]

Markus 6:14

'Olana Herodes 'a 'isene ḏua mo-moini mangale habari-habari gena-ge sababu 'a Yesus 'ai lomanga ngowa'a ya waro le'a bolo le'a. 'Age rema ngowa'a 'aḏi kanau, “Yesus ne 'a Yohanes tukanga baptis, unanga gena-ge dadunu 'o 'ahu moju. Sababu gena-ge, Yesus rai kuasa 'o 'a'a ga'a hera-heranga.”

Yohanes 15:26

Ri-riono ḏuanga i'a 'i sapolo ga'a Ngoi ḏuanga i'a Ta 'utusu da'u Rari Ḇaḇa tala. Enanga gena-ge Ma Ngagara 'Ofi-'Ofi ga'a 'I sitarangi mangale ba-banari Tari Ḇaḇa tala. Wakutu Enanga gena-ge 'I sapolo ḏua, Enanga 'I pula'a sakisi mangale Ngoi.

Yohanes 4:48

Yesus 'o kanau i'a toma pegawe kadato gena-ge, “Na'o ngini ni oḏi'i nyangu didina'o heranga re 'ori i'a hera-heranga, ngini ni ngaku ua!”

Yesus 'ai so-soma'a 4:10

Na'o so'o gena, Tuanga-Tuanga mo-moini re ngowa'a Israel mo-moini balasu na waro mangale ngowa'a nena-ne 'o te'oso masiretene sababu unanga ro la. Gena-ge 'i dadi sababu Yesus Kristus, ngowa'a Nazaret, 'Ai de-de'e re 'Ai kuasa. Tuanga-Tuanga ni sisalib ḏua Unanga gena-ge mada'a Ma Jou'ongu Madutu dadunu 'u si'ahu moju.

Yesus 'ai so-soma'a 5:32

Ngomi nena-ne mi dadi sakisi mangale mo-moini gena-ge. Ma Ngagara 'Ofi-'Ofi, ga'a Ma Jou'ongu Madutu 'o pula'a ḏua di'a ngowa-ngowa'a ga'a 'aḏi mete'e Unanga 'ai 'akala ma mau, 'I dadi sakisi ḏi'i mangale Yesus.”

Efesus 1:5

'Ua re 'au wali moju, sababu Ma Jou'ongu Madutu 'o dadalara ngene Unanga ro sitantukanga 'o 'oro ngene sa'olo 'ai ngowa-ngowa'a nau'u madutu. Gena-ge ri dadi sababu Yesus Kristus 'ai se-sengene. Mo-moini gena-ge Ma Jou'ongu Madutu 'a si'a'a mete'e Unanga 'ai mau, la sisanangi Unanga 'ai 'akala re sinyingara.

Efesus 1:9

Toma 'ua re 'au wali moju manusia ya waro ua Ma Jou'ongu Madutu 'ai rahasia Tai 'ulungu ma dara. Mada'a nange-ne, sababu Ma Jou'ongu Madutu 'o mau, Unanga 'a sijumu 'Ai maksudu ga'a 'A siḏagi sababu 'a Kristus 'ai se-sengene.

Efesus 4:7

Mada'a ngene matengo re matengo wo dawongo cocatu ma tero ua di'a wo 'a'a Ma Jou'ongu Madutu 'ai munara 'i mete'e 'oru ga'a Kristus 'O siwatasa ḏua.

'Ibrani 6:4

Sababu na'o ngowa'a 'aḏi ngaku ra Yesus riwara, sanga ua ananga gena-ge 'aḏi siḏibo toma ngo'omo boloto moju! Ma siḏa, ananga gena-ge 'aḏi 'ahu toma tarangi ra Ma Jou'ongu Madutu, re ya basono ḏua Unanga 'ai cocatu re 'aḏi dawongo ḏi'i Ma Ngagara 'Ofi-'Ofi ma tero sa'olo ngowa'a lelegu.