'Ibrani 2:18 - Jaji ma Su-sungi

¹⁸ Re sababu Yesus masiretene 'a basono sangisara wakutu Unanga 'o sanga bo-baja, Unanga nga'unu 'O riono ngowa-ngowa'a ga'a sanga bo-baja ḏi'i.

'Ibrani 2:18 Iomraidhean Croise

Lukas 22:28

Tari susa re sangisara ngini ni mamete'e ra Ngoi tau-taunu.

Lukas 22:53

Ma wangere ma jelele gena, Ngoi 'age taninga sigolona ra Ma Jou'ongu Madutu 'ai Wala, mada'a ngini ni cako'o Ngoi ua. Mada'a nena-ne enanga ma 'orasa 'i ngadolo ngini na si'a'a sababu 'Iblisi ma kuasa 'i ḏegoro manusia.”

Yohanes 10:29

'Ari Ḇaḇa ro pula'a ananga ra Ngoi, re 'Ai kuasa ma pari cua. Matengo i'a mai ua nga'unu 'o ra-rabasa ananga Tari Ḇaḇa 'ai giama ma sata.

1 Korintus 10:13

Bo-baja ga'a ngini ni sanga, gena-ge ma tero sa'olo ngowa'a mo-moini ya sanga ḏi'i. Mada'a Ma Jou'ongu Madutu 'o sidaioranga 'Ai jaji ua. Unanga 'o simaha ua ngini ni sanga bo-baja ga'a kangela woḏi di'a ngini nga'unu ni tahana. Wakutu ni sanga bo-baja, Unanga 'o pula'a ngo'omo, la ngini ni dogo te'e dadi ni eta'a ua toma bo-baja.

Filipi 3:21

Wakutu Unanga gena-ge dadunu 'o sapolo moju, 'O ngali nanga lese ga'a nange-ne mereoso 'i sidadi ma tero sa'olo Unanga 'ai lese masiretene ga'a 'i mulia. Unanga nyengara 'a si'a'a so'o gena sababu Unanga rai kuasa di'a 'O 'a'a 'oru ḇato.

2 Timotius 1:12

Ma sababu gena-ge, ngoi ta sanga ma sangisara. Mada'a ngoi to mara'a ua, sababu ta waro mode-mode'e Yesus Kristus ga'a ngoi reto ngaku re ḏi'i Unanga 'o saolo Habari Roanga ga'a Unanga 'a siwatasa ḏua ra ngoi singadolo Kiamata ma Wangere.

'Ibrani 5:2

'Imam 'agung masiretene, ananga ḏi'i manusia. Dadi ananga 'aḏi basono lamahana ma tero sa'olo ngene ḏi'i wakutu 'aḏi sanga bo-baja. Sababu gena-ge, manga 'akala re sinyingara 'i mereoso toma ngowa-ngowa'a ga'a 'aḏi 'a'a ḏosa sababu 'aḏi waro ua mangale ngo-ngaku ma ngo'omo.

2 Petrus 2:9

Dadi sababu Ma Jou'ongu Madutu 'o 'a'a mo-moini so'o gena-ge, Unanga 'a sijumu mangale Unanga nyengara 'o sisalamata ngowa'a loasa re banari wakutu ananga 'aḏi sanga sikisa. Re ḏi'i Unanga nyengara 'o sihukumu tau-taunu ngowa'a ma jira singadolo ma wangere 'i ngadolo wakutu Unanga 'o sijuruhakimi ngowa'a mo-moini.

Yudas 1:24

Ni puji re silamo'o Ma Jou'ongu Madutu ga'a nga'unu 'o kadiarata ngini, la ni eta'a toma ḏosa awa re nga'unu 'o sigasa re sitalaḏi ngini ra Unanga ga'a mulia. Toma 'orasa gena-ge ngini ninga sala cua re ninga 'akala re sinyingara 'i romanga reo roanga.

Tingoýi 3:10

Ngoi ta waro ḏi'i ga'a ngini ni mete'e mode-mode'e 'Ari parenta: Ni tahana re ni pake 'akala ḇanyo wakutu na sanga sikisa. Sababu gena-ge, toma dungia sitabi donga wakutu ngowa'a 'aḏi sanga ma susa re sangisara, Ngoi masiretene tini saolo ngini. Gena-ge 'i dadi wakutu Ngoi tunu tai'i ngowa'a mo-moini toma dungia sitabi donga.