'Ibrani 2:2 - Jaji ma Su-sungi

² 'Ua re 'au wali mala'ekata-mala'ekata ro singadolo 'a Musa 'ai hukumu ga'a banari ra ngene nanga ete re dotumu. Re ngowa-ngowa'a ga'a ya mete'e ua re siḏagi ua, ananga sanga hukumu ma'u pasi reo ananga manga ga'a.

'Ibrani 2:2 Iomraidhean Croise

Yesus 'ai so-soma'a 7:53

Ngini ni dawongo ḏua Ma Jou'ongu Madutu 'ai parenta-parenta ga'a mala'ekata-mala'ekata ya singadolo ra ngini, mada'a ngini mo-moini ni mete'e ua.”

Galatia 3:19

Na'o so'o gena, i'a sa'olo Ma Jou'ongu Madutu ro pula'a hukumu ra Musa?! Ma sa-sangoro Unanga 'o pula'a Hukumu ra Musa, la ngene wo waro mangale ngene nanga ḏosa. Ngene balasu wo mete'e Musa 'ai hukumu singadolo Abraham 'ai ju'uda matengo, Kristus ro sapolo. Unanga gena-ge, Ma Jou'ongu Madutu ro sijaji pasala ḏua. Musa 'ai hukumu gena-ge 'o mala'ekata-mala'ekata ya pula'a ra Musa. Unanga gena-ge 'o dadi lese to golona ga'a 'o siajele hukumu toma manusia.

'Ibrani 1:1

'Ua re 'au wali moju Ma Jou'ongu Madutu 'o pake nabi-nabi di'a 'O kanau ra ngene nanga ete re dotumu. Soi rai o'o i'a, Unanga 'o kanau toma nabi-nabi 'O pake ma duhu ma fara muḏuo i'a.

'Ibrani 10:28

'A guna ḇato ga'a 'o sangaja mete'e ua Musa 'ai hukumu sababu 'a dawongo ua re 'o ta'ajiri enanga gena-ge sa'olo 'ori i'a ma faeda 'i cua, re 'age nga muḏiḏi bolo nga ḏu'ange sakisi 'aḏi kanau unanga ro 'a'a so'o gena, ḏua Musa 'o sijumu ua 'ai 'akala re sinyingara ma la-la re 'o singe-ngeta'a hukumu sengene ra unanga gena-ge.

'Ibrani 10:35

Sababu gena-ge, awa ninga 'akala re sinyingara 'i rapo'o. Sababu na'o ngini ni macako'o namo-namoto taninga ngo-ngaku tau-taunu ma tero sa'olo ma mulaingi, ḏuanga i'a ngini ni dawongo ngogele ga'a 'i lamo'o masala.

'Ibrani 11:26

Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.

'Ibrani 11:6

Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.

'Ibrani 12:25

Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!

2 Petrus 1:19

Sababu gena-ge, ngomi lebe ngaku mode-mode'e mangale Ma Jou'ongu Madutu 'ai habari ga'a nabi-nabi ma siḏa ya silefo pasala ḏua toma Boku 'Ofi-'Ofi. Habari gena-ge sa'olo lapuru malejanga toma hafu-hafu. Sababu gena-ge, ngini ni 'elingi tau-taunu taninga 'akala re sinyingara ma dara singadolo ma wangere ga'a Yesus Kristus dadunu 'o sapolo moju. Gena-ge ma tero sa'olo wangere ma la'o pilata re mumuḏungu toma wangere ma la'o ma tarangi ya 'erese.

Yudas 1:5

Ngini rena waro mo-moini nena-ne: Mada'a ngoi mau tini si'elingi ngini moju mangale siḏa-siḏa Ma Jou'ongu Madutu 'o sisalamata 'Ai 'umata Israel ga'a 'aḏi tegoro toma nagara Mesir. Mada'a maha ḏuanga i'a Unanga ya'u sijira ngowa-ngowa'a ga'a ngaku ua tamanga sigolona.