'Ibrani 2:16 - Jaji ma Su-sungi

¹⁶ Dadi ngene rewo waro mangale Unanga 'o riono mala'ekata ua, mada'a 'O riono ngene, Abraham 'ai ju'uda.

'Ibrani 2:16 Iomraidhean Croise

Roma 2:25

Ngini reni masuna mete'e Musa 'ai hukumu. Dadi ngini ga'a ni siḏagi Musa 'ai hukumu; na'o ngini ni masuna, enanga gena-ge rema faeda. Mada'a ngini ga'a ni mete'e Musa 'ai hukumu ua; na'o ngini ni masuna, enanga gena-ge ma faeda 'i cua; sababu ngini ni dadi ma tero sa'olo ngowa'a Yahudi ua ga'a 'aḏi masuna ua!

Galatia 3:16

Ma Jou'ongu Madutu 'ai jaji, Unanga masiretene madiga'a di'a Abraham re unanga 'ai ju'uda matengo. Toma Boku 'Ofi-'Ofi 'i silefo ua mangale Unanga 'ai jaji di'a “ 'A Abraham 'ai ju'uda-ju'uda” gena-ge ma ngale: di'a ngowa'a repe. Mada'a jaji gena-ge ri silefo ḏua di'a pa'i “ju'uda matengo” ḇato: gena-ge Kristus.

Galatia 3:29

Re sababu ngini ni marimoi ra Kristus, ngini reni dadi Abraham 'ai ju'uda. Dadi ngini ḏi'i ni dawongo 'oru ḇato ga'a Ma Jou'ongu Madutu 'a sijaji ra Abraham pasala ḏua.

'Ibrani 12:10

Nanga ḇaḇa toma dungia nena-ne, ananga 'aḏi sihukumu di'a 'aḏi doto'o ngene toma dungia mete'e 'oru ga'a la-la tamanga fikirana re pa'i ti'ara ua. Mada'a Ma Jou'ongu Madutu 'o pake sangisara di'a doto'o ngene mete'e 'oru ga'a la-la di'a ngene, la wo dadi 'ofi-'ofi mamete'e ra Unanga.

'Ibrani 2:15

Ma duhu gena-ge, Unanga 'a sibebasa ngene toma basono mojongo sengene ma kuasa, ga'a ri kuasa ngene nanga 'ahu. Ngene wo mojongo maut ma tero sa'olo budaka matengo 'o mojongo 'ai tuanga.

'Ibrani 2:17

Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.

'Ibrani 6:16

Na'o ngowa'a 'aḏi tede sasi, balasu 'aḏi terongo ngowa'a manga lomanga lebe kau'u ra ananga. Dadi sasi gena-ge, ngowa'a ya lawana yoḏu'u.

1 Petrus 1:20

Wakutu dungia ne 'i dadi nyangu, Ma Jou'ongu Madutu 'o cumutu Kristus di'a 'O sibebasa ngini. Mada'a Unanga ro sapolo toma 'orasa nena-ne wakutu Kiamata ma Wangere sa'i ri ngadolo.