'Ibrani 2:3 - Jaji ma Su-sungi

³ Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 2:3 Iomraidhean Croise

Matias 23:33

Ngini ngowa'a ma jira ma tero sa'olo cuku'u! Ngini ngowa'a ma jira ma ju'uda ma tero sa'olo cuku'u rema bisa ma ngowa! Sanga ua, ngini nyengara sisalamata ninga diri toma hukumu naraka!

Matias 4:17

Mulaingi toma 'orasa gena-ge, Yesus 'o singadolo ma habari nena-ne: “Ni maḏibo toma ngo'omo boloto, sababu tiara riwara Soroga ma Pareta 'i ngadolo.”

Markus 1:14

'A Yohanes 'o osama bui. Pasala i'a, Yesus 'o sapolo toma daeraha Galilea. Unanga 'o singadolo Habari Roanga ra Ma Jou'ongu Madutu ino toma gamu-gamu.

Lukas 1:2

Ananga ya lefo mete'e ngowa'a ga'a ya oḏi'i masiretene 'oru ga'a 'i dadi ma mulaingi mangale Yesus 'ai ga'a, kara ya singadolo habari gena-ge ra ngene.

Lukas 1:69

Unanga 'o pula'a ra ngene Salamata ma Cimi rai kuasa, ga'a 'ai 'asala ra 'Olana Daud ino, Ma Jou'ongu Madutu 'ai falalomu.

Lukas 24:19

Yesus 'o sano, “ 'Oru 'i dadi ḏua?” Ananga ya sangoro, “ 'Oru ga'a 'i dadi ḏua ra Yesus, ngowa'a Nazaret ino. Unanga gena-ge 'o Nabi. 'Ai demo re 'Ai ga'a rema kuasa — bae ra Ma Jou'ongu Madutu 'ai momina bae ḏi'i toma manusia mo-moini manga momina.

Yohanes 15:27

Re ngini mo-moini ḏi'i balasu ni pula'a sakisi mangale Ngoi, sababu ma mulaingi i'a moju ngini reni mamete'e ra Ngoi.”

Yesus 'ai so-soma'a 2:22

Petrus dadunu 'o kanau moju, “Ioronongoḏu ngowa'a Israel! 'Oru ga'a ngoi ta siajele, balasu na 'isene. Ma Jou'ongu Madutu 'o sitantukanga Yesus, ngowa'a Nazaret, so'o ne: Unanga 'o pula'a kuasa ra Yesus, la 'o 'a'a ga'a hera-heranga, didina'o heranga re 'ori i'a hera-heranga, la ngini na waro ḏua Unanga gena-ge ra Ma Jou'ongu Madutu tala. Ngini mo-moini gena-ge ni waro masiretene 'i dadi mode-mode'e.

Yesus 'ai so-soma'a 4:12

Pa'i ra Yesus ḇato nyengara ngowa-ngowa'a 'aḏi sanga 'ahu kasingado-ngadolo i'a. Sababu toma dungia sitabi donga, matengo i'a mai ua 'o sanga kuasa di'a 'o sisalamata ngene.”

Roma 11:14

Dadi na'o nyengara gari'a ngoi to sigo-goḏi 'ari ioronongoḏu ngowa'a Yahudi manga 'akala re sinyingara, la mamuni'a tamanga sigolona ḏuanga i'a sanga salamata ḏi'i.

Roma 2:3

Dadi na'o ngini ni sijuruhakimi ngowa'a ga'a 'aḏi 'a'a jira, mada'a ngini ni 'a'a ma tero; awa ngini ni ta'ajiri Ma Jou'ongu Madutu 'o sihukumu ngini ua ḏi'i!

1 Korintus 1:21

Sababu manusia manga 'akala ma soro'unu, enanga sanga ua nana'o Ma Jou'ongu Madutu. Mada'a sababu Ma Jou'ongu Madutu 'ai 'akala ma soro'unu ma pari cua, Unanga gena-ge ro sitantukanga di'a 'O sisalamata ngowa'a ga'a raḏi ngaku 'Ai Habari Roanga. Habari Roanga gena-ge ngowa'a dungia 'aḏi ta'ajiri habari ma faeda 'i cua.

1 Tesalonika 5:3

Toma 'orasa gena-ge, ngowa'a ḏuanga i'a 'aḏi makanau, “Ngene mo-moini wo 'ahu toma la re wo salamata.” Mada'a toma 'orasa gena-ge kage-kage ananga 'aḏi sanga bahala re matengo i'a ua 'aḏi poloi'i. Gena-ge ma tero ḇato sa'olo we-were'a matengo kage-kage 'ami 'orasa ma ḏe-ḏegoro i'a enanga ri ngadolo mo mabasono mo go-goḏi, re munanga mo wiḏi yoḏu'u singadolo mo maḏe-ḏegoro i'a.

1 Timotius 1:15

'Age demo ma betongo so'o ne: “Kristus Yesus 'o sapolo toma dungia di'a 'O sisalamata ngowa-ngowa'a baraḏosa.” Demo gena-ge 'i tero re balasu wa dawongo re wa ngaku mode-mode'e. Ngoi masiretene 'ari ḏosa lai lamo'o toma ngowa'a baraḏosa mo-moini.

Titus 2:11

Ngana balasu no doto'o so'o gena-ge, sababu Ma Jou'ongu Madutu 'o sijumu ḏua 'Ai mura re dadalara, la 'A sisalamata ngowa'a mo-moini.

'Ibrani 1:1

'Ua re 'au wali moju Ma Jou'ongu Madutu 'o pake nabi-nabi di'a 'O kanau ra ngene nanga ete re dotumu. Soi rai o'o i'a, Unanga 'o kanau toma nabi-nabi 'O pake ma duhu ma fara muḏuo i'a.

'Ibrani 1:14

Na'o so'o gena-ge, mala'ekata-mala'ekata gena-ge 'o 'oru?! Ananga gena-ge roh-roh ga'a 'i de-de'oso Ma Jou'ongu Madutu re 'i riono ngowa-ngowa'a ga'a ḏuanga i'a 'aḏi dawongo salamata.

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.

'Ibrani 12:25

Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!

'Ibrani 4:1

Ma Jou'ongu Madutu 'ai jaji ga'a ngene wo osama toma ngo-ngomasa ma ngi'i mamete'e ra Unanga, jaji gena-ge 'i sigasa singadolo 'orasa nange-ne. Sababu gena-ge, ngene balasu wa kadiarata la-la ino, la awa 'age rema ngowa'a matengo i'a mai ua taninga sigolona ga'a ya sanga ua jaji mangale ngo-ngomasa ma ngi'i gena-ge.

'Ibrani 4:11

Sababu gena-ge, ino ngene wo makutale mode-mode'e di'a wo sanga ngomasa ga'a Ma Jou'ongu Madutu 'o sijaji pasala ḏua. Awa-awa 'age rema ngowa'a matengo i'a tananga sigolona 'o eta'a, sababu unanga 'o mete'e ngowa-ngowa'a manga duhu ga'a 'aḏi 'isene ua Ma Jou'ongu Madutu, 'ua re 'au wali.

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

'Ibrani 9:28

So'o gena ḏi'i, Kristus ro sidoa'a 'Ai lese masiretene soi moi ḇato sa'olo jou-jou ra Ma Jou'ongu Madutu, la 'O singi-ngiranga ngowa'a repe manga ḏosa. Re ḏuanga i'a Unanga dadunu 'o sapolo moju ma soi ḏiḏi, Unanga 'o singi-ngiranga ḏosa riwara, mada'a 'O gasa salamata di'a ngowa'a ga'a 'aḏi totoma Unanga.

1 Yohanes 1:1

Surata nena-ne, ngomi ma lefo re masiḏingoto ra ngini. Toma dara 'i silefo mangale Unanga ga'a silomanga Ma Jou'ongu Madutu 'ai 'Idini. 'Ua re 'au wali moju wakutu dungia nena-ne 'i sidadi nyangu, Unanga rema enanga ḏua re Unanga gena-ge 'o pula'a 'ahu. Ngomi masiretene ma 'isene reminga ngau'u, ngomi masiretene ma oḏi'i reminga la'o, ngomi masiretene ma siteru reminga giama ra Unanga.

Yudas 1:17

Mada'a ngini nena-ne, ioronongoḏu ngo-ngaku rimoi ga'a ngoi tini dadalara, ni 'elingi 'oru ga'a nanga Jou Yesus Kristus 'ai so-soma'a raḏi sinubuata:

Tingoýi 7:10

Ananga gena-ge 'aḏi kanau ya siduga-duga, “Nanga salamata 'i sapolo tananga Jou'ongu Madutu ino, ga'a 'O tegoro ra Ma 'Olana 'ai ḏe-ḏegoro re ra Doba ma Ngowa gena-ge!”