'Ibrani 2:17 - Jaji ma Su-sungi

¹⁷ Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.

'Ibrani 2:17 Iomraidhean Croise

Roma 15:17

Sababu ngoi reto marimoi ra Kristus Yesus, ngoi nyengara to sitoro mangale 'ari munara gena-ge di'a Ma Jou'ongu Madutu.

Roma 5:10

Sababu na'o wakutu ngene Ma Jou'ongu Madutu 'ai lawana, Unanga 'o sirimoi ngene ra Unanga sababu 'Ai Ngowa'a Nau'u 'ai se-sengene; tantu ḏua toma 'orasa nange-ne, wakutu ngene rewo marimoi ra Ma Jou'ongu Madutu, Kristus ḏuanga i'a 'o sisalamata ngene sababu Unanga dadunu 'o 'ahu moju!

Efesus 2:16

Dadi sababu Yesus 'ai se-sengene toma salib, ngowa'a Yahudi re ngowa'a Yahudi ua 'A sirimoi, re 'A sirimoi ananga ra Ma Jou'ongu Madutu. Sababu gena-ge ananga 'aḏi ma'u gugutu riwara.

Kolose 1:21

'Au nga'ene, ngini ni kiḏanga ra Ma Jou'ongu Madutu re ni lawana Unanga, sababu taninga 'akala re sinyingara ma dara 'i cira singadolo 'i waiti taninga de'oso re ḏegoro.

'Ibrani 10:21

Re 'orasa nange-ne, Unanga nanga 'Imam 'Agung rai kuasa ra ngene ga'a Ma Jou'ongu Madutu 'ai ngitu re ngale.

'Ibrani 2:11

Yesus ga'a 'o sigofi manusia tamanga ḏosa-ḏosa re ananga ga'a sanga sigofi ḏua, ananga gena-ge Ḇaḇa moi. Sababu gena-ge Yesus 'o mara'a ua 'o kanau mangale ananga gena-ge 'Ai ioronongoḏu.

'Ibrani 2:14

Ngowa-ngowa'a ga'a Ma Jou'ongu Madutu 'o si'aro'o 'Ai ngowa-ngowa'a, ananga gena-ge manusia remanga lese. Sababu gena-ge, Yesus 'o dadi ngowa'a manusia matengo ma tero sa'olo ngene, la 'ai se-sengene 'i singi-ngiranga 'Iblisi ma kuasa. 'Iblisi gena-ge 'i sigasa manusia toma sengene.

'Ibrani 2:16

Dadi ngene rewo waro mangale Unanga 'o riono mala'ekata ua, mada'a 'O riono ngene, Abraham 'ai ju'uda.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

'Ibrani 3:2

Yesus gena-ge ga'a Ma Jou'ongu Madutu 'U cumutu, 'O cufala madutu 'a siḏagi 'Ai munara ra Ma Jou'ongu Madutu tala; ma tero sa'olo 'ua re 'au wali 'a Musa 'o cufala madutu siḏagi 'ai munara ra Ma Jou'ongu Madutu 'ai Wala — gena-ge ma ngale Musa 'a de-de'oso Ma Jou'ongu Madutu 'ai ngitu re ngale.

'Ibrani 3:5

Musa 'o cufala de-de'oso Ma Jou'ongu Madutu 'ai ngitu re ngale ma tero sa'olo falalomu 'o cufala de-de'oso tai tuanga 'ai wala. Re Musa 'o singadolo 'oru ḇato ga'a Ma Jou'ongu Madutu 'a siajele toma bio-biono i'a.

'Ibrani 4:14

Ngene nanga 'Imam 'Agung La-lamo'o ga'a ro pere sie toma soroga singadolo osama talaḏi ra Ma Jou'ongu Madutu 'ai biono, Unanga gena-ge Yesus, Ma Jou'ongu Madutu 'ai Ngowa'a Nau'u. Sababu gena-ge, ngene balasu macako'o namo-namoto tananga ngo-ngaku re matogumu awa kanau 'oru ga'a wo ngaku.

'Ibrani 4:15

Sababu Yesus, ngene nanga 'Imam 'Agung gena-ge, Unanga 'o sahe mode-mode'e ngene nanga lamahana. Sababu Unanga masiretene 'a sanga bo-baja toma 'oru ḇato ma tero sa'olo ngene. Mada'a ma tero sa'olo ngene ua, Unanga kama ḏosa ua.

'Ibrani 5:1

'Imam 'agung mo-moini Ma Jou'ongu Madutu ya'u cumutu toma manusia. 'Imam 'agung 'aḏi munara di'a Ma Jou'ongu Madutu sa'olo manusia manga nga-ngali. Ananga manga munara di'a sibere manusia manga bu-bula'a re jou-jou, la Ma Jou'ongu Madutu 'o si'ofi manusia tamanga ḏosa.

'Ibrani 5:10

Re Ma Jou'ongu Madutu 'o tede Unanga 'o dadi 'Imam 'Agung ma tero sa'olo Melkisedek.

'Ibrani 5:2

'Imam 'agung masiretene, ananga ḏi'i manusia. Dadi ananga 'aḏi basono lamahana ma tero sa'olo ngene ḏi'i wakutu 'aḏi sanga bo-baja. Sababu gena-ge, manga 'akala re sinyingara 'i mereoso toma ngowa-ngowa'a ga'a 'aḏi 'a'a ḏosa sababu 'aḏi waro ua mangale ngo-ngaku ma ngo'omo.

'Ibrani 5:5

So'o gena ḏi'i Kristus, wakutu Unanga 'o dadi 'Imam 'Agung, Unanga 'a sitede 'ai diri masiretene ua, mada'a Ma Jou'ongu Madutu 'U tede Unanga. Re Ma Jou'ongu Madutu 'o kanau ra Unanga, “Ngana nena-ne 'Ari Ngowa'a Nau'u, toma wangere nange-ne Ngoi to dadi Ngana 'Ani Ḇaḇa.”

'Ibrani 6:20

Yesus ro osama siḏa toma ngi'i gena-ge, la ngene nyengara wo osama ḏi'i. Unanga gena-ge 'o dadi 'Imam 'Agung singado-ngadolo i'a, ma tero sa'olo 'imam Melkisedek.

'Ibrani 7:26

Dadi ngene wo paralu Yesus gena-ge sa'olo nanga 'Imam 'Agung. Unanga ngowa'a 'ofi-'ofi, kai sala re ḏosa ua. Ma Jou'ongu Madutu 'o siwola i'a Unanga toma ngowa-ngowa'a baraḏosa, re Unanga ro pere singadolo ma ngi'i ga'a lebe kau'u reo diwanga ma gau'u.

'Ibrani 7:28

Ngowa'a ga'a 'aḏi dadi 'imam 'agung mete'e Musa 'ai hukumu, ananga gena-ge ngowa'a lamahana ga'a 'aḏi matogumu yoḏu'u 'a'a ḏosa. Mada'a wakutu Musa 'ai hukumu togumu i'a, Ma Jou'ongu Madutu si'a'a jaji ma su-sungi reo sasi mangale ḏuanga i'a Unanga 'o tede 'Ai Ngowa'a Nau'u dadi 'Imam 'Agung. Yesus gena-ge 'Imam 'Agung ti-tiai kasingado-ngadolo i'a ga'a si'a'a ngowa'a dadi 'ofi-'ofi ra Ma Jou'ongu Madutu 'ai momina.

'Ibrani 8:1

Ioronongoḏu ngo-ngaku rimoi, ngene ma kanau ma cimi so'o ne: Nanga 'Imam 'Agung 'o tegoro ra Ma Jou'ongu Madutu 'ai giama ma kuwiḏa i'a, Unanga gena-ge ga'a 'Ai kuasa ma pari cua, re 'Imam 'Agung gena-ge 'o parenta mamete'e ra Unanga toma soroga.

'Ibrani 8:3

Ma Jou'ongu Madutu 'o tede 'imam 'agung mo-moini di'a gasa bu-bula'a—bu-bula'a re jou-jou haiwani ra Unanga. Dadi so'o gena ḏi'i 'a Yesus, ngene nanga 'Imam 'Agung, Unanga ḏi'i balasu gasa 'ori i'a di'a 'i dadi jou-jou.

'Ibrani 9:11

Mada'a wakutu Kristus 'o waiti sa'olo 'Imam 'Agung, Unanga 'o gasa barakati ga'a ngene nyengara wo dawongo nange-ne. Unanga 'o osama ua toma suyu'u ma dara ga'a manusia raḏi 'a'a toma dungia nena-ne. Unanga 'o osama toma ngi'i ga'a ma tero sa'olo suyu'u, mada'a suyu'u gena-ge toma soroga. Sababu gena-ge suyu'u gena-ge 'i ti-tiai re lebe rousu reo suyu'u toma dungia.